...เฮ็ดบุญหยังน้อน้องหล่า ผลาอ้ายจั่งเถิงนาง
สร้างบุญหยังน้อฮ่วม จั่งสิสมคำฐิษฐานไว้
ใจประสงค์นางน้อง แต่เจ้าของบ่สมเผิ่น
ส่ำได้เดินเฮียงเจ้า ได้เป็นบุญอ้ายแล้วนาง
หวังอ้ายหวังอยากได้เจ้า เข้ามาฮ่วมเส้นทางฝัน
เติมคืนวันที่เงียบเหงา ซ่อยบรรเทามื่อได๋ท้อ
อยากเด้น้ออยากบอกไว้ ว่าในใจคึดได๋แน
หลอยแนมแนแต่ร้อยยิ้ม อิ่มใจอ้ายแล้วล่ะนาง
เส้นทางแฟนของเฮานั่น มันไกลกันเกินสิต่อ
ขอแค่สิทธิ์ได้หลอยปลื้ม พอลืมท้อบาดเหมื่อยมา น้องหล่าเอย....
บ่ได้มักบ่ได้ฮัก ได้ปลื้มกะยังดี
ขอเพียงเท่านี้ อ้ายคนดีสิว่าได๋.....
:l-:l-
บอร์ดผญาได่เซียนผญาหน้าใหม่มาอีกคนแล้วค่ะ..ม่วนๆดีจ้า มาให้กำลังใจค่ะ..
มองต่าง..อย่างปลง
อุ่มทุ่มก้อน ออนซอนคำอ้ายบ่าว
ได้เห็นแต่เฮือนท้าว พอปานเข้านั่งเฮียง(เหอๆๆ) พุ้นแหล่ว
ฟังสำเนียงเสียงจาต้าน มาแสนหวานซ่านซวนซื่น
ปานน้ำซื้นจากฟากฟ้า ตกมาให้ซุ่มเย็น พุ้นแหล่ว
มาแจมนำจ้าอ้ายผญ๋าม่วนเนาะ
ขอบคุณสำหรับกำลังใจเด้อคับพี่น้อง
อ้ายเอ้ย เฮ็ดบุญหยังกะดีได้ อฐิษฐานเอาในใจ บุญคงได้มาฮองฮ่วม
สายแนนกวมสวมสอดแล้ว บอมีแป้วแต่บ่อนได สระสมบุญเสบียงไว้
ค่อยเฮ็ดไปพอได้เพิ่ง คั่งบุญเกิ่งเถิงมื่อนี่ คงสิได้ฮ่วมนอนอ้ายเอ้ยยยย
มาแบบมั่วๆ อิอิอิ ขอแจมนำแนจ้า สมบอสมแล้วแต่ สิเห็นสมควร
กฎการส่งข้อความ
อ้างข้อความนี้
Bookmarks