--- : ความจริงใจบ่ได้ช่วยอ้ายเลย :---

[บ่าวโจ่โล่]

ความจริงใจให้กับน้อง หวังสนองตอบรักอุ่น สร้างต้นทุนด้วยความซื่อ คือหวังเจ้าสิทดแทน

หอบวงแขนแบนมือว่าง คอยยืนห่างหว่างยามเขิน หรือตอนเดินบ่ควงแขน ตำแหน่งแฟนบ่ทันพร้อม

อ้ายยินยอมพร้อมรับใช้ เฮ็ดอันได๋กะตามแต่ ใจตามแคร์เจ้าทุกด้าน กะเพียงย่านเจ้าว่าเมิน

ฮักเหลือเกินประเมิณค่า ยังเติมค่าความจริงใจ คำห่วงใยบ่เคยหาย จากหนึ่งชายผู้เคียงน้อง

เธอสนองด้วยความช้ำ บ่มีคำได๋เอื้อนเอ่ย ถูกชดเชยด้วยรักร้าง วางน้ำย้วยเข้าหน่วยตา

ทุกเวลาที่เคยให้ ความจริงใจที่เคยผ่าน เป็นวันวานที่ปวดร้าว ฟาวด์จากน้องต้องทุกข์ทน คนงามเอ๊ยยย

[4SHARED]http://www.google.co.th/embed/608718861/5e8f60b2[/4SHARED]

[lungyai1123]

โอ๊ยมาเศร้าแท่ฟังไปๆเปนตาหลูโตนเน๊าะ

[วัฒนชัย หาริโร]

หรือน้องเบื่อกับความซื่อ บ่เคยจื่อว่ามีไผ
คอยห่วงใยยามเจ็บหนัก เลยถืกผักด้วยความพ่าย
ทุกความหมายให้เธอรู้ ยังมีผู้คอยห่วงใย
เจ็บยามได๋ให้เธอคิด บ่เคยผิดอิหยังน้อง
หวังประคองแค่เธอนั้น พ้นคืนวันที่หมองหม่น
ยังมีคนเป็นห่วงเจ้า ชุแลงเช้ายังคึดนำยุเด้อ น้องสาวเอย


มาขอแจมนำอ้าย อิอิ :l-:l-

[ใบไม้สีชมพู]

น้องขอโทษหลายเด้ออ้ายจ๋า วอนอ้ายอย่าจดจำไว้ ความจริงใจมีค่าหลาย แต่อายหากสิรับไว้
เก็บคืนไปเซาห่วงหา อ้ายอย่าจำคำเคยเว้า ให้เซาสาอย่าฮำฮอน ย่อนว่านางนั่นบ่สม
ให้คนดีได้ชมความจริงใจอ้าย คนขี้ฮ่ายอย่างน้องบุญบ่มี เมินหน้าหนีให้อ้ายพบผู้ควร
อย่าสิหวนมาหาน้อง แม่นสิฮ่องปานได๋บ่หวนคืน คงขมขื่นบ่โดนกะสิส่วง ว่าน้องลวงว่าจะจั๋งได๋กะตามแต่.....บ่แคร์ดอก

ลองเขียนนำแหน่จ้า บ่ฮู้หลักเลยจ้า แต่ว่าอยากเขียน อิอิ

[บ่าวโจ่โล่]

เจ็บหัวใจเพราะใสซื่อ ย่อนถือแค่ความจริงใจ

เฮ็ดอันได๋เพราะฮักเธอ นี่หล่ะเด้อคนคืออ้าย

ยามพบชายผู้เข้าเท่ห์ เฮ็ดปากเบ๋เตะดินไส่

ซงอยากไล่ปานหมาว้อ ยอกำปั้นจนสั่นสาย

บ่คิดอายไผเด้อหล่า แต่หากว่าใจมันหมึ๋น

ปึกกะหลืนแท้น้อเฮา ให้เผิ่นเอาเขามาเย๊ยยยย

[เเมงสะดิ้ง]

โอละนอบัดห่านี่ มาพ้อพี่ผู้โศกา
ปากอยากเอ่ยวาจาถาม เบื้องพี่ซายให่หายกลุ้ม
ได่ต่ะหยุมจ่ะของไว่ ปากอย่าไวไปสมพื่น
อย่าเหยียบตึ่มให่อ้ายหมองเด้อใจนางเอ้ย...
แต่บ่อยากทำซงเสย ผ่านไปเลยบ่มีฮ้อน
หย่อนวาเป็นตั้งแต่กี้ อันคุณพี่จำได้บ่...หือ?
เว่ามาแล่วเป็นอือคือ มันจุกตื้อมาเสียดท้อง
โอ๊ย...พออยากฮ้องหน่ายซาดและสะแบง
อันนางเทียวห้อยต้องแต่ง คำ่แลงเด้อหมายตา
แต่พี่ซายบ่แวหา พ๊วน...เพิ่นหล่ำแงงไปทางพู้น
อันเจ้าผู้จูนพู่นหน่า ตอนนี่กลับมาฮ้องฮ่ำ
อ้อยอิ่งหลิ่งติ่งต้อย หย่อนสาวสำ่น้อย เขาบ่แงง
+เป็นได๋บาดเนี่ย จื่อบ่เจ่า บอกวาฮักสาวเฒ่ากะบ่ฟัง+

++++++++++++++++++++++++++

ชิชิ...วาจะมิปากแล่วล่ะ แต่อดบ่ได้เด้อจ้า
อันขอตอดขอต้อย ขอแทะขอเล็มพอมีแฮงนำกันเนาะ