กำลังแสดงผล 1 ถึง 10 จากทั้งหมด 10

หัวข้อ: หมอลำหน้าลาว...(กลอนม้าป่งเขา)

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา หมอลำหน้าลาว...(กลอนม้าป่งเขา)

    ตั้งแต่กี้แต่ก่อนเพิ่นใช้ม้าแทนรถ เต้นขึ้นขี่หลังยศแล้วกะแล่นซำซำ
    สิไปร้องไปลำบ้านนั้นบ้านนี้ บ่มีรถสิขี่มีแต่ม้ากับเกวียน
    กลับคืนมาฮอดเฮือนจนดากแดงอ่งต่ง ม้ามันพาข่วมท่งข้ามโคกข้ามดอน
    จักว่ายอกหรือคอนอีมะแล๋แถแถด จนหำแปหำแป้ดดากด้านปานลิง
    ส่วนว่าดากผุญิงกะหากเป็นตาหน่าย หยังกะแดงจ่ายว่ายถ้าผุขี่ไกล ไกล
    ไปอาบน้ำเทื่อได๋กะแสบจนหลงเต้น กะโนนก้นสะเม่นปานถืกเกลือทา
    สมัยนี้ต่อมากะยังไคหลายเติบ ดากบ่ได้แตกเขิบคือแต่โบราณ
    เพราะมีรถโดยสารเถิงกันสุบ่อน ม้าแต่กี้แต่ก่อนผั่นกินหญ้ากินฮำ
    ม้าเฮาขี่ประจำเดี๋ยวนี้คุณแม่ มันหากกินตั้งแต่โซล่าเบนซิน
    บาดสิกินแล่นเข้าหาแต่ปั๊ม มีท่อใด๋กะหย่ำจนว่าตดเป็นควัน
    บ่ได้กินแล้วรวนยืนอยู่กับที่ แม่นสิป้ายขึ้นขี่กะบ่วิ่งบ่เดิน
    คันเจ้าของจกเงินซื้อให้ยัดหย่อ เบิ่งเพิ่นวิ่งเพิ่นห้อแหมไปสุดทาง
    ขึ้นถนนลาดยางผั่นพอปานมีปีก คันผุใด๋บ่หลีกให้ระวังคางเหลือง
    แท้แม่นอยู่ในเมืองม้าสมัยใหม่ จักผุน้อยผุใหญ่ขี่กันแซวแซว
    ลางเทื่อตำบักแอวกันลงเอดเลด เกิดอุบัติเหตุตายเอ้าตายเอา
    เขาขี่ม้าป่งเขาทำจากญี่ปุ่น ขี่ไปแหน่กะมุ่นได้ซ่อมได้แซม
    ฟังเสียงแหมกะบ่คือม้าแกลบ ดังจนว่ามันแสบแก้วหู รู...
    จักแม่นพวกโก๋กี๋หรือวัยสะรุ่น ได้ขี่ม้าญี่ปุ่นแล้ววางมาดอาจอง
    ทำตัวปานเฉินหลงนั่งอุจจาระ บาดเพิ่นสิก่างก๊ะป้ายขึ้นป้ายกวม
    ถ่ากางเกงหลวมหลวมกะยังไคจักนิด ถ่ากางเกงฟิตฟิตป้ายขึ้นยามใด๋
    เพิ่นผุอยู่ทางในผั่นเลี้ยวซ้ายหล่างง่าง ส่วนผุญิงหยังกะโกนจ่างป่างถ้ำพระยาทอน
    ข้าวต้มผัดสองลอนล่ะเทิงเปเทิงเป้ด เบี้ยวปาน...ผีเผดย่างข่วมคันแท
    หมอแคนเห็นแล้วแลจนว่าตาเหลือก กลืนน้ำลายลงเอื้อก เสียงจ่มพุมพุม กูอยากเอามือหยุมเบิ่งเด้จักเทื่อ5555 (เอ้าสอยแมะ555)
    ว่าบ่เซื่อกะถามข่อยเบิ่งตี้ สายตาดีกะแม่นหมอแคนใหญ่
    ว่าแต่เห็นเขาใส่กระปอกกระโปง สิก้าวขึ้นก้าวลงล่ะสะเวิบสะวาบ
    เห็นขาขาวมาบมาบขี่มอเตอร์ไซด์ ฮอดบ่อยากไปไสจ้องปานยิงนก
    ซ้ำบ่หนำมีดพกกะวางมาดอาจเส็ง ตุงออกเป้ากางเกงพอปานจุดสามแปด
    คอบเพิ่นแนเพิ่นแพดใส่แต่กกขาขาว ลุโตนเด้น้ออาวอึดกินอึดอยู่
    แนมตั้งแต่ของหมู่ซามเหมิดงานลำ วาสนาของหำเจ้ากะพอปานนี้
    ซ่างมันเถาะคุณพี่อย่าไปคิดมันหลาย บ่ได้กินกะบ่ตายดอกข้าวหนมแหนบ
    มันบ่นัวบ่แซบคือต้มคือแกง ซ้ำบ่หนำเหมิดแฮงตีนซาขาหล่อย
    เห็นบ่ข่อยจนจ่อยกะสิหาทางเซา เดี๋ยวนี้ขี่แต่ม้าป่งเขาไปหาลำหาร้อง
    บ่ได้ไปเกี่ยวข้องกับม้าขาเงิง ส่วนผุท้ายฮาวเขิงผั่นมักขี่ม้าโยก
    บ่แม่นขี่ข้ามโคกข้ามท่งข้ามดอน ขี่ตั้งแต่ยามนอนป้ายขึ้นแล้วควบ
    หยังกะดังจ๊วบจ๊วบปานหมูกินฮำ บาดนี้ ไปทางบ้านหมอลำสกลก้นกลาก
    เขาผั่นขี่วิบากหนุ่มห่าวสาววอง ไปกันสองต่อสองติดแอวอ้อนต้อน
    คันผุสาวนั่งซ้อนไอ้หนุ่มกลัดมัน ผั่นหากแล่นเบิดหันเบรกดังอ้วดเอี้ยด
    ผุสาวโย้มาเบียดนมตุ๊ทางหลัง เนิ้งใส่กันจังจังว่าเบาเบาแหน่พี่พะนะ
    ทีแรกนั้นกะขี่ท่าธรรมดา บาดขี่ไปขี่มาผั่นกอดแอวอุ้มลุ้ม
    ซิ้นทางเทิงทางลุ่ม ซิ้นโค้น ซิ้นสัน เบียดเข้าไปหากันกะเลยเกิดซู่ซ่า
    หน๋อยกะแวเข้าป่า ถิ่มฮอดขี่ม้าป่งเขา ไปขี่ม้าสีเทาแผงดำกื่อจื่อ
    ขี่บ่ขี่ซื่อซื่อผั่นโยกไปโยกมา จักว่าแขนว่าขาพันกันอูดหลูด
    เสียงถั่งดังกู้ดกู้ดคือสิแซบสินัว คันว่าหน้าลาวตั๋วไปถามเฒ่ายาวเบิ่ง 55555 ฮิ้วๆๆ สอย ๆ เอ้าสอยบาดที่นี่55555
    หมอลำหน้าลาว...(กลอนม้าป่งเขา)หมอลำหน้าลาว...(กลอนม้าป่งเขา)หมอลำหน้าลาว...(กลอนม้าป่งเขา)
    แก้ไขครั้งสุดท้ายโดย หนุ่มหน้าลาว; 29-05-2011 at 20:28.

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    สอยนำแหน่จ้าอ้าย ม่วนหลายจร้าๆๆ

    สอยๆนกจิบเฟืองบินข่วมปลายพร้าว อ้ายบ่าวหน้าลาวบ่รู้จักสาวสก๊อยส์ บาดห่าสาวพาไปสอย ผัดว่าอย่าฟ้าวหลาย อ้ายวินนนนนนนนนนหัวๆๆๆๆๆๆๆๆๆ .....อิอิ ม่วนนำเด้อจร้าอ้าย

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    สอยพี่น้องฟังสอย

    สอย.สอย.. สอยปึ้ดสอยป้าด..ขี่ใส่สาด(เสื่อ)เอาหมอนแก้ง(เช็ด)แล้วหย่างหนี
    จั่งซี่กะมาสอย...เนาะ

    .....ลำแบบนี่ที่เด็ดเด็ดกะมีปรมาจารย์หลายท่านที่พอจำได้และเคยฟัง.กะมี.
    หมอลำคูณ...เผิ่นมีฉายา.."หมอลำคูณ"....(ขอเซ็นเซอร์)
    หมอลำปรมจารย์ พ่อใหญ่เคน ดาเหลา.."ฉายาหมอลำเคนฮุด"(ศิลปินแห่งชาติ)
    พ่อใหญ่ทองเจริญ ดาเหลา นี่กะบ่หยอกคือกันครับ รุ่นหลังมากะมี
    หมอลำเดชา นิตตะอินทร์ ส่วนหมอลำฝ่ายญิง กะมีทีเด็ดคือกันครับ
    แม่ใหญ่บุญเพ็ง ใฝผิวไชย แม่ใหญ่บุญช่วง เด่นดวงและอีกหลายท่านครับ
    ...เนื้อหาลำทำนองนี้อาจจะออกสองแง่สองง่าม..ทะลึ่งนิดนิด.(หมอลำเพอะ)..
    สอยพี่น้องฟังสอยสอยพี่น้องฟังสอย:,1-:,1-:,1-สอยพี่น้องฟังสอยสอยพี่น้องฟังสอย

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ฮ่าๆๆๆ ส่างมาพ้อหมอลำแทะน้อบาดนิ ป๊าสสสสส ลำม่วนแทะหมอ เฮาขอสอยใส่เอาเด้อกระทู้นี้ ฮ่าๆๆๆๆๆ.......

    สอย...พี่น้องอ่านสอย... นกจิบน้อยบินข้ามป่ายาง สาวหญ้านางว่าฮู้จักสาวสก๊อย พาหน้าลาวเพื่อนข่อย ไปหาเลาะแถวถนน พาไปได้บ่ดนเสียงคนผัดมิดจ้อย ได้ยินตะเสียงค่อยๆว่าอย่าปาก อย่าปาก บาดได๋แท้วินฮาก อยู่ข้างฟากฮิมทางงงงง...ว่าติ 5555555
    แก้ไขครั้งสุดท้ายโดย พลายแก้ว; 27-05-2011 at 15:45.

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    55555555 เข้าท่ายุบ่าว ให้ยืมไปลำเซิ้งบั้งไฟแหน่เดอคือสิค่องซั่นดอก
    หมอลำกลอนสมัยเก่าเฮา

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    กรู๊ๆๆๆๆๆๆๆๆๆ... เข้าท่าๆๆๆ..หมอแคนศรีสะท้าน ไปทางไดน่อ มาให้หย่าวไส่จักบาดแน่น๊า....

  7. #7
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    ได้ฟังที่เพิ่นลำคือสิม่วนคักน้อจ้า
    เป่าแคนใส่คือสิสุดๆๆเลยจ้า
    (ว่าแล้วกะอัดเสียงลำมาให้ฟังใหม่แหน่เด้อจ้าอ้าย...)

  8. #8
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    สอย สอย สอย เดี๋ยวๆๆ คิดก่อน อิอิ




  9. #9
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197
    มักคักตรงนี้เด้อจ้า

    กลับคืนมาฮอดเฮือนจนดากแดงอ่งต่ง
    ม้ามันพาข่วมท่งข้ามโคกข้ามดอน
    จักว่ายอกหรือคอนอีมะแล๋แถแถด
    จนหำแปหำแป้ดดากด้านปานลิง

    5555555555555.......เอิ๊กกกกก
    *********************************


    อิสระ เสรี เสมอภาค




    *********************************

  10. #10
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    สอย สอย อ้ายทิดจ่อยไปเที่ยวบุญบั้งไฟ เห็นเขาหาบท่อนงิ้วใหญ่กับก้านบักพร้าว
    บ๊ะ เลาโหลดคึดอยากจ้าวกะเลยฟ้าวคืนเมือ55555 ส่ำนี้กะสอย 55555 ฮิ้ว ๆๆๆๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •