หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: มีของดีมาฝากค่ะ

  1. #1

    มีของดีมาฝากค่ะ

    ต้อยแต่งแต้ม ติดตามผญ๋าแต่ง
    แฝงคติธรรม ปรัชญาพร้อม ดอมเจ้าเอ่าให้คลาย
    ความสบายมาแทนที่ ความสุขมี ให้มีมาซ่อย
    สิแต่งต้อยผญ๋าต้าน ให้เบิกบานรื่นฤดี
    ฟังพาทีวจีต้าน ขานนำคำนักปราชญ์
    คนฉลาดจาเว้า โตเจ้าสิฮู่เฮือง
    ตามเพิ่นต้าน "ต้นไม้ตายย้อนผล"
    ด้ามดั่งกันกับคน "ยอมสิตายนำคำเว้า"
    ให้เอาหลักธรรมะช่วย ปฏิบัตด้วยกระตุ้นซ่อย
    พลอยเตือนตนให้ตื่นตัว เกิดแท้แก่ปัญญา
    ให้เข้าถึงปัญหา ตริตรองให้ท่องแท้
    บางคนเอ๋ยที่ว่าแน่ แก่วิชาย้อนเพิ่นเข้าถึงธรรมะ
    เอาชนะกิเลสสิ้น ดีได้ด้วยตนเอง นั้นแหล่ว
    แก้ไขครั้งสุดท้ายโดย ข้าวต้มมัด; 23-06-2011 at 16:40.


  2. #2

    คนเหลี่ยมเล่-เล่เหลี่ยมปานหมากเฟือง

    อันว่าหมากเฟื่องนี้ เขาเอิ้นดาวบนดิน เพิ่นว่า
    แม่นสิปิ่นไปทางได๋ เล่เหลี่ยมหลายรายรอบด้าน
    แม่นสิปิ่นทางข้าง หรือตั้งตรงกะหากแม่น
    หรือให้ฝานเป็นแว่น แม่นแท้เอิ้นว่าดาว

    คนเขาจึงได้เอิ้นคนเหลี่ยมเล่-เล่เหลี่ยมปานหมากเฟือง พี่น้องเอ้ย
    แก้ไขครั้งสุดท้ายโดย ข้าวต้มมัด; 23-06-2011 at 21:00.

  3. #3
    โอน้อ อันว่าเก่งบ้านนอก หยั๊งสิท่อขี้คอกในเมือง พี่น้องเอ้ย
    ลองวัตกันได้เลย อยากเฉลยให้ท่องแท้
    เว้าแวๆๆยุบ้านนอก บ๊อทันดอกในเมืองเพิ่น
    เขาไปเซิ่นฮอดไสแล้ว แนวบ้านนอกจั่งค่อยมา นั้นแหล่ว




    วัต,วตะ หมายถึง ความประพฤติ,การปฏิบัติ
    แก้ไขครั้งสุดท้ายโดย ข้าวต้มมัด; 23-06-2011 at 20:56.

  4. #4
    อันว่าคนจนไฮ้ อาจหลากหลายแนวความคิด
    พรหมลิขิตอาจขีดเขียน ได้ฮ่ำเฮียนมีความฮู้
    จนแต่ดู๋พ่องหม่น อาจเป็นคนที่รวยร่ำ
    จนเงินคำเขินขาดใช้ แต่ใจแผ้วผ่องมะโน
    ผู้อยู่ในเมืองกรุงโก้ อาจทำโตต้อยต่ำ
    ใจก่านดำน้ำใจแล้ง คอยยื้อแย่งแข่งประชัน
    อุปมาเพิ่นว่านั้น บ้านใกล้ป่าอยู่เฮือนเพ
    คนมีบ้านอยู่ใกล้เซ แต่หากอึดปลาร้า
    คนเกิดมาเลือกบ่ได้ อยู่ที่ใจให้คิดถี่
    ดุจดั่งองค์ชินสีห์ เข้าไพรีบากบั่นสู้ จั่งตรัสรู้โพธิญาณ...นั่นแหล่ว ท่านเอย...

  5. #5
    "รู้อะไรไม่สู้รู้วิชา รู้รักษาตัวรอดเป็นยอดดี"

    สุดยอดวจีศรีสุนทรภู่ ครูกาพย์กลอนเพิ่นสอนสั่ง
    แต่ครั้งหลังยังจำได้ ใช้ได้ทั่วทุกคนพี่น้องเอ้ย

  6. #6
    ซื่อว่าโลกีย์ก้วงเมืองคนมันบ่เที่ยง
    มันหากเงี่ยงซ่อยหง่อย คือค่อยตลิ่งของ
    ลางเทื่อแนวเด็กน้อย สอนคนหัวดอน
    ลางเทื่อลูกไพร่บ้าน สอนท้าวพ่อพญา นั้นแหล่ว


    ก้วงหมายถึงกว้าง
    แก้ไขครั้งสุดท้ายโดย ข้าวต้มมัด; 25-06-2011 at 14:42.

  7. #7
    เฮ็ดขอบหวิงขอบด้ง ให้โค้งใม้ที่ยังอ่อน
    ใช้ไม้ตอนที่แก่แล้ว ดัดได้แต่สิหัก พี่น้องเอ้ย

  8. #8
    ร่วมถ่ายทอดความรู้สู่สังคม สัญลักษณ์ของ kung สาวขอนแก่น
    วันที่สมัคร
    Apr 2009
    ที่อยู่
    บ้านหนองกุง ขอนแก่น
    กระทู้
    749
    ทางนี้แต่งกลอนบ่เป็น ได้แต่นั่งอ่านจ้า

  9. #9
    อิอิ น้องkung สาวขอนแก่นแต่งบ่เป็นแค่เข้ามาอ่านมาคอมเมนท์ให้กะดีใจแล้วจ้า

  10. #10
    อันโบราณเพิ่นว่าไว้ ได้ "มิตรแท้"หนึ่งคน
    ดีกว่าได้"มิตรเทียม"หนึ่งพันคน
    ได้"มิตรเทียม"หนึ่งพันคน
    ดีกว่า"มีศัตรู"หนึ่งคน นั้นแหล่ว
    แม่นบ่แมนแนวได๋ ให้ใช้พิจารณาเอา พี่น้องเอ้ย


    อิอิ อ่านพ้อ เอามาฝากจ้า
    แก้ไขครั้งสุดท้ายโดย ข้าวต้มมัด; 06-07-2011 at 19:10.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •