กำลังแสดงผล 1 ถึง 4 จากทั้งหมด 4

หัวข้อ: อยากฟังคำว่า..คิดฮอด..

  1. #1

    อยากฟังคำว่า..คิดฮอด..

    หากเปรียบเธอคือนางฟ้า อ้ายซ่างมาคือดินต่ำ
    ใจถลำลึกรักน้อง จนเหมิดห้องป่องมะโน
    เจ้าผู้โสภาเพี้ยง ภาพเพียงพระอินทร์แต่ง
    ไกลกันแฮงแท้น้อหล่า เจ้านางฟ้าผู้ค่าสูง
    อ้ายมาหมายมาดมุ่ง ไฝ่สูงอยากปีนป่าย
    คนทั้งหลายเพิ่นติงต้าง ว่าทางอ้ายบ่คู่ควร
    รักมารวนป่วนใจสู้ แค่มองดูฮู้ว่าห่าง
    ขอแค่นางให้สิทธิ์อ้าย ใจสิด้นดั้นด่าวถึง
    สักมื้อหนึ่งคงถึงฟ้า บนนภาฟ้าหย่อนๆ
    คนเคียงหมอนอัปสรน้อง จองเป็นอ้ายได้บ่นาง
    หนทางไกลอ้ายบ่ท้อ ดีบ่พอขอสร้างก่อน
    อย่าฟ้าวถอนต้นฮักอ้าย ผ่านหลายมื้อสิป่งเขียว
    คนใจเดียวเกลียวฮักหมั่น สัญญาใจบ่ไลห่าง
    ทุกเส้นทางมีแต่เจ้า อยากได้ยินคำเว้า...ว่า...คิดถึง...เด้น้อ...


    :l-:l-:l-


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    มักหลายคักผญาบทนี้

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    อยากฟังคำว่าคิดฮอด เก็บไ้ว้กอดออ้มใจให้สุขสันต์ ....เอาซ่ำนี่กอ่นเน๊าะครับแต่งไปหลายกว่านี่ไปบ่ได้ครับ

  4. #4
    อ้ายเอ้ย ส่างเปรียบเปรยน้อไปได้ ต่างกันหลายฟ้าดินต่ำ
    อ้ายก้อนคำ "เจ้ากะคนขอยกะคน"อลวลเดินดิน กินข้าวก้อนด้ามดั่งกัน
    อย่าแบ่งปันชนชั้น ทำมันให้แตกต่าง
    หมดสมัยสิเอ้ยอ้าง ต่างชนชั้นศักดินา
    เฮาเกิดมามีแขนขา คือกันมาแต่เค้า
    สมองเฮา สองแขนขา รวมกันสิสร้างต่อ
    ขอบคุณพ่อแม่ เพิ่นสร้างพวกเฮาไว้ มีมื่อนี้ได้พ้อกัน
    ถืกสวรรค์สรรสร้าง ให้หนทางมาพ้อเพิ่น
    สร้างความรักพอกระเทิน นั่งยืนเดินยังได้พ้อ มโณน้อย้อนคิดถึง
    อย่าทำขึงเอ่ยจาต้าน หักหาญใจหลายคุณพี่
    ทิ่มโอกาสที่เจ้ามี ซาติหน้าตี้สิได้พ้อ สุดแต่พ่อสิเฮ็ดเอา อ้ายเอย



    มาแจมนำจ้า หม่วนม่วนแต่เศร้าๆๆเนาะเพิ่นช่วงนี้จ้า
    แก้ไขครั้งสุดท้ายโดย ข้าวต้มมัด; 08-07-2011 at 03:16.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •