กำลังแสดงผล 1 ถึง 4 จากทั้งหมด 4

หัวข้อ: ขอแค่น้องเป็นกำลังใจ เท่านั้น

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ขอแค่น้องเป็นกำลังใจ เท่านั้น

    ฮักของเฮา คันแม่นมันสิล่ม จมลงแม่น้ำแก่ง กะตามถ้อน หล่าเอ้ย
    อ้ายสุดฮักสุดแพง มีเพียงเจ้าท่อนั้น อย่าฝันถ่อน ว่าสิลืม
    อ้ายนี่แสนสุดปลื้ม ฮักห่อปานดวงใจ
    บ่มีไลลืมหลง ห่วงหา อาวรณ์เจ้า
    ถึงเมื่อยามกินข้าว ยังเหลียวหา คำแพงพี่
    เหลียวงวกพุ้น งวกพี้ อยากมีน้อง มาฮ่วมภาช์น
    ยามนิทราฝันหาน้อง ว่าสองเฮาได้ครอง สนิทแน่นเฮียงบ่อน
    ตื่นบ่อนมาล้างหน้า ยังเห็นน้อง อยู่แอ่งสรง
    ยามอ้ายลงกระไดบ้าน ปานได้จูง แขนนงคราญ ไปทำงาน พร้อมกับพี่
    ทั้งทิวาราตรี บ่มีห่างจากน้อง ปานนอนห้อง ฮ่วมหอ
    ใจบ่มีทางท้อ ย้อนมีอุ่น กำลังใจ
    สู้ฝ่าฟันเพื่อความฮัก บาดเทื่อบุญผลาค้ำ
    สิจำคำของน้อง ว่ามีพี่ที่นางปอง เอาไว้ท่าเคียงคู่
    แม่นมีซู้หมื่นซั้น อย่าฝันถ่อน สิปล่อยป๋ะ
    พั้วเอ้ยพั้วดอกหว้า สาวซ่า อยู่ทางไกล
    อย่าได้ไลลืมหลง ให้พี่ซายนี่หลงเก้อ
    ขอมีเธอในใจอ้าย บ่มีวาย หล้ายห่าง
    ขอมีนาง เป็นกำลังใจให้บักอ้าย แม่นตายถิ่ม กะบ่แหนง หล่าเอ้ย
    :,1-:,1-:,1-


  2. #2
    อ่ะบูยยย มาม่วนคักแท้ ผุสาวสิบ่สวอยนำเหมิดบ้านแล้วติหมอ คันหลายคักกะปันมาให้เฮานำแน่เด้อ คักๆๆๆๆ คารมคมคาย สุดยอดสมกับเป็นปลาไหลเบอร์ 1 ยุ 55555


    มาแซวดอกกระทู้นี้ ออนซอนผญาเพิ่นม่วนได้ใจคักแมะ อิอิ :l-:l-

  3. #3
    เสียงแสงเศร้า ฟังเหงาๆเป็นบ้าป่วง
    ห่วงเด้ห่่วงโตอ้าย ชายของหล่าเป็นจั่งได๋
    แสนสิอยู่ไกลเยิ้น พอกระเทินได้ถามข่าว
    ฝากถึงบ่าวคนโก้ ให้ดูแลโต รักษาสุขภาพแน่เด้อ อ้ายเอ้ย


    ข้าวต้มมัดมาแจมนำจ้า ผญ๋ามวนหลายจ้า

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ขอบคุณเด้อ ข้าวต้มมัด

    ขอขอบคุณเด้อเจ้า ข้าวต้มมัดคนสวย
    ที่มาอวยพรนำ ไต่ถามทุกข์สุขบ้าง
    แม่นสิทางไกลเยิ่น กะเอินมาถามไถ่
    ด้วยระบบทางไกล อินเตอร์เน็ตเกี่ยวคล้อง ในเฮือนห้อง แห่งมหา
    อ้ายอยู่ดียุดอกหล่า ตามอัตภาพ ของคนจน
    บ่ได้ฮน ฮวยหา ให้มั่งมี รวยร่ำ
    หากินไปตามพื้น ตามซาตา คนต้อยต่ำ
    หายามเช้ากินยามค่ำ พอได้เลี้ยงชีพไว้ บ่ตายถิ่ม กะแม่นพอ
    ขออย่างเดียวท่อนั่น อย่าเจ็บป่วยกะดีใจ ล่ะนางเอ้ย
    ความห่วงใยที่นางมี ขอบพระคุณ พี่ขอไหว้
    ขอให้คนสวยน้อง ผองภัย อย่าแผ้วผ่าน เด้อนาง
    ให้อยู่สุขยิ่งยืนนาน ปราศจากพยาธิฮ้าย อย่ามาใกล้ จงอยู่ดี
    อ้ายอยู่ทางไทยพี้ กะยังมอบกำลังใจ
    ให้สาวสวยอยู่ทางไกล ร่ำรวย เหลือล้น
    ผลกุศลที่นางสร้าง ปางหลัง จงยู้ซ่อย
    ให้สาวข้าวต้มมัด ผุน้อย มีสุขล้น หลื่นคน เด้อหล่าเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •