วันที่ 20 พฤษภาคม 2554 ที่
ผ่านมาอยู่บ้านหนองผือของน้องเขมฯ จัดประเพณีเนาว์ภูพนมดีค่ะ
ประเพณีเนาว์จัดขึ้นทุกเดือนหกของทุกปีเป็นการละเล่นสุดท้ายก่อนจะหันหน้าลงหาเวียก
เฮ็ดไฮ่เฮ็ดนาบางท้องที่อื่นเพิ่นสิมีงานบุญบั้งไฟ แต่บ้านน้องเขมฯ มีงานเนาว์ค่ะ ส่วน
สถานที่เนาว์ กะแล้วแต่ว่าจะสะดวกหม่องได๋ บางหมู่บ้านอาจเป็นแหล่งน้ำขนาดใหญ่
ดอนปู่ตา ฯลฯ แต่บ้านน้องเขมฯ จัดเทิงภูพนมดีค่ะ บริเวณดานระฆังหงาย
ภายในงานมีการละเล่น หลายอย่างค่ะ เช่น ประกวดหมอลำกลอน
ประกวดตำหมากหุ่ง เส็งกลองกิ่ง บวชป่า เปิดคาสิโน เฉพาะมื่อเดียวท่อนั้นเด้อค่ะ
หลังจากนั้นถ้าเล่นกะตัวใครตัวมัน
กิจกรรมแรกที่อยากให้พี่น้องบ้านมหาเฮา
เห็น คือ “การเส็งกลองกิ่ง” ค่ะ
การเส็งกลอง หรือ การแข่งตีกลองกิ่ง บ่มีหลักฐานว่าเกิดแต่ยามได๋ค่ะ
(จากการหาข้อมูลในกลูเกิล
)
รู้แต่ว่าชาวบ้านนิยม เส็งกันยามเดือนหกในงานบุญบั้งไฟ และงานเนาว์
แต่ละหมู่บ้านจะมีช่างเฮ็ดกลองประจำหมู่บ้าน ซึ่งบางบ้านอาจเป็นพระในวัดกะมีค่ะ
ไม้ที่นิยมเอามาเฮ็ดในอดีตเป็นไม้ประดู่ แต่ปัจจุบันหายาก เลยได้ไม้หมากมี่
ไม้หมากหาด ไม้หมากม่วงแทนค่ะ
แล้วการแข่งกะจะแบ่งตามขนาดของหน้ากลองมีตั้งแต่ ขนาด 43 นิ้ว น้อยสุด
เรื่อยไปจนฮอด 63 นิ้ว ขนาดใหญ่สุดค่ะ การแพ้ชนะจะวัดจากความดังของกลอง
ในอดีตคะแนนข้อนี้กรรมการจะให้คะแนนเองค่ะ แต่ปัจจุบันมีเครื่องวัดเสียงเป็นโต
ซ่อย ออกมาเป็นเดซิเบลเลยค่ะ ทันสมัยบักคัก....
แล้วจังหวะการตีของคนตี ความนุ่มนวล ของเสียงกลอง แล้วตีไปแล้วหน้ากลองต้องบ่
แตกนำค่ะ บ่แม่นเสียงดังแฮงแล้วหน้ากลองแตก ถือว่าแพ้จาว หรือแพ้ฟาวค่ะ ซึ่งสิ่ง
เหล่านี้ มีผลมาจากช่างผู้เฮ็ดกลองทั้งหมดค่ะ
แล้วอีกอย่างหนึ่งที่บ่เว้าถึงบ่ได้กะคือไม้ตีค่ะ ซึ่งเป็นของสำคัญต่อผลการแข่งขันคือกัน
การแข่งขัน คณะที่เข้าร่วมแข่งขันจะส่งกลองในคณะเจ้าของเข้าแข่งขันแต่ละรุ่นค่ะ
ตามขนาดหน้ากลองส่งเข้าเป็นคู่ คนตี 1 คน จับเวลาตีแข่งกันค่ะ
เงินรางวัลบ่แม่นปัจจัยที่แต่ละคณะใส่ใจค่ะ สิ่งที่ได้จากชัยชนะ
คือชื่อเสียง ศักดิ์ศรี ของคณะช่างกลอง
ฉะนั้น คณะที่ส่งเข้าแข่งขันเพิ่นจั่งทุ่มเททั้งกำลังแรงใจในการ เฮ็ดกลอง การตี
กลอง รวมไปถึงการบูชาเครื่องรางของขลังเพื่อชัยชนะที่ยิ่งใหญ่ (เบ๋ย...)
บ่แม่นชัยชนะของ คณะช่างกลองท่อนั้นเด้อค่ะ เป็นชัยชนะของหมู่บ้าน
ของกองเชียร์นำค่ะ (กระซิบๆ) บางคนมีการรองกันนำเด้อค่ะ
เป็นการละเล่นที่มีมาแต่โบราณ ควรจะมีการอนุรักษ์สืบสานไว้เน๊าะค่ะ
ปล. ถ้าสังสัยหยัง หาข้อมูลเพิ่มเด้อค่ะ เพราะน้องเขมฯ ฮู้ส่ำได๋กะเขียนซ่ำนั้น
นอกนั้นบ่ฮู้ค่ะ ต้องขออภัย :,1-:,1-
Bookmarks