กำลังแสดงผล 1 ถึง 2 จากทั้งหมด 2

หัวข้อ: "เฟื่องฟ้า" มาถามข่าวค่ะ

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    "เฟื่องฟ้า" มาถามข่าวค่ะ

    บุพผางามนามเฟื่องฟ้า ยั้วระย้าหง่าก้านก่อง
    สีหน้ามอง เหลืองแสดส้ม ชมพูนั้นหากแมนงาม
    พั่วพวงงามซ่อซ่น ซ้อนกันก้านกิ่ง
    ได้ลำลิงแลจ้อง มองบ่ค้านบานฤทัย
    เริ่มจากใหญ่ไปหาน้อย พวงฮ้อยกันออกเป็นพุ่ม
    โอน้อ โตอุ่มทุ่มสมรน้อง ออนซอนเด้ดอกหง่างาม
    ดั่งนางหนึ่งนาม"เฟื่องฟ้า" น้อย ยังคงคอยสิกลับต่าว
    เข้ามาถามข่าวบ่าวบ้านมหา หม่องเพิ่นพาเฮาฮักกัน
    ความสัมพันธ์ฝากหัวใจ ได้ถามข่าวไปมื่อหนึ่งๆๆ
    บอกว่าคิดถึ๊ง คิดถึง ถึงกันทุกวันมื่อ
    เดี๋ยวนี้คือเป็นเศร้าๆๆ เป็นเหงาๆๆรอคนส่ง
    กำลังใจจากท่ง ส่งมาถึงคนยุเมืองนอก ผ่านห้องแซทบ้านมหา
    ขอถามข่าว พ่อลุงแม่ป้า อาวอาน้องพี่
    ที่นั่งเว้ากันแต่ก่อนกี้ หมู่เจ้าส่ำบายดีหรือจั่งได๋
    คิดฮอดหลายเด้อพี่น้อง ยังคงคองคอยมื่อใหม่
    รอความหวังมื่อสิได้ พานพ้อแซทนำกันอีก นั้นแหล่ว
    แก้ไขครั้งสุดท้ายโดย ข้าวต้มมัด; 08-07-2011 at 03:50.

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    แม่นจ้าเงียบเหงา เงียบหายไปหลายเดือน คิดถึงเพื่อนๆ พี่ๆ น้องๆ ที่เคยเว่าจากันเนาะจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •