สัปดาห์หนึ่งมีเจ็ดมื้อคุณครูเพิ่นให้ท่อง
อยู่ในห้องกับเพื่อนเพื่อนยังจำได้อย่างขึ้นใจ
วันแรกนั้นจำไว้วันอาทิตย์บ่ผิดหวัง
วันที่สองกะตามมาชื่อว่าจันทร์จวงคู่
อังคารสามตามกันนำกันล่องซ่อง
พุธที่สี่เพิ่นบอกน้องยังเฮียงข้างคู่กัน
พฤหัสว่านั้นที่ห้าท่องตามมา
ศุกร์อุราวันที่หกบ่ลาหลงเล่ห์
เสาร์เสน่หาเกี้ยวเจ็ดเวลาบ่จางจืด
ฮักยังเกาะเกี่ยวแน่นแฟนอ้ายบ่หน่ายหนี
บาดห่าทุกมื้อนี้เฮาจบจากโรงเรียน
ต่างกันไปคนทางห่างกันไปคนก้ำ
ไปทำงานคนละบ้านหาทำงานคนละทีป
มีเวลายังได้เว้าคุยเล่นผ่านเครื่องคอม
อินเตอร์เน็ตหากมีพร้อมทุกแห่งหม่องทำงาน
จันทร์เถิงเสาร์ได้คุยกันทุกวันบ่เคยเว้น
เห็นวันเดียวที่เฮาร้างบ่คุยกันมิดสี่หลี่
วันนี้บ่ อยากให้มี มันเทิงเหงาพ่องเศร้า คนเคยเว้ากะเปล่าดาย
ตัดมันไปสาเปี๋ยงน้อง อาทิตย์บ่สมปอง สิเอาไว้เฮ็ดหยังน่อ
มีหกวันกะพอ เฮาสองคนจั่งได้เว้า บ่เหงากลุ้มหว่างหทัย หล่าเอ้ย...
Bookmarks