กำลังแสดงผล 1 ถึง 2 จากทั้งหมด 2

หัวข้อ: ...ฝากอนาคตไว้ ในมือเจ้านาย...

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ...ฝากอนาคตไว้ ในมือเจ้านาย...

    ตกสมัยการเมืองวุ่น เขาขุนยาดไพร่
    ไก่น้อยแอ่วอยากได้ เฮฮ่ำไห้กินนมกา
    ส่วนว่าหมาน้อยไห้ แอ่วกินนมนำเสือโคร่ง
    ซุมซากโครงเต้นใส่แฮ้ง ปลาย่างแห้งเต้นคุบแมว
    แหลวออกหาเซิ่นไกลบ้าน อันอ้อยตาลหวานย้อยลงทุกที่
    ต้นประชาธิปไตยใบเปลี่ยนสี ผลิดอกแหนงแดงม่วงหม่น คนซอหุ้มตุ้มแห่แหน
    เกมส์การเมืองกำลังแค่น หาคะแนนจนตีนตึ่ง
    หวังตะบึงถึงเส้นชัย งัดกลยุทธใส่สุดคันเร่ง
    เสียงตะเบ็งดังเซ็งแซ่ มาตีแผ่นโยบาย
    นบมือไหว้ขอคะแนน ให้เป็นผู้แทนสมัยนี้
    เลือกคนดีมีความฮู้ เข้ามาดูเข้ามาเบิ่ง
    พอได้เพิ่งภายภาคหน้า สัญญาไว้ให้เฮ็ดตาม แน่เด้อ
    วันที่สามเดือนหน้า เดือนกรกฎาได้ฮู้แน่
    ไผ๋ชนะไผ๋สิแพ้ ไผ๋สิแน่แม่นกว่าไผ๋
    แต่..จั่งได๋ จั่งได๋ ไผ๋ได้เป็นกะตามถ่อน วอนท่านอย่าลืมส่อง
    ให้คิดเห็น มื้อมาขอคะแนนจากพี่น้อง ประชาชนเรียกร้อง..ว่าจั่งได๋..แน่เด้อ เจ้านายเอ้ย...


    :l-:l-:l-
    แก้ไขครั้งสุดท้ายโดย พลายแก้ว; 13-06-2011 at 15:03.

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    sorsor marmar(ฝรั่งยาวเขียน)

    วาดฝันไปตามเรื่องการเมืองไทยน้ำเน่าเน่า
    เว้าจั่งซี้ยามมื้อเช้า บ่ายมาเว้าอีกอย่างไป
    เว้าขึ้นมา มีแต่ได้สิเป็นใหญ่ในโลกา
    เบิ่งประชาเขาแหน่ตี้ หนี้สินท่วมหัวแล้ว
    หาแนวเอามาล้อหลอกชาวเมืองให้เขาเลือก
    บาดได้เป็นใหญ่แล้ว เห็นชาวบ้านนั้นส่ำหมา
    มีแต่ยาดแย่งฆ่าม้างมุ่นทำลายกัน
    อย่าฝันเลยทางปรองดองมองบ่เห็นเป็นไปได้
    เอาแต่มันสิจนไฮ้ปวงประชาปัญญาต่ำ
    ว่าแต่กูได้หน่ำผลประโยชน์ที่เกิดขึ้นต้องกูได้ใส่ถง
    ลงคะแนนเทื่อนี้ขอลาทีอย่าเอาเงินมาป่อน ให้เด้อ
    ทั้งพวกเหลืองแดงส้มอย่ามาต้มคนจั่งgoo
    นโยบายออกมาเว้าเซาสาgooบ่เซื่อ
    ไปตั๋วเมียเมิงอยู่บ้าน รำคาญแท้พวกหมู่ling

    คันว่าบ่เหมาะสมกะลบโลด

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •