กำลังแสดงผล 1 ถึง 3 จากทั้งหมด 3

หัวข้อ: เข้าพรรษาสัญญาฮ้าง

  1. #1
    ศึกษาหาความรู้ สัญลักษณ์ของ หนุ่มน้ำโขง1
    วันที่สมัคร
    Apr 2010
    กระทู้
    48

    เข้าพรรษาสัญญาฮ้าง

    ...สายฝนพรำฮำใบหญ้า ป่านน้ำตาอ้ายไหลหย่าว
    คึดฮอดสาวผุเคยเว้า พรรษาเข้าสิอ่วยคืน
    ยืนคองทาง นางน้อง คองแล้วคองบ่เห็นไหง่
    สัญญาใจอ้ายมาฮ้าง นางลืมซ่ำ บ่ใส่ใจ
    หรือมีไผรั้งใจเจ้า จนลืมวันเข้าพรรษา
    ลืมสัญญาที่รอคอย ปล่อยสัญญาให้มายม้าง
    ตกล้างใจแนถ่อนฝน ล้างเอาคนหัวใจเน่า
    คนทีเขาเซาคึดพ้อ ว่ารอถ่า น้องต่าวคืน
    ยืนตากฝนล้างความช้ำ ถืกเขาทำจำจื่อแน
    เขาบ่แคร์คือเก่ากี้ ลาทีแล้วสัญญาลวง...
    (บ่สมบูรณ์คับพี่น้อง)

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    พิรุณหยาดหยดย้อย ฮำตองกลอยย้อยตองข่า
    เข้าพรรษาพวมเริ่มต้น ฝนฟ้าสิเร่งริน
    ผืนแผ่นดินที่เคยแห้ง แตกระแหงผัดคืนซุ่ม
    ตามสุมทุมแมกไม้ ผลิใบปิ้นป่งเขียว
    แต่สิ่งเดียวที่เหือดแห้ง ทอนเรี่ยวแรงให้ล้าหล่อย
    คือสัญญาจางห่างจ้อย ถอยซ้นหม่นหาย
    ย่อนมีชายอื่นมาเข้า เนาว์หัวใจเจ้าแทนพี่
    เธอคนดีเลยฟืดอ้าย ผลักใจให้คลุกขี้ตม
    ส่างบ่สมกับฮักอ้าย ที่ถวายมอบใจภักดิ์
    พอมีผู้อุปัฎฐากแล้ว นางแก้วผัดหน่ายซัง
    คำสัญญาเลยมาฮ้าง เพราะใจนางไปเป็นอื่น
    ความขมขื่นทิ่มให้อ้าย ชายพี่ได้นั่งเหงา
    ขอเก็บเอาความช้ำ มานำแนบสังฆทาน
    อธิษฐานขอห่างไกล คนหลายใจแต่บัดนี้....



    ขอมาแจมนำเด้อ ขอรับท่าน..เห็นผญาม่วนแมะ อดบ่ได้ ฮ่าๆๆๆๆ หย่าวครับหย่าว..
    แก้ไขครั้งสุดท้ายโดย พลายแก้ว; 16-07-2011 at 17:37. เหตุผล: แก้คำผิดครับ

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    เข้าพรรษาหน้าฝนทื่น บนผืนป่าเขียวขจี ท่านฤษีจำพรรษา ในป่าหนาเขาตั้ง
    สุททินัง มะหังม้ม โอมนะโมพุธายะ สวดคาถาอยู่สุมื่อ จำในถ้ำอยู่สุเว็น
    มีแต่แนวต้องละเว้น แลเห็นเหตุทางไกล พวกอบายของมึนเมา
    บอเคยเอาเข้ามาไกล้ ถือศิลใไปใจต่อตั้ง หาหนทางได้วางปล่อย
    พวกสัตย์ใหญ่และสัตย์น้อย ถอยมานั่งวิปัสนา จำพรรษาถือศิล
    คือเดี๋ยวดังด้าม นั่นแหล่ว

    มาขอแจมมวนๆนำหลาน หนุ่มน้ำโขงจ้า เห็นหลานเว้ามวนสำนานดี อดใจบออยู่ อิอิอิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •