ต้อยแต่งแต้ม ติดตามผญ๋าแต่ง
แฝงคติธรรม ปรัชญาพร้อม ดอมเจ้าเอ่าให้คลาย
ความสบายมาแทนที่ ความสุขมี ให้มีมาซ่อย
สิแต่งต้อยผญ๋าต้าน ให้เบิกบานรื่นฤดี
ฟังพาทีวจีต้าน ขานนำคำนักปราชญ์
คนฉลาดจาเว้า โตเจ้าสิฮู่เฮือง
ตามเพิ่นต้าน "ต้นไม้ตายย้อนผล"
ด้ามดั่งกันกับคน "ยอมสิตายนำคำเว้า"
ให้เอาหลักธรรมะช่วย ปฏิบัตด้วยกระตุ้นซ่อย
พลอยเตือนตนให้ตื่นตัว เกิดแท้แก่ปัญญา
ให้เข้าถึงปัญหา ตริตรองให้ท่องแท้
บางคนเอ๋ยที่ว่าแน่ แก่วิชาย้อนเพิ่นเข้าถึงธรรมะ
เอาชนะกิเลสสิ้น ดีได้ด้วยตนเอง นั้นแหล่ว
Bookmarks