เมื่อวานนี่ 23-05-2011 แม่เพิ่นฝากเห็ดเผาะมาให้จากมุกดาหารจ้า
ได้มาแล่วกะจั๊กสิเฮ็ดหยังกิน(เพราะว่าบ่เคยเฮ็ด มีแต่แม่เฮ็ดให้กิน) คิดไปคิดมากะเลยคิดว่าน่าจะแกงดีกว่า..กะเลยโทรไปถามแม่ว่าเฮ็ดแนวใด๋แนแม่แกงเห็ดเผาะน่ะ...แม่กะบอกสูตรมาให้ด้วยความสมเพชว่า (..หล่าเอ้ยเฒ่าปานนี่แล่วกะยังเฮ็ดบ่เป็นอยู่บ่ เพิ่นว่า.อิอิ.)
ถึงแม้สิแกงไปแล่วแต่เห็ดเผาะก็ยังมีเหลือก็เลยคิดอีกเมนูหนึ่งนั่นคือ..ซุปเห็ดเผาะค่ะ...
เสร็จแล่วจ้าเมนูสาวภูไท แกงเห็ดเผาะกับซุปเห็ดเผาะ(ครั้งแรกในชีวิตที่เฮ็ดกินเอง) มีเครื่องปรุงหยังกะใส่มันสำมะปิ๊โลดจ้า แต่ผลออกมากะแซ๊บ..แซบ..(จั๊กแซบหรือบ่แซบบ่มีหนูทดลองให้ ได้แต่นั่งกินผุเดียวจ้า) มาเด้อไผอยากกินนำกะดาย ตอนนี้ยังมีเหลืออยู่จ้าเก็บใส่ตู้เย็นไว้อยู่ค่ะ..
Bookmarks