หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: อ้ายบ่สมน้อง(คนใช้บ้านหน้าลาวเขียน)

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    เศร้าซึม อ้ายบ่สมน้อง(คนใช้บ้านหน้าลาวเขียน)

    บุญบ่สมซาติซั้น แม่นฝันไปกะแล้งเปล่า ดอกคนเอ้ย
    อยากให้เป็นดั่งวาทเว้า มีแต่มื้อสิพ่ายเพ แท้นอ
    อุกใจเด้อยากนอนดิ้น ขดลงดิน เกลือกขี้เถ้า เบิ่งเด้น้อ
    ให้มันตายมอดเมี้ยน สาแล้วสิส่วงใจ
    เว้านำไผมีแต่พลอยสิเป็นฮ้าง แนวอ้ายบ่สมนาง กะเลยต้องจำพ่าย
    หล่านางเอ้ย บ่ต้องห่วงพี่ซาย แม่นเป็นผีอยู่ป่าไม้บ่ลืมน้อง จงเชื่อใจ พี่เถาะ
    ดวงเอ้ยดวงดอกไม้ ผุเคยกล่อม หอมหวน
    เจ้าอย่าสาละวนคิด ห่วงพี่ซายผุเคยเกี้ยว
    บุญของเฮา บ่ได้เทียวทางร่วม แม่นสิเอาแขนสวม กอดไว้กะบ่อยู่ ดอกนางเอ้ย
    บุญเป็นได้แค่ซู้ บ่หวังซ้อนได้ฮ่วมหมอน
    พรมลิขิตเพิ่นขีดต้อน ให้เฮาห่าง ไกลกัน
    อย่าโศกสันต์เด้อคนดี อย่าสุมีใจเศร้า
    ให้นางเอาใจเข้า ไปหาเขาผุเพิ่นแม่น พุ้นเด้อหล่า
    วางแขนอ้ายสาน้อง อย่ามัวคล้อง จ่องดึง
    ความฮักหล่าอ้ายกะซึ้ง บ่เคยโทษอุ่นจักแนว
    ขอบูชาความฮัก หม่อมพระนางบ่เพม้าง
    ทางสดใสข้างหน้า ยังรอน้อง ด.ม.ป.ไปถึงให้เฮืองฮุ่ง
    ตัวอ้ายสิซ่อยยู้ อยู่หลังให้ ท่าส่งเสริญ
    สองมือปองพนมเอิ้น ฮ้องเฮียกสิ่งศักสิทธิ์ ขอจ่งมาเนรมิต ป่องทางให้นางน้อง
    ปูด้วยทองโรยด้วยแก้ว แนวมณีอันมีค่า
    ให้น้องเดินตามมรรคาป่องสวรรค์เพิ่นเสกสร้าง นางน้องอย่าห่วงหลัง เด้อหล่า นางฟ้าของอ้าย...
    อ้ายบ่สมน้อง(คนใช้บ้านหน้าลาวเขียน)อ้ายบ่สมน้อง(คนใช้บ้านหน้าลาวเขียน)อ้ายบ่สมน้อง(คนใช้บ้านหน้าลาวเขียน)อ้ายบ่สมน้อง(คนใช้บ้านหน้าลาวเขียน)อ้ายบ่สมน้อง(คนใช้บ้านหน้าลาวเขียน)อ้ายบ่สมน้อง(คนใช้บ้านหน้าลาวเขียน)
    แก้ไขครั้งสุดท้ายโดย หนุ่มหน้าลาว; 01-06-2011 at 18:49.

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ปรารถนาดีกับหล่าเสมอ

    อ้ายเคยเว้าตั้งแต่เค้า บ่กล้าบอกคำว่าฮัก
    ย้านมันเป็นการตั๋ว บาดบ่เป็นตามความเว้า
    คำนี้มันยังเหย้า เนาในใจ บ่เคยขาด
    บ่วาดหวังให้น้อง มาคองถ่าฮ่วมสอง
    เปิดโอกาสให้น้อง พ้อคนใหม่ทุกเวลา เด้อนาง
    พ้อคนดีอ้ายยอมือ ปรารถนาดีด้วย
    สิขออวยพรให้ ตอนดวงใจน้องพ้อคู่
    ผุที่เหมาะเกิ่งก้ำ กับน้องอ้ายหม่อนใจ
    หวังเพียงให้น้องได้ สุขส่งเสมอสอง
    อ้ายคอยปองคอยแนม เฝ้าระวังให้นางน้อง
    ขอปิดทองหลังองค์เจ้า บ่หวังเอาสิเข้าฮ่วม
    ย้อนฮู้โตอยู่แล้ว ว่าโตอ้ายนี่ต่ำเกิน
    ขอสรรเสริญความดีน้อง เปรียบดังทองบ่เคยหม่น
    แม่นสิอยู่ในโคลน กะยังใสส่องจ้า ราคีเปื้อนกะบ่มี
    คนดีของบักอ้าย เจ้าอย่าหน่าย แหนงซัง อ้ายเด้อ
    เอาความจริงมาคุยกัน อ้ายฮักจริงเจ้าคงฮู้
    แม้แต่ปลายเส้นผมน้อง บ่เคยแตะต้องไต่
    ไหล่งามงาม บ่เคยแตะต่อยต้อง ให้นางน้องเสื่อมศรี
    เท่าชีวีรักษาน้อง บ่ให้คนได้มอง ราศีน้องบ่ให้หม่น
    แม่นว่าคนบ่ฮู้ เทวาท่านเพิ่นส่องเห็น
    พร้อมเทิงกับตัวน้อง คงเห็นจริงใจแน่
    บ่เคยแซเลี่ยงล้ำ เกินคำเว้าที่เอ่ยจา จริงแหล่ว
    ปรารถนาดีกับหล่าเสมอปรารถนาดีกับหล่าเสมอปรารถนาดีกับหล่าเสมอปรารถนาดีกับหล่าเสมอปรารถนาดีกับหล่าเสมอ..

  3. #3
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    วาจาหวานปานนำ้อ้อย
    พออยากม้อยละแม่งนำแท้น้อ

    หย่านหลายเด้ หย่านแต่ซายมาลวงล่อ
    พอให่นางได้หลงฮ่ำ

    ยามอินางแลนตำ วาอยากได่
    ซ่างมาพ่าย เพิ่นอยู่เฮือนเจ่าแท้ล่ะอ้าย


    :l-

    ปอลอเด้อ ปล.
    อันขอต้อยนำแหน่ะถ่อน
    มือยังอ่อนแต่ใจแข็งได๋
    บ่ได่สัมผัสนอก กะขอให่สัมผัสใน
    เพราะวาใจยายมักต้อย
    กะจั่งหว่ะ

    สะดิ้งคือน้องได้ยินเสียงฆ้องกะแล่นตำ

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    โอน้ออ้ายเอ้ย แอบฮักสาวสวยเจ้า ผุแสนงามสลักจิตร

    อยากสิไปผูกมิตร สกิดใจน้อบ่กล้า

    อยากสิเผยว่าจาต้าน แต่หากย่านคนว่า

    เจรจาหวานจ้อย คือน้ำอ้อยอ่อยบ่เป็น

    สาวบ่เห็นใจแหล่ว แนวเขาบ๊อเข้าใจ อ้ายนี้

    สาวบางทีอาจฮักปักษ์ใจ แต่ความในบ่เขยอ้า

    อ้างวาสนาว่าน้อย ต่ำต้อยด้อยคู่

    ลองใหม่อีกเบิ่งดู๋ ผู้มีความสามารถ สาดน้ำอ้อยให้มดตาย

    คารมณ์หวานตาลต้น ปานน้ำฝนเย็นชื่นซ่ำ

    อย่าสุทำปากโกรธเจ้า แต่ใจเล่าคิดคนึง นั้นแหล่วอ้ายเอ้ย


    อิอิ มาแจมนำเด้อค่ะ คนใช้บ้านหนุ่มหน้าลาว สามาแต่งม่วแท้
    แก้ไขครั้งสุดท้ายโดย ข้าวต้มมัด; 02-06-2011 at 03:35.

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    มาหาอ้ายพี้เด้อหล่า คันเขาบ่เป็นตา มีแต่ว่ามีแต่จ่ม
    มีแต่ถมถากทื้น พากษ์พื้นให้ใจเสีย
    เว้าให้เคลียร์ไปโลดหล่า เลิกกันสา..ว่าไปเบิ่ง
    สิใจเถิงส่ำได๋แท้ ใจสิแน่จั่งคำจา..บ่น้อ
    ขอปิดทองหลังองค์เจ้า พ้วน..คารมเขาเว้ามาก่อน
    ความห่วงหาอาทร ที่เจ้าป่อนปันให้ ซ่างไร้ค่า..ค่าบ่มี
    วาทวจีบ่สมเจ้า เพราะใจเขาสิแปรเปลี่ยน
    ไปวนเวียนคนอื่นแล้ว ปล่อยนางแก้วให้ลอยแพ
    คันแม่นคนที่ฮักแท้ เขาบ่แคร์ดอกเรื่องอื่น
    กี่ล้านหมื่นอดทนสู้ บู๋หม่นด้นฝ่าฟัน
    อย่าไปหันเหลียวเด้อหล่า ประสามดแดงเฝ้าหมากม่วง
    ย่างมาควงคนจั่งอ้าย ถึงขี้ล่ายแต่รักจริง...พี้มา..อิอิ..



    ปล่อยมาโลดเพื่อน เฮาสิคุบเอง..ฮ่าๆๆๆ

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ก่อนอื่นขอตอบพลายแก้วก่อน

    คันเป็นคือพลายแก้วเว้า เอาตี้นางสิลองเสี่ยง เบิ่งบ้อ
    มีดขี้เมี่ยงคือบักอ้าย บ่เคยย้านแท่งหิน
    ฟ้าและดินพยานให้ ไผบ่จริงให้ลองเบิ่ง บ่น้อ
    อ้ายบ่มีคือเพิ่นเว้า อ้ายเซาได้หากเลิกรา
    แต่ว่ามื้อสุดท้ายที่พ้อหน้า มื้อถืกกี่ในกองฟอน
    ให้น้องพาพลายงาม ไปตรวจเชิงตะกอนอ้าย
    ถ้ามีญิงมาผ่าย ให้ถือเลย ว่าอ้ายเว้าบ่แม่น
    ให้อ้ายพลายพาผู้คน ไปเหยียบซ้ำ ก่อนสังข์อ้ายเข้ากี่เผา
    ประกาศเอาไทบ้าน ทุกเฮือนซานมาขี้ใส่ โลงอ้ายเลย
    แล้วถิ่มป๋าปล่อยไว้ ให้หมาเมี้ยนพร้อมหมู่กา
    อ้ายนี้ขอประกาศท้า อ้ายเว้าแม่นตามความจริง
    ฮักยอดหญิงเต็มอัตรา บ่แม่นมาลวงล่อ
    แต่ข้อมูลของอ้าย พลายเอ้ย เจ้านั้นบ่ฮู้ฮ่อม
    สิมาเว้าง่าย ง่าย เสียดายเด้หลงเซื่อใจ
    ข่อยบ่ถือโทษฮ้าย ดอกคนอื่นบ่เห็นจริง
    มีแต่สองคนเฮา ที่ฮู้จริงเห็นแจ้ง
    ขอแถลงความจริงแท้ พลายเอ้ย บ่ถือโทษดอกหล่า
    นางฟ้าอ้ายท่อนั้น สิเห็นแจ้ง กับฝ่ายได๋ หล่าเอ้ย

  7. #7
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    เขียนผญาน้ำตาย้อย ไหลหลั่งโรยริน
    เพียงได้ยินคำจา ได้ข่าวมาไปทางร้าย
    ว่าพี่ชายคงบ่พ้น ทนระทม ทางหมองหม่น
    ต้องทนทุกข์วันข้างหน้า เตรียมใจไว้ แหน่พี่ชาย
    แนวเป้าหมายชีวิตนั้น มันผันแปรได้ทุกแง่
    แล้วแต่บุญสิส่งให้ เฮาได้ หว่างจั่งได๋
    อย่าอาลัยเด้ออ้าย บาดห่าบ่สมหมาย คือใจอ้าย นั้นคึดต่อ
    ถือว่าบุญเฮาบ่พอ วาสนาบ่ได้สร้าง แปลงทางไว้ ฮ่วมกัน
    สายแนนบ่เกี้ยวฝั่น พันเกี่ยวเป็นเกลียว
    มีทางเดียวคือจาง ห่างหาย ลืมสิ้น
    รินให้เหมิดสาเด้ออ้าย น้ำตาชาย คันเจ็บปวด
    ให้มันแห้งเหือดสิ้น อย่าเหลือไว้ ครั้งต่อไป
    น้องกะทนบ่ได้ เจ็บปวดปานตาย ล่ะชายเอ้ย
    น้องสิรินให้มันไหล ขาดเขินเหมิดเกลี้ยง
    สิให้มีเพียงอ้าย ชายเดียว หนึ่งชาติเกิด
    บ่ให้คนได้เว้าพื้น ว่านางน้องนี้ เปลี่ยนใจ
    ชีวิตนี้ฝากไว้ กับอ้ายพี่ เพียงคนเดียว
    ร่างกายนางเป็นของไผ กะซ่างมัน ใจของอ้าย
    บ่ว่าปลายหรือต้น บ่กังวลกับคนอื่น
    มอบใจไว้ให้อ้าย เข้าใจน้อง นั้นแม่นพอ
    แค่นในใจค่อม่อ เว้าบ่ออก นางมาจา
    ซึ้งในใจของชาย แม่นพี่ตายกะยอมม้วน
    ผะอวนนางผุเคยเว้า เซาสานาง กลั้นไว้แหน่
    น้ำตาแคอาบแก้ม อย่าโฮฮ้องจ้าแม่คุณ
    บุญของเฮาที่เคยสร้าง แต่ปางหลังที่เฮาก่อ
    บ่เพียงพอสิได้ มานอนร่วมฮ่วมสอง
    อ้ายนี่เข้าใจน้อง ว่าฮักพี่ เพียงชีวิต
    พรมลิขิตเพิ่นเขียนมา บ่ว่าเลยทางอ้าย
    กายใจชายนี้ยอม้วน นำผะอวนเหมิดสุอย่าง
    ต่างคนต่าง ใจฮักแน่น แฟนอ้าย เจ้าอย่าหมอง
    ต่อแต่นี้อ้ายกับน้อง คะนิงเกี่ยวแต่เพียงใจ น้อหล่าน้อ
    บ่ได้คุย บ่ได้จา บ่ว่ากันให้มันเศร้า
    สายตาเฮาทั้งสองก้ำ แลนำกัน เทิงสวรรค์ฟ้าหย่อนหย่อน เด้อนาง
    สิโลมแม่บังอร ปานได้นอนแนบข้าง กายน้องโปรดอุ่นใจ
    ฮักของพี่มอบให้ ดวงใจพี่ รักษาเอา เด้อนาง
    กายอ้ายเผาเป็นดิน แต่ว่าใจอยู่นำน้อง
    สาธุเด้อ...ยอโหลทองเทน้ำ ชลธารหยาดหลั่ง
    ความหวังไว้ชาติหน้า ขอมีน้องผุเดียว ..linkจ๋านางฟ้าของอ้าย

  8. #8
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ้ายเอ๊ย....
    เฮียมนี้เพพางล้ม
    ตกลมกะเบาตื่ม
    เมากลางวันกลางคืน
    ฝืนสิทนต่อได้ปานนั้นกะบ่ขีน
    พี่เอ๊ย------
    ตกฮักพลางวางฮักซ้อน
    มาออนซอนนำอ้ายบ่าว
    ย้านอ้ายตั๋วกินจาว
    สาวพะนางอ่อนน้อย
    สิวอยล้มล่วงละเมอ
    อ้ายฮักเธอนี้เคยเว้า
    เฮาฮักกันอ้ายเคยว่า
    วาสนาอีน้องน้อย
    สิคอยไม้ให้เอ่นลง
    อ้ายเอ๊ย....
    เจ้าผุแพงสีสิ่ว
    หลังผัดปลิวตั้งแต่ดินบ่ทันไหง่
    ว่าอ้ายขอลาไกล
    ฝากหัวใจไว้นำเจ้า
    ฮักเฮานั้นพี่บ่สม......พะนะ
    มาม่วนนำเด้อจ้า อ้ายบ่าว

  9. #9
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    ขอบคุณเด้อครับหญ้านาง ที่มาต่อผญา
    แต่ผุเขียน เขียนจากชีวิตจริง ความรู้สึกจริง ๆ ครับ
    เลยบ่ฮู้สิตอบหญ้านางแบบใด๋ครับ
    :*-:*-

  10. #10
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ยามเห็นหมู่โศกเศร้า กะพลอยเหงาไปนำหมู่
    ยอดพธูของเพื่อนแก้ว สิลาแล้วลักหนี
    เข้าใจดีในเหตุนั้น สถานการณ์เหมิดสุอย่าง
    อยากให้วางปลงไว้ หายเคืองแค้นแหน่นระทม
    แก้ปมใจให้คลายม้ม ความเศร้าตรมที่ขมขื่น
    ลุกขึ้นยืนจากบ่อนช้ำ คนสิหย่ำหย่องหยัน
    ในชีวิตคนเฮานั้น คันหากมีแต่สมปอง
    สิเอาของวางไว้ใส สิบ่ได้หลายจนล้นบ้าน พุ้นติ
    กะห่อนมีผิดหวังบ้าง บ่ได้บ้างกะส่างเปี๋ยง
    ขอแต่เพียงมะโนจิต คิดดี ทำดี กะพอแล้ว...เพื่อนเอ้ย..



    :l-:l-:l-
    แก้ไขครั้งสุดท้ายโดย พลายแก้ว; 04-06-2011 at 08:28.

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •