กำลังแสดงผล 1 ถึง 6 จากทั้งหมด 6

หัวข้อ: เฮือนสามน้ำสี่

  1. #1

    เฮือนสามน้ำสี่

    ติงแต่งต้อย ฮีตฮอยอีสานเก่า ที่เคยฟังแต่เค้า สิเข้าสู่กะรบวน
    นงค์นางหล่า นวยนารถน้องหญิง เกิดเป็นหยิง ให้ตริตรองตนต้าน
    ขานไขข้อ ต่อกระบวนยอยื่น ไผ๋ที่ฝืนเฮ็ดได้ ซ๊ายได๋พ้อ ดีล้ำลื่นคน
    ฟังสนทนาจาต้าน เฮือนสามน้ำสึ่ มีคติสิเขียนไว้ ไขแจ้งให้เฮ็ดเอา

    เฮือนสาม

    อันหนี่งนั้น สิขานต่อคือเฮือนผม สาวคนงาม ให้หมั่นแปรงหวีม้วน
    อันที่สอง เฮือนกายนั้น นวลนารถน้อง ให้ครองตนให้สะอาด
    ให้ผุดผาดแช่มซ้อย ซ๊ายใหญ่น้อย เพิ่นอยากแล
    อันที่สาม เฮือนครัว หม่องเฮาหาหุงต้ม ให้เจ้างมเจ้าล้าง ครัวเฮือนให้ใส่ผ่อง
    อย่าให้มีฝุนกอง หมองเศร้าเก่าใน นั้นแหล่ว

    (เฮือน,เรือน )

    สรุปเฮือนสามมีสามอย่างง่ายๆค่ะ ๑)เรือนผม ๒) เรือนกาย ๓) เรือนครัว
    แก้ไขครั้งสุดท้ายโดย ข้าวต้มมัด; 08-06-2011 at 15:44.


  2. #2

    น้ำสี่

    น้ำสี่

    อันน้ำสี่สิเอ่ยอ้าง บุพผานางให้เจ้าหล่ำ
    อย่าสุงามแต่หน้า น้ำใจหล่าให้คองตาม


    ๑) น้ำใจ ให้มีใจอยากช่วย เอ็นดูเผื่อแผ่ ให้กับคนที่แย่ ให้จักแก้แผ่น้ำใจ
    ๒) น้ำคำ จงจาต้าน อ่อนหวานแต่จริงใจ อย่าเป็นคนเหลวไหล พูดไปเพ้อเจ้อ
    ๓) น้ำมือ คือเฮ็ดหยั่งลงไป ให้คนได้ยอย่อง เฮ็ดได้ดีจนคล่อง คนยอหย่องยินดี
    ๔) น้ำอดน้ำทน สาระวนชายหญิงนั้น อดทนตั้งต่อ
    ก่อการงานหน้าที่ ขยันมีเป็นที่ตั้ง ตอนหันหลังกลับบ้าน อย่าเอางานมาเครียดทะเลาะกกัน
    ให้เข้าใจซึ้งกันและกัน ตำรานั้นเพิ่นว่าไว้ นั้นแหล่ว


    สรุป น้ำสี่มี ๑)น้ำใจ ๒) น้ำคำ ๓) น้ำมือ ๔)น้ำอดน้ำทน ข้อมูลแก้ไขถูกต้องจากหนังสือแจก"เคล็ดวิธี"
    แก้ไขครั้งสุดท้ายโดย ข้าวต้มมัด; 15-06-2011 at 13:27.

  3. #3
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    ม่วนหลายจ้า จนต่อกลอนไปกะบ่เป็น
    โลดบ่ก้าต้องเอาโลด หย่านเสียของเพิ่น
    เข้ามาชื่นชมนำเด้อจ้า

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    เป็นหญิงนี่เฮือนสามน้ำสี่ หนึ่งน้ำใจ สองน้ำกิน สามน้ำอาบ อิอิอิอิแมนบอน้อนี่ อิอิอิอิ


    ม่วนจ้าลูกข้าวต้มมัดจ๋า สอนสาวๆสมัยใหม่ไปนำ เนาะจ้า

  5. #5
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    ครับผมแวะเข้ามาชื่นชมอันเฮือนสาม น้ำสี่ ซุมื่อนี่แม่นเพิ่นพากันรู้จักบ่ดอกหละสาวสมัยใหม่ สมัยอินเตอร์เนตนี่กะดาย
    ขอบคุณที่นำมาแบ่งปันเด้อครับเด้อ

  6. #6
    ยายดิ้งขอบคุณเด้อจ้าสำหรับคำชม ชื่นใจเฮ็ดอยากให้สร้างผลงานดีๆ มาให้อ่านจ้า
    ส่อยกันอนุรักษ์ไว้ มูลมังทางวัฒณธรรมเก่าแก่ บ่เอามาเขียนกะเสียดายจ้า
    เคยได้ยินแต่เพิ่นว่า ข้าวต้มมัดเอามาแปงใหม่ให้อ่านอีก

    คุณแม่ลำซิ่ง แม่เว้าถืกจ้า คันบ่เขียนคนกะลืม

    อ้าวอ้วนขอบคุณจ้าที่มาชม นี่จั่งแมนเลาแฟนผญ๋าโตจริง อาวเว้าถืก
    บทนี้สิเป็นประโยชน์สำหรับเยาวชนต่อไป คนรุ่นใหม่ใหญ่แล้วกะยังศึกษาได้
    แต่เยาวชนที่สิใหญ่ต่อไปสิเป็นคนสืบสานประเพณี บ่มีบทให้ศึกษาเด็กๆๆกะบ่ฮู้
    ต่อไปก็จะดีเองค่ะ ท่าแมนน้องๆได้ศึกษาเนาะ
    แก้ไขครั้งสุดท้ายโดย ข้าวต้มมัด; 11-06-2011 at 02:59.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •