ผู้เฒ่าเพิ้นเว่าว่า อันแนวว่าเซื้อซาติแฮ้งน้อกุยสาบกันเอง ปูสอนปูให้ย่างตรงบ่มีได้ หมายความว่า สัมคมบ่ดีอย่าไปโทษเด็กน้อย สังคมสิดีหรือบ่ดีกะขึ้นอยู่กับผู้ใหญ่ ผู้ใหญ่ทำโตเป็นโตอย่างบ่ดีแล้วสอนคนน้อยเฮ็ดสิ่งดีมันกะเป็นไปบ่ได้เพราะว่าบ่เคยเห็นโตอย่างที่ดี ผู้ใหญ่ต้องเป็นโตอย่างที่ดีก่อนก่อนสิสอนให้ผู้น้อยเฮ็ดสิ่งดี ยกตัวอย่าง พ่อกินเหล้าเจ้าซู้สอนลูกว่าอย่าไปกินเหล้า อย่าเจ้าซู้ ลูกเห็นแต่พฤติกรรมพ่อมันกะกินเหล้า เจ้าซู้คือพ่อมันซั่นละครับ ( แฮ้งกะด่าแฮ้งว่า*******คือเหม็นคักแท้ แต่ว่าบ่ดมเบิ่งเจ้าของ เหม็นคือกัน กะปูสอนลูกจะของให้ย่างตรง ๆ แต่จะของย่างกะบ่ตรงสิให้ลูกย่างตรงได้จั่งได๋)