กำลังแสดงผล 1 ถึง 5 จากทั้งหมด 5

หัวข้อ: กาเหว่าเอิ้นหาคู่

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    กาเหว่าเอิ้นหาคู่

    เดิ๊กเดิกข่อน กาเว้าวอนเอิ้นหาคู่

    เป็นจั่งได๋น้อยอดชู้ อยู่ทางพุ้นเป็นได๋น้อ

    สบายดีบ่น้ออ้าย ชายผุหมายใจตั้งต่อ

    พ่อรูปหล่อของหล่า เจ้าไปค้ายุทางได๋

    ฝากถามไถ่ตามลมล่อง คือเสียงนกฮ้องมาเกี่ยว

    มาผูกเอี้ยวเอาอ้าย ชายหล่าผุหลับไหล

    บอกก่อนเด้อหัวใจ คิดฮอดหลายเด้อ้ายบ่าว

    ฟังเสียงห่าวจั่นๆๆ กาเหว่านั้นฉันเรียกหา

    หลับยังฝันเห็นหน้า นอนผว่าเป็นบ้าป่วง

    เจ้าผุสรวงสรรค์สร้าง ให้นางหล่าได้พบพาน นั้นแหล่ว
    แก้ไขครั้งสุดท้ายโดย ข้าวต้มมัด; 30-05-2011 at 15:19.

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ได้ยินเสียงกาเหว่าฮ้อง เป็นทำนองฮ้องหาคู่
    เสียงนกเขาชวาตู้ จุ๊กกรูฮ้องส่งคอน
    ดังจากดอนดงด้าว พฤกษ์ไพรพะนอมมาศ
    ปานว่าคลาดคละแคล้ว ไกลกันแล้วบ่ต่าวคืน
    ใจเมื่อยมึนสมองล้า จวบเวลาเจียนสว่าง
    จนฟ้าสางสูรย์แจ้ง แยงแสงล้ำอร่ามเรือง
    นี่ละน้อเพิ่นว่า...คันแม่นกกบ่เตื้อง สิติงตายตั้งแต่หง่า
    คันแม่นหง่าบ่เตื้อง สิเหลือเต้อตั้งแต่ใบ..
    อุปมัยฉันใดแท้ ฮักเฮาแค่เพียงข้างเดียว
    เขาบ่เหลียวเห็นเลย เสยเตยเวยเมินซ้ำ
    อกระกำน้ำตาย้อย แม่นสิคอยกะมายค่า
    วาสนาส่ำกา ฮ้องจนว่าลมเหมิดท้อง หงส์ทองก็..บ่หล่ำแล...


    ขอแจมนำแน่เพื่อนรัก..ม่วนคักผญาน่ะ เอาอีกๆๆ

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ได้ยินเสียงกาเวาฮ้องงอยคอนจับเจ่า
    หัวอกของผู้บ่าวเฒ่าบ่อมีมื้อสิซื่นใจ
    นกเขางอยหง่าไม้เอิ้นคู่คูคอย
    นั่งใจลอยคึดนำสาวผู้แต่งงานไปแล้ว
    ในหัวใจเป็นแป้วแผลหัวใจยังบ่อเซาเปื่อย
    คือไม้ทั่งใจอยู่เรื่อยยามเห็นน้องกับคู่ครอง

  4. #4
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    662
    เข้ามาอ่านแล่วกะมาให้กำลังใจเอื้อยข้าวต้มมัดในการแต่งผญาจ้า....น้องมักอ่านค่ะ แต่แต่งบ่เป็น..เห็นไผเว่าผญามาล่ะ อยากตอบอยู่ค่ะ แต่กะได้แค่คิด...

    เอื้อยข้าวต้มมัดแต่งมาบ่อยๆเด้อจ้า น้องคอยติดตามอ่านมาตลอดค่ะ...

  5. #5
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ยินแต่เสียงสำเนียงฮ้อง
    กาเหว่าวอนอ้อนเอิ้นคู่
    ตูตะลาต๋าตะล่าง
    ใจสิฮ้างว่าหมุ่นเพ
    เซเอ๊ยเซน้ำลอดพื้น
    งึมเอ๊ยงึมน้ำล้นฝั่ง
    เสียงนกเหว่ามันขัน
    จั๊กจั่นสั่งซู้
    สิขันคู้ว่าคู่ไผ......น้อเทื่อนี้
    ........มาม่วนนำเด้อจ้าเอื้อยข้าว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •