กำลังแสดงผล 1 ถึง 1 จากทั้งหมด 1

หัวข้อ: จอมยุทธ..หน้าลาว..

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา จอมยุทธ..หน้าลาว..

    ผญาบั้น “เฒ่ายาวสอนให้หน้าลาวเป็นจอมยุทธ”

    แมงป่องน้อย โอ้อวด เดโช
    โงแต่หาง งองอ อวดแต่เหล็ก ซีน้อย
    พิษบ่หลาย อย่าไปอ้าง เหลี่ยมบ่มี อย่าอ้างอวด
    บ่มีไผสิย้าน มันสิย้อน ฆ่าเจ้าของ
    อย่าจองหองงูสิงเสี่ย ซูแต่คอ ขู่ฟ่อฝ่อ
    ไผเด้น้อสิหย่อนย้าน ปานแนวเชื้อบักเห่าดง
    เกิดเป็นคน อย่าทะนงใจโอ้ อวดโตเกิน คนทั้งโลก
    ทำตัวเป็นนักปราชญ์ฮู้ คนหัวร่ออยู่หลัง
    ฟังดีกว่าพูด” มงคลสามสิบแปด
    จำได้บ่ล่ะเจ้า หรือลืมแล้ว อวดแต่เหลิง
    คนชั้นครูเขาเรียนเกลี้ยง ฝึกสมอง แหลมกว่ามีด
    อ้าปากขึ้น เขาเห็นซอด ฮอดกะหมอง
    มองอีหยัง กะให้มองหลายหลายด้าน คอยพิจารณ์ ให้รอบคอบ
    บ่แม่นถืกแต่เจ้า อื่นผิดล้วน พิพากษา
    การศึกษาสูงนั้น บ่ปันคน ว่าเจ้าเก่ง ดอกนา
    ต้องมีธรรมคู่ข้าง เขาจั่งเอิ้น ว่า “ฑิต”
    ยึด ติด” ผิดหัวข้อ ของธรรม พระองค์กล่าว
    อุเบกขา นั่นล่ะเจ้า สิพาน้อง ผ่องใส
    อ้ายขอกระซิบไว้ ในโลก มหาโจร
    คนบ่มีวิทยายุทธ อย่าออกเทียว ทางเวิ้ง
    เพิงฝึกตัวเพียงเพี้ยง เหลี่ยมหมากเฟียง แหลมทุกแง่
    นอนตะแคงแท้แท้ ยังซันขึ้นอวดเหลี่ยมคม อัญญาเอ้ย
    จอมยุทธ..หน้าลาว..จอมยุทธ..หน้าลาว..จอมยุทธ..หน้าลาว..555แม่นบ่ล่ะหือ ขอปรึกษาแหน่ ใหญ่ศรีฯ555จอมยุทธ..หน้าลาว..จอมยุทธ..หน้าลาว..จอมยุทธ..หน้าลาว..
    แก้ไขครั้งสุดท้ายโดย หนุ่มหน้าลาว; 22-06-2011 at 20:43.


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •