ฮักสาวบ้านไกล

[วัฒนชัย หาริโร]

น้องสาวเอย...นักรบไทยคนคืออ้าย หอบหัวใจมาไกลถิ่น

ใจถวิลมาปัดป้อง คอยปกป้องถิ่นสถาน

จากเฮือนชานมาไกลบ้าน ด้วยการงานและหน้าที่

หวังสิมีผุเกี่ยวก้อย คอยยิ้มให้มื้ออ่อนแฮง

หล่าคำแพงคนงามอ้าย ขอหยังหลายพอได้บ่

บอกให้รออย่าสิม่าง ถิ่มทางสร้างที่ฮ่วมฝัน

จำคืนวันที่หนาวจ้น เจ้าเป็นคนเอาผ้าห่ม

ป้องกันลมมาให้อ้าย ยังจำได้อ้ายบ่ลืม

ในใจยังแสนปลื้ม บ่เคยลืมใจเต็มที่

ตุ๊กตาหมีแต่มื้อนั้น คำจามั่นนั้นบ่จาง

ขอแค่นางอย่าฮักฮ่าง เส้นทางย่างยังคงเดิม

คอยต่อเติมเสริมทางฝัน กันและกันแหน่เด้อเจ้า

บางมื้อเหงาอดทนบาง อาจสิหางแค่เพียงกาย

แต่ในใจอ้ายังแคร์ แต่ผุเดี่ยวนั้นคือเจ้า....หละเด้อน้องสาวเอย

ฝากไปเป็นกำลังใจให้ผุสาวผุบ่าวทางลำน้ำโขงพุ่นเด้อครับ สุ้ๆๆๆๆๆ:l-:l-

[แม่ญิงหนองคาย]

:l-สิลัดเอายูแถวๆบึงกาฬเด้อวัฒน์

[ไอ้เก่ง คนเลย]

ขอส่งแรง ใจไปให้ ทหาญไทย ผู้ไกลถิ่น

ยังถวิน อยู่สุมื้อ เอาใจช่วย อยู่สุคืน

ขอให้หน้า ที่ราบรื่น จับปืน ก้องกาจ

ป้องกัน ชาติคือเจ้า ทางบ้านสิส่งใจ

ขอให้ภัยไกลเว้น เทวดาเห็น คุ้มครองอยู่

ให้ยืนหยัด ต่อสู้ ทางพี้สิส่งใจ...........ซ่อยดอกเด้อ........ทหารผู้หาญกล้าเอยยยยย

:l- :l- :l-

[chudhancock]

มวนหลายจ้าหลานวัฒจ๋า คั่นเป็นเพลงใส่ดนตรีเข้าแล้ว ร้องเบิงคือสิม่วนแฮงเนาะจ้า เก่งๆๆ

[ติ๊กต็อค]

ฮาาาาาาาาาา นางวัฒน์ อั่น ไทลำน้ำโขง มาอ่าน สิบ่วี ซ่อดอกไม้ มาให่ซะติ
ต่อ นำแหน่ซั่น พอได้แจมๆหมู่ :l-

---โขงเขตนี้ เป็นป่าหวายลึม
มันเป็นทึม หวายหนาป่าดงแสนชั้น
ภูผาขั่น ต้นทางบัดสิย่าง
เหลียวหาบ่อนหลีกเว้น เห็นแล้วบ่อนเดิน
เยิ้นยากแท้ แต่เข้าป่า หาชม
เด็ดมาดม ดอกดวน บานแย้ม
แนมเบิ่งแล้ว (เป็น)แนวแมลงชมกลิ่น--(บ่หือ)

ปล. มอบให้ตำหานเรือ..น้ำโขง กับ ผุสาวเทศบาล

อะหยอกเล่นเด้อน้องหล่า