พี่น้องเอ้ย....ขอสายกยกกลอนชี้ ประเพณีอีสานเก่า
ถึงฮีตคลองตั้งแต่เค้า บาดยามเข้าสู่วสันต์
หลังคิมหันต์สงกรานต์ล่วง ละเลยสู่ฤดูฝน
ฝูงหมู่คนกะเตรียมการ สืบสานงานบั้งไฟโก้
เอามาโชว์โสมาอ้าง อลังการงานใหญ่
แห่บั้งไฟขบวนฟ้อน ออนซอนล้ำอร่ามตา
มีผาแดงขึ้นขี่ม้า บักสามมากับนางไอ่
งามประดุจดั่งเทพไท้ สวรรค์ย้ายสู่ดิน
เครื่องประทินประดับโก้ โอ่องค์ละอออวน
นำขบวนแห่บั้งไฟ สู่สายตาประชาราษฎร์
จุดบั้งไฟอาดหลาดฟ้า เพื่อบูชาพญาแถน
สัญญาณแทนบอกข่าวเตือน เคลื่อนสู่กาลทำนาไร่
ประทานสายฝนฮำพื้น ให้ผืนดินได้จื้นซุ่ม
พอให้ซุมพวกพี่น้อง ผองลุ่มใต้ได้เฮ็ดนา...แน่ถ่อน.
Bookmarks