กำลังแสดงผล 1 ถึง 9 จากทั้งหมด 9

หัวข้อ: ................. ใจท้อเพราะรออ้าย ......................

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    ................. ใจท้อเพราะรออ้าย ......................


    ความห่างเหินเผชิญหน้า...........ย่อนความเหงานำสบตา...........น้องคอยถ้าทุกบาดย่าง
    การรอคอยพลอยเหินห่าง..........ระยะทางเป็นเครื่องกั้น.............สิหันผ้อกันเมื่อได๋
    จักอยู่ไสน้อโตอ้าย....................ให้พี่ชายบอกน้องแน่................บอกว่าแคร์แต่โตน้อง สิจับต้องได้จั่งได๋
    หนทางไกลน้องไหวหวั่น............ย้านอ้ายผันใจเป็นอื่น...............ทุกมื้อนี้กล้ำกลืน แม้ใจยืนอยู่ข้างอ้าย น้องย่านพ่าย อ้ายห่างตา
    มื้อได๋นั่งมองฟ้า.......................อยากฮู้ตาอ้ายจ้องบ่..................เคยพ้อกันซ้ำบ่น้อ มื้อนางรอสบตาอ้าย อยู่ปลายฟ้าเบิ่งพระจันทร์
    จักคำลวงหรือจริงนั้น................ที่อ้ายสรรมาเว้าต่อ...................ฮู้คำเดียวว่าให้รอ จักพอศอได๋หล่ะอ้าย สิกายหน้ามาฮ่วมเฮียง
    คือตะเกียงดวงน้อย น้อย...........น้ำมันออ่ยมันสิหมด.................ไส้ตะเกียงกะค่อยลด ระยะยาวลงเรื่อย
    คนเอิ้นน้อง จนเป็นเอื้อย............ย้านไปเรื่อย อยู่เด้อพี่.................ถ้าให้รออีกจักปี ย่านบวชชีหนีช้ำ เพราะคำเว้าว่าให้ "รอ"

    ................. ใจท้อเพราะรออ้าย ...................... ................. ใจท้อเพราะรออ้าย ...................... ................. ใจท้อเพราะรออ้าย ......................

  2. #2

    Re: ................. ใจท้อเพราะรออ้าย ......................

    รอถ่าแบบนี่สิได้เป้นแม่เป้งหัวหน้าผู้สาวเด้

    [wma=380,70]http://001.uploadblaster.com/file_hosting/8d1d8ffd9a3047e2a4531bdc5037f0f7.wma[/wma]

    ลำล่องคอยอ้ายจนแก่ --------- หน่อย แก่นจันทร์
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: ................. ใจท้อเพราะรออ้าย ......................

    ....ดึกมาพอเดือนคล้อยยืนใจลอยคิดฮอดเพิ่น ตกกระเทินว่าแม่นบ้ามายืนถ่ายุผุเดียว
    เหลียวเมิงทางก้ำอ้ายสิมีใจให้แน่บ่ มีบ่น้อยอดชู้ อยากให้ฮู้ว่าคิดถึง ....(จังเลย)
    ....ฝากส่งไปทางผุลังคนคือเก่าเด้ออ้าย คิดฮอดหลาย...ขอบอกแน
    อยากดุแล ชิดใกล้ ให้ใจน้องได้ส่วงเส่า คิดฮอดคำเคยเว่า คำหวานเคยออดอ่อย
    คิดฮอดคำอิงอ้อย ที่คอยเว่าว่าฮักนาง(ไก่) สั่นดอกหว่า...........บึ่ยยยยยย Re: ................. ใจท้อเพราะรออ้าย ......................

    (น้องแพรแต่งพญา ได้ม่วนหลายสุดยอดแล้วคะ 8) )
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: ................. ใจท้อเพราะรออ้าย ......................

    ....โอนอ ฟังวาจาความเว้ามาซงเหงากะใจพี่ เด้หนอ แม่นเว้าเหล่นหรืออีหลี หรือแม่นเพียงคึดพ้อพอได้เว้าว่าหยั่งใจ
    .......... เถิงอยู่ไกลกะยังหวนเห็นโอ้ โอนอคึดฮอดเก่า บ่อเคยเซาละถิ่มความเว้าอันเก่าหลัง
    ..................บางสิ่งผิดพลาดพลั้ง หากมีแหน่ธรรมดา คำเอ้ย แนวปัญหาหลายแนว มันตีบตันทางแก้
    .........................บ่อหาญแวปรึกษาได้ ความในใจบ่อหาญบอก อันความหยอกเยาะเว้า คันนางเศร่าจงอภัย
    ...............................ความคิดถึงที่มีให่ หัวใจยังเต็มเปี่ยม นางเอ๋ย บ่อได้เทียวแวะเยี่ยมย้อนงานฮ้อน เพิ่นสั่งการ
    .......................................ไกลสถานเฮือนห่อง หัวใจหมองคิดเถิงเก่า คึดฮอดหลาย นำผู้เคยปากเว้า มะโนเศร่าห่วงหา....นั้นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ................. ใจท้อเพราะรออ้าย ......................


    มาคักแท้ความเว้า........ลูกศิษย์เฮาเป็นตาหน่าย...........บ่ผ้อกันโดนหลาย...ซ่างคมคายแท้ๆ สิยอมแพ้คักอิหลี
    แม่นเป็นปีแล้วตั๊วหล่า....มาขอเรียนเว้าผญา.............อ้ายคิดว่าสิบ่เก่ง.......ฮอดบาดนี้มาเว้าเสง มะคือเก่งกะด้อ ขอชมน้องไว้แน่เด้อ
    เป็นได๋เธอเจอผู้เฒ่า........เห็นความเว้าแล้วคักบ่......เอิ้นยาครูพุ้นตั๊วน้อ......อันความเว้าอ้ายทิดศรี
    อ้ายกะดีใจด้วย.............ที่คนสวยเว้าเก่ง...........มาแข่งเสงกันหล้า........ผญาสิได้ฮุ่งเฮือง

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  6. #6
    NONGNAN
    Guest

    Re: ................. ใจท้อเพราะรออ้าย ......................

    เห็นน้องแพรมาวอนเว้าผญาเก่งเอาหลาย
    สาธุชนหญิงชาย หลายคนมาได้เรียนรู้
    น้องสาวหล่าคนผู้ฮู้ ขอกระจายเสียงมาเสริมส่อง
    คันหม่องได๋บ่ ถูกต้อง กะเติมแต้มตึ่มแนเด้อ
    บัดลังเทื่อตกสะเพ้อ ยามกลั่นน้อวาจา
    จ่ายผญาเป็นคำกลอนมาวอนแฟน ในวันนี้
    เสียงเสียงดี น้องสาวหล่า มาแล้วเด้อพวกคุณพี่
    คิดฮอดหลาย ดี้ ดี้ จั่งได้ฟ้าวอ่วยมา

  7. #7
    NONGNAN
    Guest

    Re: ................. ใจท้อเพราะรออ้าย ......................

    สวัสดีพี่น้อง.........................มวลมิตรชาวอุบล
    ไปไสเบิดน้อคน....................อยู่แจได๋กันน้อเจ้า
    เมืองอุบลยังบ่ทันเศร้า.................ผญาเฮายังแจ้งแจ่ม
    มามาแนมมามาเว้า..................ประสาบ้านถิ่นเดียว
    อยู่ทางไกลให้เลี้ยว................เทียวแหว่เข้ามายาม
    มาไต่ถามควมเถิง..................สาวอุบลแหน่เด้เจ้า
    ไกลบ้านเฮาอย่าไกลฮ่าง.........อยู่คนทางกะตามส่าง
    ใจคนอย่าให้ฮ่าง....................ควมเว้าให้ดั่งเดิม
    เพิ่นยังหว่า...ไกลกะให้ไกลแต่บ้าน....ฮั่วไฮ่นาสวน
    ไกลกะให้ไกลแต่เฮือน................หมู่เฮือนกับเล้า
    ส่วนว่าวาจาเว้า...........................ทางซุมเฮาอย่าให้ห่าง
    ถึงสิอยู่ต่างบ้าน.........................ควมเว้าบ่ต่าง กันเด้อ

  8. #8
    ืืืืืืืืืืืnnnn
    Guest

    Re: ................. ใจท้อเพราะรออ้าย ......................

    ป้าด..น้องแพร...คือสางมาเส้แท้าล่ะนาง...แต่งได้กินใจอีหลี

  9. #9
    manu7
    Guest

    Re: ................. ใจท้อเพราะรออ้าย ......................

    ใจท้อเพราะรอใครน้อ มาเบิ่งบ่าวบ้านนอกน้องเจ้าใจท้อแล้วเด้บาดนี่ ไผ่เฮ็ดน้อบ๊าดนี่

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •