หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: "ผญาจ่มเแถมพรป้อย ก้อยใส่กันแซ่บๆ"

  1. #1
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24

    มีรูปภาพประกอบ "ผญาจ่มเแถมพรป้อย ก้อยใส่กันแซ่บๆ"

    ตามที่จั่วหัวไว่เลยเนาะ "ผญาจ่มเแถมพรป้อย ก้อยใส่กันแซ่บๆ"
    ไง้ใจออกมาเว่าจากควมทรงจำสมัยเป็นสาวส่ำน้อยกะจั่งหว่ะ
    ใซ่ภาษาห้วนๆ เว่าบ่ม่วนแบบโป้งๆ แต่บอกตามตรงวาจริงใจ
    มอบให่ไปพิเศษสำหรับผู้สาวส่ำน้อยบ้านมหาทุกคนเด้อจ้า
    อ่ะ...เซินสำราญบานเบิก ซะ ลา ล่า...พี่น้อง




    หันหูมาหันตาจ้อง ดิ้งวัยทองอยากเว่าสู่
    แก้มปู๋หลูผู้จั่งน้อง ปองอยากเมี่ยนแต่พะซาย
    เว่าไปหลายกะอายยุเด้อค่า แต่กะจาหย่อนอยากม่วน
    บ่ได้ป่วนปั่นฮีต วิถีเค้าให่เก่าหมอง...เด้อพี่น้อง

    "ผญาจ่มเแถมพรป้อย ก้อยใส่กันแซ่บๆ"

    บางทีเผลอควมเว่า ยามหลงส่าวปากพาล่วง
    ถึงสิป่วงไปทั่วทีป สิโงโค้งวาต่าวคืน...ดอกจ้า
    อันบ่ได้ฝืนท่าทำสะดิ้ง ใจจริงนางสะดิ้งกั่ว...เด้อ
    แก้มปั๋วหลัวคืออีน้อง หั่งมีแนวข่องยุหว่างใจ...นี่ล่ะ

    "ผญาจ่มเแถมพรป้อย ก้อยใส่กันแซ่บๆ"

    ตั้งแต่น้อยไหย่ มาจนวาเฒ่า นั่งจับเจ่ายุในกรอบ
    ครอบไว่ใน กะลาหนา หย่อนวาจา ผุเพิ่นเลี้ยง
    ใจผะเดียง อยากจาต้าน บ่ขานคำที่เพิ่นวามา...เด้
    อยากเซหาตั้งแต่ซู้ มาซ่อยหยู่ให่ม่วนยิน...สั่นแหล่ว

    "ผญาจ่มเแถมพรป้อย ก้อยใส่กันแซ่บๆ"

    อยากถวิลไปลอย-ล่อย พออยากเตะหอยขึ่นเทิ่งฟ่า...เบิ่งเด๊
    คั่นสักมาเซ พาดคอไผ แมนแลนไปนำ เขาผุนั่น !!..อุป๊าดโธ่..!!
    ควมอุบาทว์คึดมาได่ ในหัวใจบ่ใสส่อง ควรต้องฟ่าวหล่ำแลมอง
    อย่าหลงทางไปเกลือกกลั้ว มัวหมุ่นแมนบ่ดีเด้อ...อีนางเอย

    "ผญาจ่มเแถมพรป้อย ก้อยใส่กันแซ่บๆ"

    เว่าให่เป็นเรื่องจี้-จี้ แนวดี-ดีกะมีอยู่
    แก้มปู๋หลูผู้สาวน้อย ใจอย่าค้อยนำสิ่งเหลิง...เด้อนาง
    อันเจ้าผู้พั้วดอกต้าง ใจอย่าฟ่าวห่างดอกแวหนี
    คั่นมีดีเด้ออีนาง แมนบ่จางดอกซายย่อง

    "ผญาจ่มเแถมพรป้อย ก้อยใส่กันแซ่บๆ"

    อย่าสิหมองพากันเศร้า คึดนำเขาผู้บ่แมนเด้อคำ
    เขาสิขำวาเยาะเย้ย เผยไปแล่วแม่นบ่ดี
    ยายขอจบพรก่อนส่ำนี่ ฤดีนางให่ใสส่อง...เด้อหล่า
    อันคำวาจาบอกสอน หย่อนฮักแพงจั่งแต่งเว่า

    "ผญาจ่มเแถมพรป้อย ก้อยใส่กันแซ่บๆ"

    เอาละน้อบาดเถื่อนี่ เห็นทางลงสิปงก่อน
    เจ้าอย่าคึดแมนยอกย้อน คั่นสอนแล่วให่จื่อจำ
    อย่าถลำบืนไปหน่า ใซ่ปัญญาคึดตรองอ่าน
    ไผกะซ่างหวานมาเว่า บ่เทียบเท่าส่ำยายด่าดอกคำ
    !!...ให่สูจำไว่...!!

    "ผญาจ่มเแถมพรป้อย ก้อยใส่กันแซ่บๆ"

    อันควมในใจมีท่อนี่
    จากอดีตที่เก็บตด
    กดและข่มสะดิ้งไว่
    จนวาได่เป็นไฟ (ไหม่แกบ) กะจั่งหว่ะ

    "ผญาจ่มเแถมพรป้อย ก้อยใส่กันแซ่บๆ"

    หากบูซาอยู่เด้อจ้า สิ่งล้ำค่าคือคำสอน
    ป้อนและแดกลงฮูหู อยู่ซู่ยามบ่มีเว้น
    จั่งเป็นคนคือไทบ้าน เพิ่นบ่ขานโจดทางซั่ว
    ให่หามจั่วเด้อเพิ่นเว่า อย่าซะฟ่าวเอาเสาลงหลุมเด้อ..!
    ...ลูกหลานเอ่ย...

    "ผญาจ่มเแถมพรป้อย ก้อยใส่กันแซ่บๆ"

    อันลูกขอบูซาและนบน้อม
    ในคุณของอีแมข่อย...แหน่เด้อ
    ที่เลาบ่เเผลอตามใจ หากเลี้ยงไปตามแบบอย่าง
    เทิ้งอีพ่อเพิ่นถางทาง ให่ลูกหย่างเที่ยงที่หลี่
    ...อย่าแวลี้ระหว่างเดิน...

    "ผญาจ่มเแถมพรป้อย ก้อยใส่กันแซ่บๆ"

    บ่มีเขินบ่มีขาด หากวาแม่นมากล้น คือเสียงจ่มของสองเขือ
    ผู้ล้นเหลือในควมฮัก ลูกตระหนักท่อแผ่นดิน และผืนฟ้า
    ทั้งวาจา กาย ใจพ้อม น้อมนำมากราบคุณเพิ่น
    ควมเจริญสุขทุกๆด้าน ประสานให่พ่อแม่มีแหน่เทอญ....ผุข้า

    "ผญาจ่มเแถมพรป้อย ก้อยใส่กันแซ่บๆ"


    อันวาอ่วยลงโค้ง ขอปงคอนไว่หม่องนี่
    "แฮปปี้ เบิร์ดเดย์ ทู มี ทู มี้"
    สุขขีมั่น สันต์วันดี ที่ข่อยเกิด มื่อนี่เด้อ
    ไหย่เตลิดจนวาได่ หลายปีหากพ้นผ่าน
    สุขสำราญตามมื่อ สังขารร่วงไปตามวัย

    "ผญาจ่มเแถมพรป้อย ก้อยใส่กันแซ่บๆ"

    อันมีแต่ใจท่อนั่น อยากแลนตำ เอาซู่อย่าง...นั่นแหล่ว
    มักม่วนแซวโฮจ้นๆ เป็นซงคนผุเฒ่าน่อย นั่งงอยโพนกั้งโกบส่อง
    หย่อนเลาจ้องตั้งใจไว่เป็น"ยายดิ้ง" กะเลยถืกคีงปากแปๆ
    แอ..ล่ะ...แน...นั่นล่ะหน่า พี่น้องเอย

    "ผญาจ่มเแถมพรป้อย ก้อยใส่กันแซ่บๆ"

    ลงบันทึกปากคำไว้ ณ วันที่28 มิถุนายน 2554 = 35 ปีผันผ่าน
    ที่ควมสวยได้เหมิ่ดไปแล่วกับช่วงโปรโมชั่น ส่วนซีซั่นนี้มีเหลือไว่แต่ควมสำราญ
    พ้อมสิเบิกบานไปตามสันดานแห่งตน...นั่นแล

    "ผญาจ่มเแถมพรป้อย ก้อยใส่กันแซ่บๆ"

    และปล.ก่อนจาก
    ขอฝากฮูปงามในอดีตไว่เป็นที่ระทึกแหน่ะเด้อพี่น้อง หย่อนบ่คึดวาจ่ะของสิงามได่อีกนั่นน๊า
    อุตส่าห์ไปซอกไปไง้เอามาอ้าง ตั้งแต่เกิดไหย่เป็นคนมาบืนใส่หม่องงามได่ส่ำเห็นกะจั่งหว่ะ

    ด้วยควมปรารถนาดี จากใจของยายดิ้ง...อิ้ง...อิ้ง

    "ผญาจ่มเแถมพรป้อย ก้อยใส่กันแซ่บๆ""ผญาจ่มเแถมพรป้อย ก้อยใส่กันแซ่บๆ""ผญาจ่มเแถมพรป้อย ก้อยใส่กันแซ่บๆ"




  2. #2
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    531
    บล็อก
    1
    แม่นม่วนคักน้อผญานี้ ปานว่าได้ฟังเทศน์ชีวิต..............กตัญญูกตเวที อิพ่ออิแม่ มงคลชีวิต สิจื่อไว้และเฮ็ดนำอยู่........

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,555
    จับมาก้อยใส่กันแซบปานหยังเลยบาดนี้555

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ป๊าด คนงามเฮ็ดจั่งใด๋กะงามคือเก่าล่ะเถ่าอันนี้ ... 5555

  5. #5
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ม่วนๆไหย่ดิ้ง ว่างๆปุ้ยก็มักเบิ่งรูปเก่าๆที่ผ่าน ยิ้มไป หัวไป
    นึกถึงเหตุการณ์ที่ผ่านมา มีความสุขกับการได้เบิ่งรูปจ้า

  6. #6
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ม่วนจร้า..ม่วนหลายยยยย คุณยายดิ้งงงงง

  7. #7
    ขอยอกลอนสุนทรวาท อาราธนาพระไตรรัตน์
    พรพิพัฒน์จตุรพิธ สิทธิผลให้ดลยู้
    บุญนำซูซ่อยค้ำ นำกวมกุมเกศ
    ผลพิเสฎฐ์ตามเจตน์แจ้ง ให้สมแม้งสิ่งหมาย
    อันโรคาพยาธิฮ้าย ให้เหินหายไกลจาก
    เงินทองหลากมากล้น เต็มปุ้งทุกกระเป๋า
    ทุกค่ำเช้า มีผุบ่าวมาเอาใจ ย่างตำกันจนล้มท่วน
    ให้พะอวนชี้สั่ง ให้พะนางชี้ใช้ สมใจท่านผู้มักหยุม...อิอิ




    สุขสันต์วันเกิด ขอรับ แมงสะดิ้ง...



    :b-b:b-b:b-b

  8. #8
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ธุจ้า คุณพระรักษาจ้า ยายดิ้งคนสวย พันปี หมื่นๆปี อิอิ น้องจะจื่อเอาจ้า ผะถ่าวพาว่า ย่างตามก้นผู้ใหย่หมาบ่กัด อิอิ แต่คั้้นย่างนำก้นกำนันละบ่แหน่ 555555555 อยากเห็นรอยยิ้มของยายแบบนี้ตลอดไปเบิ่งแล้วมีความสุขไปนำ รักษาสุขภาพนำจ้ายาย ฮักและคึดฮอดยายเสมอ จ้า จุฟฟฟฟฟ

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    บุ๋ย จ่มผญาเป็นคูค่องน่องแท้น้อยายดิ้ง
    สุขขี สุขขลัง สุขพลังวรรณโน สุขโสพีเพรียบพร้อม มาแนบน้อมแด่ยายเด้อ...

    สุขสันต์วันคล้ายวันเกิดเด้อยายดิ้ง

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    มวนๆๆหลายอิหลีเลยจ้าหลานยายดิ้งจ๋า คือเก่งแท้น้อเว้าให้พรสอนให้สาวลุ่นหลานๆฟังดีขนาดเลยจ้า
    ป้าก็ขอให้หลานยายดิ้ง

    จงมีแต่ความสุข ทุกอย่ามีมาไกล้ ไปทางได๋ให้คนหุ่ม
    ให้มีบ่าวเข้ามาหยุม มารุมร้อมต้อมต่อ ให้เจ้าได้พบพ้อ
    ขอพรล้ำให้หล่ำแยง ให้เจ้าใสดอกส่องแจ้ง คือดั่งกับเดือนดาว
    ให้ใสแพรวพราว คือดั่งจันทร์วันเพ็ณพุ้น ผลาบุญให้นำยู้
    ค่ำซูให้สูงส่ง อนิสงค์ทั้งล้วน มามวนป้อน
    หย่อนใส่ยาย นี่หล่ะน่าาาาาาาา

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •