...ตับแตก...

[พลายแก้ว]

วันปีเดือนเคลื่อนคล้อย มื้อรอคอยมาถึงหว่าง
ช่วงเดินทางไปสาวเวียก เสียงเรียกเข้าฟ้าวรับสาย
เบอร์อ้ายชายคนผุโก้ แม่นเพิ่นโทรมาหยังหน่อ
เสียงว่าขอโตเด็ดบ้าง เพื่อทางอ้ายได้ค่าเบียร์
คันแม่นเชื่อความฝันน้อง กะลองเบิ่งเด้อ สี่หก
อ้ายกะตกลงคำ ว่ามักนำอยู่เด่ะน้อง
อ้ายสิลองลงทุนซื้อ คันแม่นคือซงสิวิ่น
ทุบออมสินทุ่มทุนสร้าง ด้วยใจตั้งหวังสิรวย
พอแต่หวยออกแล้ว เลยโทรแซวเป็นได๋พี่
ซงสิได้จัดปาตี้ ดีใจร่วมฮ่วมนำ
ฟังน้ำคำเสียงเศร้า เศร้า อ้ายเลาจาว่าเปิดหน่าย
คิดแล้วแสนเสียดาย พออยากตายพุ้นละนี่ ซื้อหกสี่...บ่กลับ..ตับแตก...ฮ่าๆๆๆๆ

[หนุ่มหน้าลาว]

ผิดหวังมานั่งเศร้าตอนราวราวสามโมงเคิ่ง
ฮ่า ฮ่า บุญบักเขิ่ง อยากหัวฮ้ายพ่องหน่ายซัง
ฟังจากสาย ของพลายแก้ว ว่าแนวดี คือ หกสี่ พะนะหูแมะ
หูเจ้ากรรมทำบักเขิ่ง ซวยซ้ำตื่มสอง (หึยหน่ายจะของ)
ที่แท้น้องบอก สี่หก แบบตรงตรง (อีหลีจำได้คักยังว่า)
แม่นล่ะเด้อถืกกันคัก ส่ำคนเขาเลื่อยไม้
แนวว่าโตของอ้าย ซื้อไว้ก่อนตอนตีหก
กะคึดว่าโตเดียวกัน ถืกแล้วน้อ เทิงหัวยุ้ม
บ่พอคราวมีเสียงเย้ยโทรมา ว่าได๋พี่ พะน้า
555หึย พออยากมุดฮอดขี้ ดินแห้ง หน่ายจะของ ยังว่า....

[พลายแก้ว]

พอแต่เลขออกแล้ว มามีตะแนวสิใช้จ่าย
ทั้งค่าน้ำค่าไฟ เทิงค่าใช้รถโก้ สิ้นเดือนแล้วสิส่งเขา
อีกทั้งค่ากับข้าว เทิ่งหนีเก่ากะทวงมา
สิไปหาทางไดน้อ พออยากขอมีตัวช่วย
เจ้ามือหวยกะตามจี้ ว่าบ่มีกะบ่เชื่อ
ย่อนอยากได้กะเลยเสีย ไปหลงเซ็นต์เลขไว้ ว่าสิให้ลู่นกัน
พอเลขออกบ่แม่นโตว่านั้น หนี้เลยพันขึ้นคอกิ่ว
เห็นเจ้ามือมาลิบลิ่ว สิแล่นลี้เข้าป่ามอน..ก่อนเด้อ..จุ๊ๆ อะปาก..อิอิ

เป็นแนวนี้บ่ลังคนเอ้ย 55555

:l-:l-:l-

[นู๋น้อย]

อิอิ....

"ปานว่าฟ้าผ่าแล้ง กลางแดดแจ่มแท้น้อ ว่าติจ้า
พอปานกันนั้นละอ้าย ลุ้นสุดใจกะยังว่า
สามโมงกว่าๆ แฮ่งแต่ลุ้น ใจวุ่นๆกะแฮ่งคอง
บัดทางกองสลากเอิ้น ตกกะเทินว่าบ่แม่น
เหลือใจเด้ เหลือในแท้ แนวคึดไว้ว่าบ่มี
กินหยังน้อบาดนี้ ล๊อตตารี่กะหลาบใบ...นั้นแหล่ว

อิอิ บ่ถืกจ้อย 370 แอนด์ 46