มื้อนี่บริษัทหยุดพิเศษให่มื้อหนึ่งบ่ฮู้ว่าสิไปใสกะเลยคึดพ้อไทพี่น้องอยู่เทิง วังน้ำเขียว โคราชกับวังน้ำเขียวห่างกันประมาณ ๘๐ กม.เลยโทร.หาเพิ่นๆกะอยู๋พอดีกะเลยบอกว่าสิขื่นไปกินเข่าเที่ยงนำเด้อ(จับจูดคือบั้งตะไลนิครับเว้าปุ๊บไปปั๊บโลด)
ออกจากโคราช ผ่านชุมชนบ้านด่านเกวียนก่อนเถิง อ.โชคชัย เลี้ยวขวาไปทางสวนสัตว์โคราช ไปตั้งหลักหน่าสวนสัตว์โคราช
สามแยกทางหน่าเลี้ยวซ้ายเข่าสู่ทางหลวง หมายเลข 304 อ.วังน้ำเขียว 59 ผ่านปักธงชัยก่อนขื่นเขา ถึกแหบไปร้อยหนึง(เพิ่นว่าสิฟ้าวไปไสน้อคือแล่นเร็วแท้แล่นตั้งร้อยซาวพะนะ)
พอแต่พ้อหน่ากันแล้ว(โตจริงเสียงจริงกันเทื้อแรก) ไปหาหม่องกินเข่ากันลาบก้อยซอยแซ ถ่วยนี่กะต้มแซบ บุ๋ยขมดีเป็นฮ้ายของแซบอิสานบ้านเฮา
จานนี่บ่บอกกะฮู้ก้อยขม (ขมแป๋ตาย ตายกะบ่เอาเรื่องเว้าพื้นขมจะแม่นมักหลาย)
ตำบักหุงใส่ปูดอง (ตำปูปลาร้า)
แนวกินคู่กัน มีตำบักหุงกะต้องมีปิ้งไก่ (ไก่ย่าง)
ผักกินกับก้อยแบบฉบับอิสานบ้านเฮา ผักหนอก ผักอีเลิด ผักตูมซาอุ ฯลฯ
นี่หละครับไทพี่น้อง วังน้ำเขียว ที่เพิ่นเลี้ยงเข่าเที่ยงผมมื้อนี่ (๒๖ พ.ค.๕๔)
ส่วนผม ฅนภูค่าว ลาวกะสินธุ์ หลอยขื่นไปญาม อาวอ้วนเมืองยศ อยู่เทิงวังน้ำเขียวครับผม
ขอขอบคุณเด้อครับ อาวอ้วนเมืองยศ ที่เลี้ยงเข่าเที่ยงมื้อนี่ กับมิตรภาพที่แสนดี มีโอกาสเดี๋ยวผมสิเลี้ยงคืนดอก บ่ซ้ากะเร็วๆนี่หละแล้วแต่โอกาสเนาะอาวเนาะ ขอบคุณคร้าบผม
ขอขอบคุณบ้านมหาดอทคอมที่ให้พื้นที่นำเสนอ...หลอยขื่นไปกินเข่าเทียงกับพี่น้องอยู่เทิง...วังน้ำเขียว
Bookmarks