...........นั่งถ้าอยู่เถียงนาน้อย.........................

[บ่าวโจ่โล่]

นั่งเฝ้าเถียงเลี้ยงวัวน้อย ใจเหงาหงอยมิดจี่ลี่ สาวผู้หนีจากบ้าน บ่หวนฮู้ข่าวคราว
อ้ายนั่งหาวโต้ลมฮ้อน อยู่เถียงนากลางโท่ง คิดฮอดแต่โฉมยง เคยนั่งเว้ากับอ้าย หลายเดือนแล้วที่ผ่านมา
ฮอดเมษาสงกรานต์แล้ว บ่เห็นแววเงียบมิดหมี่ หวนคิดพ้อบ่คนดี คำวจีว่าฮักเจ้า คนเคยเว้าแต่เก่าหลัง
ปลาลงวังแดดฮ้อน ฮ้องคับดอนจักกระจั่น อ้ายรำพันกับแม่แล้ง ได้นั่งเศร้าเป็นหมู่หมา
คิมหันต์มาพาใจเศร้า ฮ้อนจนเยาแล้วทางพี่ คิดฮอดเจ้าอี่หลี จั่งได้จาปากเว้า เอาความเศร้าฝากส่งลม....คนงามเอ๊ย

.................................................................................................................... แต่งไปจั่งซั้นหล่ะ จักม่วนบ่ม่วนเนาะ ....................................

[ชายหล่ามาดามศรี]

เจ้าคือเว่าเป็นสอนข่อยจักบาดแน่ บ่าวโจ่โล่

ว่าชั่นเจ้ากะแต่งแบบนั่งถ่าใต่ห่มทันนะน่า

[บ่าวโจ่โล่]

เรื่องสอนนี่ ผมว่าต้องปรึกษาทางพุ้นเด้อ อ้ายทิดคำศรี เพิ่นจักเป็น มหาปราชญ์ ด้านผญา ตั๊ว ผมได้แต่พยายามย่างนำก้น ต้อย ๆ แหม๋
อันแนวผมเขียน จักแม่นเผิ่นพากันเอิ้นว่า ผญาบ่ ผมกะบ่ฮู้เด้อ ผมกะเขี่ยไปจั่งซั้นหล่ะครับ

[สาวบ้านนา]

ม่วนอยูดั่ว ข้อยมั่กอยู เฒ่าสาวแก้มแดงกะคือสิพอใจหลายแล่ว ท่านปาร์มรามะจารย์

[บ่าวโจ่โล่]

อย่าสุมาหาเว้าไส่หลาย แม่ป้ากะดายเนาะ

[ศรีสะท้าน]

เรื่องสอนนี่ ผมว่าต้องปรึกษาทางพุ้นเด้อ อ้ายทิดคำศรี เพิ่นจักเป็น มหาปราชญ์ ด้านผญา ตั๊ว ผมได้แต่พยายามย่างนำก้น ต้อย ๆ แหม๋
อันแนวผมเขียน จักแม่นเผิ่นพากันเอิ้นว่า ผญาบ่ ผมกะบ่ฮู้เด้อ ผมกะเขี่ยไปจั่งซั้นหล่ะครับ

....โอ๊ยยย อย่าเว้าคักหลาย เจ้ากะดาย ข่อยกะบ่อปานนั้นดอก พองมๆซาวๆ ไปซั้นหล่ะ อาว ที่เจ้าว่ามากะจัดอยู่ในกลอนผญานั้นหล่ะ ปกติผญากะสิว่าเป็นกลอนโต้ตอบ ระหว่างญิง/ซาย กลอนคติธรรม อุปมา อุปไมย สั้นๆ บ่อเกินสามสี่บทนี้หล่ะ คันยาวกะบ่อผิดดอก แต่ที่นิยมว่าสั้นๆ เพราะว่า คร้านเว้า..ฮ่าๆๆๆๆ มันสิแก้กลอนผู้อื่นบ่อทันซื่อๆดอกครับ กลอนหมู่นี้ คันหมู่เจ้า เอาไปลำ กะกลายเป็นกลอนลำได้คือกัน ว่าแต่จับสังวาท ทำนอง ใส่ถืก ประมาณนี้หล่ะครับผม

[บ่าวโจ่โล่]

เห็นบ่หล่ะ พี่น้อง กะคือปราชญ์ เพิ่นว่านั้นหล่ะ คักบ่ จั่งซี้แม้หล่ะ คนมีภูมิเพิ่นเว้าให้ฟัง
กะมาขอหัดนำเพิ่นโลด แม่นบ่ครับลุงทิด ไผอยากเว้า ผญาเก่ง ๆ เพิ่นกะสิเปิดสำนักสอนอยู่ตั๊วเนาะ
เอ็นดูน้อง ๆ แน่เด้อ ลุงทิดเด้อ..........ฟังคำผู้เฒ่าแน่ หมู่เจ้ากะดาย

[พอกะเทิน]

ไผสิเปิดสำนักสอนหละครับ ให้สมัครเป็นลูกศิษย์รุ่นบุกเบิกนำแนเด้อ  ขอคนแรกดอกหวา  อยากเว่าผญาเป็น  ฮาๆๆๆๆๆๆๆๆๆ  (แต่เบิงซงอาจารย์คือสิปวดหัว-ลูกศิษย์มันปึกพอปานเสาสะพานอะโลด)

[ทองคำ]

คันเปิดหลักสูตรสอนอีหลี ให้ข้าน้อย สมัครเป็นศิษย์ นำจักหน่อแหน่เด้อข้าน้อย
ผมผู้ความฮู้หน่อย สิค่อยพร่ำร่ำเรียน เด้อครับ
อีหลีเด้หนิ อยากแต่งเก่งส่ำ อาจารย์ เลาหนา

[ศรีสะท้าน]

ผญาแต้ม เติมตื่มกลบท กำหนดคำค่องจองควรฮู้
ฟังดูด้วยเสียงโทและเอก ลงถืกต้องทำนองแท้วาทวาง
กางผังขึ้นเขียนตามสาก่อน ไหลม่อนแม้งเห็นแจ้งจังเอา