กำลังแสดงผล 1 ถึง 3 จากทั้งหมด 3

หัวข้อ: ................... ตัวไกล้ใจห่าง......................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ................... ตัวไกล้ใจห่าง......................


    บ้านเดียวกันสัมพันธ์เสี่ยว ปานบ่อยู่เมืองเดียว เทียมบ้านสถานถิ่น ทั้งที่ห่วมแดนดิน เห็นกันมาแต่น้อยบ่อเคยต้อยย่ำหยาม
    บ่เกินเลยล่วงข้ามมีแต่เพียงถนอม อ้ายออมซอมถนอมใจ บ่ยกโตขึ้นเทียมท่าน เป็นหยังเด้คนบ้าน เดียวกันบ่ลึ่งแก่น
    บ่เถิงขั้นเป็นแฟน กะถือกันจั่งอ้าย ก่ายหน้าว่าแต่ถาม นี่หยังน้อ เฮ็ดหน้าบูดหน้าง้ำ คำเว้าอยู่เทิงดาว ความเป็นสาวลาวัลย์ บ้านชิดกันบ่ยอมลึ่ง

    --------------------------
    ควรหรือไม่ให้ใจเธอลองคิดดู...........ได้ยินเต็มหูพี่ได้รู้เต็มตา
    หนุ่มบ้านเดียวกัน..........................ไม่สัมพันธ์คบหา
    ไกล้ตัวเหมือนไกลตา......................ดั่งม่านฟ้ามาบัง
    หนุ่มบ้านอื่น เขาชื่นประกบ..............หวานคำประจบ ออเซาะ เยาะไส่มนต์ขลัง
    ระริกระรี้ ทุ่มไมตรีเสียจัง..................ไฉนจงเกลียดจังชัง แต่คนหมู่บ้านเดียวกัน

    ----------------------------
    ความหมายหมั้น บ่ฝันสาหยาม เจ้ามองข้ามทุกสิ่ง ยอมสุงสิงโอบแต่คนต่างบ้าน ผู้ดึงสาดต่างผืน
    เทียวเว้าพื้น เอิ้นน่ำทนขม หาสำนวนขื่นขม ค่มคนเฮือนไกล้ ทำถูกใจบ่เคยทำเจ็บแค้น มีแต่เคยเจ็บแทน
    แหงนหน้าถามไถ่ แนวได๋พอซ่อยได้ ยังสิได้ซ่อยหา

    ----------------------------
    เมื่อยามทุกตรม ขื่นขมทรวงใน จากหนุ่มบ้านไกล ทำลายใจให้ทุกระทม
    คนข้างบ้าน ขอให้การปรอบขัวญประโลม รินน้ำใจไหลพรม และพร้อมจะเป็นเพื่อนใจ
    เพียงคบกัน ความสัมพันธ์คงไม่หนักหนา ให้การคบหา ทุกข์ร้อนมาพึ่งพาอาศัย
    อนาคตตน จะสั้นยาวหรือก้าวไกล ไม่มีใครจะรู้ว่าใครชั่วดี

    ----------------------------
    ไมตรีอย่าเอียงเหียงข้าง บ้านเฮายังกินน้ำฮ่วมบ่ ดึงคันสอกินน้ำฮ่วมส่าง อย่าหมายม้างให้จ่งเหลือ
    ถึงบางเทื่อเจ้าหลงทางหางเม่อ เข้าใจเด่อ นำคนบ้านไกล้ ยังเสมอปลาย เสมอต้น






  2. #2
    atirat
    Guest

    Re: ................... ตัวไกล้ใจห่าง......................

    นี่หละอ้ายบ่าวเอ้ย....
    คันเจ้าไปไกลบ้านเฮือนซานไห่คืนแว แน่เด้อ
    อย่าสิลืมหวิงแห ไห่แวะยามสะดุ้ง ซิวกุ้งสิจมหา
    อย่าสุไลลืมถิ่มเถียงนาเซอยู่กลางท่ง เด้ออ้าย
    ให้เจ้ากลายมาป้อง ตัดไม้ค้ำบาดห่าลม
    เจ้าสิอย่าปล่อยถิ่ม ก่องข้าวน้อยห้อยอยู่ขื่อ ให้มันดำปื้อ ปื้อ ข้าวนึ่งผัดบ่มี
    อย่าสุหนีไกลหน้า ปล่อยคันนาให่น้ำเซาะ
    ให่เทียวเลาะเบิ่งตากล้า คันนาน้อยให้คอยอัดแน่เด้อ
    คันเจ้าไกลจากบ้านให้ขยันน้อส่งข่าว
    เทิงผู้หนุ่มผู้สาว เทิงพ่อลุงแม่ป้า ยังคอยถ่าเจ้าตาวคืน
    ให่เจ้ายืนหยัดหมั่นความฝันอย่าสิห่าง
    ให่เจ้าได่สุ่อย่างตามแต่ความมุ่งมาด ปรารถนาแล้วดั่งมโน....เด้ออ้าย...



  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ................... ตัวไกล้ใจห่าง......................


    ...แอบฮักคนบ้านใกล้...

    แนมหน้าต่างข้างข้างบ้าน นั่งอยู่ชานบ้านหลังเก่า
    ทอดถอนใจหลายเด๊สาว หลงมักบ่าวคนข้างบ้าน เฮือนชานน้อยเฮาติดกัน
    ตั้งแต่เป็นเด็กเล็กนั้น เข้าโรงเรียนไปกับพี่
    แนมเบิ่งอ้ายตั้งแต่กี้ มามื้อนี้ฮอดมื้อนั้น มันคักใจแม่นอีหลี
    แอบหลงมักน๊ออ้ายพี่ คนเคยขี่ เคยกอดคอ
    แอบหลงมักคนรูปหล่อ พ่อโฉมงามคนข้างบ้าน
    อ้ายบ่เหลียวบ่แนมซ้ำ ว่านางฮ้ายขี้มูกกึ๊ด...พะนะ
    นางน้อยใจทั้งคิดงึด โชคชะตาบ่สมอ้าย
    ไปอยู่ไกลทำงานโก้ หนุ่มไฮโซ คนรูปหล่อ
    อ้ายคงบ่คึดต่อ กับน้องสาวคนข้างบ้าน คนผุ้ฮ้าย...ชายบ่แล...เด๊น๊อ..


    ..........แต่งไปแนวนี้สิคือนำเพิ่นบ่ดอก...............

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •