กำลังแสดงผล 1 ถึง 3 จากทั้งหมด 3

หัวข้อ: แด่ชายและหญิงคู่นั้น

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    เศร้าซึม แด่ชายและหญิงคู่นั้น

    เห็นสองคนเดินทางผ่าย กายมา ซ่างเป็นสีต่างต่าง แท้น้อ
    นั่งแอบเบิ่งอยู่ข้างข้าง ทางเคยได้ ย่างผ่านมา
    พยามยามเบิ่งหน้า กะบ่ชัด จักเป็นไผ
    ย้อนว่าไฟ มันสลัว เป็นมัวมัว บ่เห็นแจ้ง
    หรือแม่นคำแพงน้อง คนเคยจา เดินมาผ่าน หรือใด๋น้อ
    กลายหน้าบ้าน ไปซ้าซ้า อยากจาเอิ้น ไต่ถาม
    แต่ว่าใจนั้นห้าม บ่ได้เอ่ย ออกไปหา ดอก
    เห็นเพิ่นโทรศัพท์ เทิงพ่องเดิน เทิงเว้า
    เบิ่งท่าทาง ซงเศร้าเศร้า เป็นหยังน้อ คือบ่บอก ไผน้อ
    เกาะแขนกับลูกน้อย ลูกซายหล่า ซุบซิบจา
    ปาดน้ำตาบังลูกไว้ ใจของแม่ มาวังเวง แท้น้อหล่า
    เหลียวหาไผกะบ่เห็น จั่งแม่นเวร อีหยังน่อ
    หรือแม่นชาติก่อนกี้ แม่นี้เคยแซเลี้ยว บ่จริงใจกับผัวมิ่ง
    หรือแม่ยงยุให้ ผัวเมียได้ เลิกห่างลา กันน้อ
    หรือแม่นแม่นี้ฆ่า ตัวเองตาย แต่ชาติก่อน
    บ่ห่วงพ่อ แม่พี่น้อง บ่แคร์อ้าย ฝ่ายผัว
    เอาใจตัวเป็นที่ตั้ง บ่มีฟัง พวกญาติญาติ
    ชาตินี้ แม่จั่งตกบาดฮ้าย ดายดู้ อยู่ผู้เดียว ลูกเอ้ย
    เทียวทางเดิน ในโลกกว้าง ว่างเปล่า ดายเดียว
    แม่นคนเทียว เดินเป็นแสน ปานว่าเดิน ในดงด้าว
    ซาวหาคนเดินเคียงข้าง พอปานซาวหาเข็ม ในท้องสมุทรใหญ่
    ใจเอ้ยใจ ของแม่มีแต่กลุ้ม รุมเร้า เจ่าหงอย
    ------------------------------------
    ...หล่าเอ้ย หลายคนออยออยเว้า เซาสานาง หายเศร้าส่วง สาเด้อ
    ให้เจ้าห่วงลูกน้อย กับทั้งพร้อม อีแม่คิง
    เจ้าอย่าทำเวรสร้าง ให้หนักใจของอีแม่ อีกเถาะ
    ให้เจ้าปลงละไว้ ทำใจสู้ เจ้าอย่าถอย
    คอยส่งใจให้บักหล่า เจ้าอย่าเสียน้ำตา ลูกชายเจ้า สิอุกอั่ง เด้นาง
    อ้ายนี้หวัง อยากเห็นเจ้าก้าวข้าม ทะเลกว้าง บ่วงกรรม นางเอ้ย...
    แก้ไขครั้งสุดท้ายโดย หนุ่มหน้าลาว; 16-06-2011 at 22:39.


  2. #2
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    ชื่นชมจากใจไปหาคนแต่งผญา และขอส่งความรู้สึกดีๆ ฝากเป็นกำลังใจไปหาสองแม่ลูกนำเด้อจ้า

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ขอบคุณแมงสะดิ้งครับ

    ขอบคุณเด้อ แมงสะดิ้ง ผุจริงใจ เข้ามาอ่าน
    ปากกะซมว่าเยี่ยมโตข่อย ผุแต่งกลอน พะนะว่า
    ฝากกำลังใจไปต้อน สองคน แม่กับลูก
    ปลูกความฮักแก่นมั่น พันเกี้ยว ดั่งเครือ
    น้ำใจดีเหลือล้น เกินคน แทะแม่ใหญ่ 555
    คันเจ้าอยู่ใกล้ใกล้ สิหอมแก้ม เบิ่งจักที ซั่นดอกหวา 55555
    ขอบคุณแมงสะดิ้งครับขอบคุณแมงสะดิ้งครับขอบคุณแมงสะดิ้งครับ
    ขอบคุณเด้อครับที่ชื่นชม ส่ำนี้ผุแต่งกะมีกำลังใจแล้วครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •