หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: แซวผุบ่าวโสด (เฒ่า) ขำๆๆ จ้าาาาา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    แซวผุบ่าวโสด (เฒ่า) คนมักตี๋ขำๆๆ จ้าาาาา

    โอน้อ ซ๊าย...โสดเอ้ย เดียวดายดิ้นดอมเจ้าด่าวตาย

    ซายบ๊อมีคู่เคียง เฮียงหมอนนอนกอดเกี้ยว

    ปล๊อย...ให้เพิ่นเหี่ยวแห่ง คือแอ่งน้ำขอดขด

    มีแต่มดไต่ตอม ล้อมตุ่มแตกร้าว

    มีผุสาว...ซาวซ้วน นวลอนงค์...บ๊อ...หลงมัก

    ย้อนใจอยากอยู่เป็นโสด บ๊อ...โปรดปรานดอกผุได๋

    ตี๋ยุในหัวใจ ผุนี้บ๊อ...ไค ผุนั้นปากแหว่ง

    ขากะแหง...โต๊..กะอ้วน ทุ๊ก..กระบวนแต่สิตี๋

    ตี๋...ว่าสาวตาตีบ บ๊าง...ตูดลีบ...บ๊างเตี่ยต่ำ

    ตี๋ว่า...แหล่ว่า....ดำ มี๊...แต่คำสิเว้า พะอวนอ้ายตาหน่ายซัง

    ตี๋เฮ็ดหย่าง.....ป๊าน....ว่าเพิ่นสิบ๊อเฒ่า มีคำเว้ามีคำว่า

    ปล๊อยให้เฒ่า...ตายโหลดหน่า ส๊ม....น้ำหน้าซุ่มชายโสด เกิ๊น...ว่าโพดดอกกว่าไผ๋ อิอิ





    เชิญตี๋ตามสบายจ้าชายโสด ฮ่าๆๆๆบ่ได้ดอกเมีย
    แก้ไขครั้งสุดท้ายโดย ข้าวต้มมัด; 04-06-2011 at 13:46.

  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ว่าให้ไผ๋ละข้าวต้มมัด โปรดระบุชื่อมาโลด ฮ่าๆๆๆ เอิ้กกก
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    บ่อยากโสดดอกเด้อหล่า ขะหยอนว่าความจำเป็น
    สาวได๋เห็นกะหมางเมิน ฟ้าวเดินกายหายจ้อย
    อดสาคอยคนที่ใช่ แต่ว่าพ้อสาวคนได๋ คนไคเจ้ากะกายผ่าน
    บ่มีจิดคิดสงสาร ซ้ำประทานติว่าเฒ่า ปานเฮานี้บ่แม่นคน
    เกิดมาดนอยู่ดอกหล่า แต่กำลังวังชา บ่มีว่าสิล้าหล่อย
    บ่ฮักง่ายหน่ายเร็ว คือซุมบ่าวส่ำน้อย มาหลอยเล่นแล้วลักหนี
    แม่นสิติเตียนเจ้า แค่คำเว้าหยิกหยอก
    อย่าสุแนหมากกอกใส่อ้าย ไปภายหน้าหากสิคือ
    ติว่าดำคือหมื่อ คือคำจาย่องว่าหมั่น
    คนขยันกะสิทาแต่แป้ง แยงคิงค้อยบ่ห่อนนาน
    แต่ว่าคนที่ขี้คร้าน บ่หาญสู้ลมแดด
    ใช้แต่เสียงแว๊ดๆเว้า หน้าขาวได้..อ้ายบ่สนดอก..นางเอ้ย..


    :l-:l-:l-

  4. #4
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    พบปะพูดคุย

    ตี๋แนวได๋ได่แนวนั่น แน่ะแม๊เจ่าผุบ่าวส่า
    ตี๋วาน้องผุจ่อยน้อย บ่อยากต้อยมาหล่ำแงง
    เพิ่นให่เอิ้นวาด่องแด้ง ผู้ค่องแค่งบ่ข้องขา
    แต่อ้ายหลบสายตา บ่อยากมาน้อวอนเกี้ยว
    เจ้าผุเขียวใบค้อ เคียก่อฮอบ่ขมท่อน้อ...
    น้องบ่ได่เป็นว้อ อย่าสะหย่านสิป่าวดาย...ได๋
    :l-



    ฮ่ะฮ่า...ฮิ๊ว
    ตั้งใจมาให่ท่าพะบ่าวบ้านมหาโดยสะเพาะ กะจั่งหว่ะ
    มาม่ะอ้าย..อย่าป่อยให่นางโหยดถิ่มคาต้นเถาะ


    สะดิ้งคือน้องได้ยินเสียงฆ้องกะแล่นตำ

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    น่าน...บาดนี้มีแมงสะดิ้ง โตจริงๆคล้ายจิ้งหรีด
    ส่างมาหวีดๆฮ้อง สิลองเกี้ยวเบิ่งกะน้า...
    แนวสรรหามาโดนแล้ว กินแต่แห้วมาจนชิน
    จนว่าลิ้นด้านชา หายาปัวบ่ทันได้
    แม่นเป็นจั่งได๋กะตามแหล่ว สิขอแซวเบิ่งจักหน่อย
    คำสิหวานจั่งตาลอ้อย หรือว่ากล่อยขมขื่น เป็นตาทึ้นหรือหรือตาซัง...





    ฮ่าๆๆๆๆ ลองว่าไปนำแม่ใหญ่ดิ้งก่อนน้า..55555 มาม่วนครับ
    ผญาดิบๆนี้ละมา กลอนแก้กลอนเด้อ 5555

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    โอ้น้อ อ้ายเอ้ย เจ้าผุเท่หม่ายหล่าย สวมเสื้อลาย จังแมนหล่อ
    แฟนไผน้อ จังแมนโก้ โตน้องได้ห่วงนำ อ้ายผุสักค่ำม้ำ
    ผมสีดำคิ้วใหญ่ๆ โสดอยู่บ้อ ทรงคืออ้าย เห็นแล้วผ่ายใจเจ้าของ
    น้องอยากมานี่เกี่ยวข้อง อยากกินดอง เป็นของพี่ โสดอิหลีแนเถาะอ้าย
    หัวใจน้องได้ฮ่ำฮอน อ้ายเอ้ย


    อิอิอิอิลูกข้าวต้มมัดจ๋า แม่ซ่อยแซวผุบ่าวจ้า

  7. #7
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    บ๊ะ....
    มาให่หยุมปานนี่ บ่ขอลี้อีกล่ะเด้อ
    อ้ายอย่าเผลอปากเว่า เพียงเป่าไขวาจา
    จกหัวใจ ตับปอดมา นางสิขอพินาไว่
    เจ้าผู้แก้มป่ายหล่าย อย่าฟ่าวกายไปแวอื่นเด้อ
    คั่นถืกใจนางขอถื้น หวังบืนหน่าฮ่วมพี่ซาย...สั่นแหล่ว

    แต่หากก่อนสิโยกย้าย ให่อ้ายบ่าวจองบัตรคิว
    อย่าฟ่าวปลิวไปตามลม ต้องให่สมอารมณ์น้อง
    หากพี่ซายบ่ขัดข้องหมองใจจั๊กกะหน่อย
    ขอเวลาให่น้องน้อย ไปหาต้อยมาตึ่มกันอีกก่อนเด้ออ้าย



    วาได๋...อ้ายอย่าขัดใจอินางเถาะ :l-
    แก้ไขครั้งสุดท้ายโดย เเมงสะดิ้ง; 04-06-2011 at 21:53.
    สะดิ้งคือน้องได้ยินเสียงฆ้องกะแล่นตำ

  8. #8
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    คำถาม และรอคำตอบ

    บัดห่านี่หันมาเว่าหม่องเก่า "ผญาดิบ"
    คำที่อ้ายหยิบยกมา พาให่งงงวยน้อง
    คือวามีข้อข้องใจ ความหมายจั่งได๋น่อ
    กำพวมจ่อหัดมือใหม่ ขออ้ายไขให่แจ้ง
    แถลงเว่าสู่นางแหน่เปี่ยงอ้าย...




    นางสิแกงปลาอิฮือใส่หน่อไม้ส่มให่ซดดอก
    บอกแหน่ะจ้าผญาดิบผญาสุกมันต่างกันจั่งได๋
    สงสัยอิหลีเด๊ะเนี่ย ให่หลูโตนคนกำพวมหัดเว่าเจ่าผญาแหน่ะดอก
    :*-
    สะดิ้งคือน้องได้ยินเสียงฆ้องกะแล่นตำ

  9. #9
    แบ่งปันความรู้และประสบการณ์ สัญลักษณ์ของ หนุ่มห้วยสีทน
    วันที่สมัคร
    Jun 2009
    กระทู้
    242
    ผญาดิบฟังแล้วสิเป็นโรคตับบ่น้อครับ ผญาสุกแบบถูกหลักอนามัย คือสิปลอดภัยดีเนาะครับ เว้าให้ฟังแนอยากฟังประดับปัญญาจักหน่อยครับ

  10. #10
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    สวัสดีค่ะ มิตรรักแฟนผญ๋า ที่น่ารักทุกคน ก่อนอื่นข้าวต้มมัดต้องขอโทษขออภัยในการตอบกระทู้
    เพราะแต่งผญ๋า2-3-4 บทถือว่าเยอะมากสำหรับข้าวต้ม ต้องเสียเวลาในการพิมพ์ซ้งกะยอมรับว่าช้า เพราะค่อยๆพิมพ์ทีละโต

    ขอขอบคุณ อ้ายบ่าวเซียงน้อย /พลายแก้วเพื่อนรัก/แมงสะดิ้ง ที่มาสร้างสีสันให้ดูครึกครื้น ย่าวๆๆตามสะดวกจ้า เดี่ยวสิมาลงอีกยุ
    คุณแม่ลำซิ่ง ผีมือบ่ตกเลยจ้าม่วนๆๆๆ

    หนุ่มห่วยสีทน ขอแนะนำผญ๋าระดับปัญญาชน กะมียุหลายท่านค่ะ อ.ศรีสะท้าน และอีกหลายๆคนคงสิฮู้เนาะ
    หากมักผญ๋าแบบสนุกสนาน ขำขัน เผ็ด มันส์ดุ
    เชิญได้ที่เวฟฮีตอีสาน บทจะเกี้ยว ของท่านเซอร์บื่อ แต่งคู่กับข้าวต้มมัด
    บทรอนแรมผู้ร้าวราน บทน้ำตาคนคอย ฯลฯ ย้อนหลังในเวฟบ้านมหากะมีจ้า
    แก้ไขครั้งสุดท้ายโดย ข้าวต้มมัด; 05-06-2011 at 02:27.

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •