อ่อนองค์อ้าง เอกาหว้าเหว่
ชีวิตเพพังม่าง ชายข้างห่างกาย
ฝากถึงสายสมรนารถน้อง ยังบ่มีคนครองเคียงคู่
ให้เจ้าดูตำรานี้ ข้าวต้มมัดพี่นี่สิสอน
หนึ่ง ตัวงามงอน้องหล่า แฟนเขามาให้อบอุ่น
สอง อันแม่คุณนารถน้อง การเฮือนให้สะอาด
สาม รู้ฉลาดจาเว้า เข้าใจงานบ่รู้เบื่อ
สี่ ให้แฟนเชื่อถือได้ ในโตเจ้าให้สื่อตรง
ห้า ให้หมั่นคงรักหมั่น บ่ผันแปรไปทางอื่น
หก ให้เจ้าตื่นแต่เช้า หาข้าวภาช์งาย
เจ็ด อย่าสุนอนตื่นสาย ส่ำบายเกินบ้าน
แปด อย่าเป็นคนขี้ค้าน การงานให้เจ้าหล่ำ
เก้า คันแฟนเขามาอยู่นำ ให้เจ้าทำเป็นเด็กน้อย อ้อยซ้อยอ่อยตาม
สิบ อย่าสุงามแต่หน้า วาจาให้เจ้าม่วน
สิบเอ็ด ให้เจ้านวลนารถน้อง สวยงามพร้อมแต่งองค์
สิบสอง ให้เจ้าคงความดีไว้ รู้จักอ่อนน้อมไหว้พ่อแม่
สิบสาม ให้เจ้าเป็นเพื่อนแท้ แฟนเจ้าอย่าไลหนี
สิบสี่ หากแมนมีงานสังคมบ้าง ให้เจ้าอ้างทางบ้านก่อน
สิบห้า อย่าสุงอนเหมิดมื่อคือบ้าบ่อเปลี่ยนแปลง นั้นแหล่ว นางเอ้ย
ม่วนๆค่ะ แต่งมาฝากตำรานี้ใช้ได้ตลอดชีวิตเด้อค่ะบ่หวง
Bookmarks