กำลังแสดงผล 1 ถึง 4 จากทั้งหมด 4

หัวข้อ: พ้อหน้าส่ำนี้กะเอา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา พ้อหน้าส่ำนี้กะเอา

    ดีใจหลายมากล้น ได้เจอคน(ที่รัก) ในงานใหญ่
    บุญบั้งไฟค่าล้าน พวกชาวบ้าน เพิ่นซ่อยทำ
    หวังสิจุดถวยไท้ พระยาแถน ตามฮีต
    บูชาเทพอยู่ซั้น ให้ฝนฟ้า บ่ขาดเขิน
    เดินตามทางนางจาเว้า นำพี่ชาย อยู่ล่ำหล่ำ
    ฝนตกฮำจ้นจ้น ฟ้าวไปซ้น ฮ่มกุฏิ
    ฝนตกดีเอาฮ้าย พระยาแถน ดีใจหลาย เพิ่นเห็นบั้งไฟใหญ่
    ฟ้าวเทฝนลงมาใส่ บุญบั้งไฟบ้านน้อง ให้ไทบ้านได้ซุ่มเย็น
    กลางเว็นวันที่สิบเก้า เขาสิเอา บั้งไฟจูด
    อยากอยู่นำน้องหล่า ไปยืนถ่า เบิ่งบั้งไฟ
    นางว่าอยู่บ่ได้ เจ้านายไล่ ให้ลงกรุง พี่เอ้ย
    ตอนบ่ายโมงต้องเดินทาง ฮอดบ่เห็น บั้งไฟล้าน
    คันมีงานเทื่อหน้า นางสิมา หาใหม่ ดอกเด้อ
    อย่าน้อยใจเถาะอ้าย บ้ายบายแล้ว สิด่วนกรุง....

    (เดินทางปลอดภัยเด้อจ้า นางฟ้าของอ้าย)

  2. #2
    ดีเจ นักจัดรายการ สัญลักษณ์ของ บ่าวสาเกตุนคร
    วันที่สมัคร
    Sep 2008
    กระทู้
    93
    สุดยอดมากๆครับ

  3. #3
    ร่วมถ่ายทอดความรู้สู่สังคม สัญลักษณ์ของ bnserver
    วันที่สมัคร
    Jan 2009
    กระทู้
    331
    เป็นตาหลูโตนแท้น้อบาดนี้..โอ้ยน้อ..

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    เศร้าซึม เกลียดวันอาทิตย์ ที่ 19 มิถุนา

    อาทิตย์นี้ฮอดนั่งไห้ เหลือใจเด้ บ่อยากจาก
    เห็นหน้าน้อง ค่ำวานนี้ บ่อยากหนี
    แต่เต็มที่คนฮักอ้าย เสียงเจ้านาย เพิ่นเอิ้นเฮียก
    เรียกให้นางกลับต่าวโค้ง คืนกรุงกว้าง ย่านไกล
    ได้แต่ก้มหน้าไห้ ไปสานาง ให้ฟ้าวด่วน
    งานสำคัญกว่าอ้าย อย่าป๋าถิ่ม หม่องแต่งแปลง
    เหลือแฮงเด้ เหลือแฮงหวังอยากจาเว้า นำนาง พอให้ส่วง
    ปานว่าฝันมาลวง เพียงเห็นหน้าเพียงเล็กน้อย พอให้ย้อยหลั่งน้ำตา
    สาธุเด้อขอให้อินทร์อยู่ฟ้า จงผายโผด ประทานพร
    ขอให้นางเดินทาง มีโชคชัย สวัสดิ์พร้อม
    ขอให้จอมแพงอ้าย อันตรายอย่ามาผ่าน
    สุขสำราญ ม่วนแม้ง โรคาฮ้าย อย่าเบียดเบียน
    ส่วนว่าอ้ายอยู่บ้าน แม่นสิหว่านน้ำตานำ กะตามถ้อน
    ขอให้จอมแพงนาง จงอยู่ดี อย่าหมองเศร้า
    อีกบ่โดน เฮาคงมีเวลาเว้า นำกัน ฝันไว้ก่อน
    มื้อนี้ใจอาวรณ์ ได้หันหลังสั่งน้อง ใจมันข้อง เกี่ยวน้ำตา หล่าเอ้ย


    เกลียดวันอาทิตย์ ที่ 19 มิถุนาเกลียดวันอาทิตย์ ที่ 19 มิถุนาเกลียดวันอาทิตย์ ที่ 19 มิถุนา
    แก้ไขครั้งสุดท้ายโดย หนุ่มหน้าลาว; 19-06-2011 at 10:24.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •