กำลังแสดงผล 1 ถึง 2 จากทั้งหมด 2

หัวข้อ: เห็นพี่ข้าวต้มมัดเผิ่นเว้าเถิงดาวกะเลยมาเว่านำเผิ่นคับ

  1. #1

    เห็นพี่ข้าวต้มมัดเผิ่นเว้าเถิงดาวกะเลยมาเว่านำเผิ่นคับ

    ...นั่งแนมเดือนอยู่เทิงฟ้า คึดเถิงคราฮักก่อนเก่า
    ผุสาวอ้ายนั่งถามชี้ ดาวดวงนี้ เอิ้นดาวหยัง
    อ้ายตอบพลางหันไปพ้อม ดาวขอหอมแก้มอ่อน อ่อน
    บ่ทันดน น้องกะค้อน ว่าอ้ายนิขี้โกงหลาย(เผิ่นอายที่ถืกหอมแก้มว้า)
    กลายเวลาฮอดมื่อนี้ ดาวยังมีอยู่คือเก่า
    ขาดแต่สาวผุเคียงอ้าย ป่านนี้เจ้าอยู่ไส
    ถามเถิงใจผุสาวอ้าย คนที่ใจคนึงหา
    ตอนเวลาที่ใจเหงา คนบรรเทาเป็นไผน้อง
    คองอ้ายคองถ่า(รอ)คนเค้า มาซ่อยนับดาวคือเก่าก่อน
    คึดยามได๋ ใจสะท้อน ตอนหอมแก้มมื่อผ่านมา แท้น้อน้องเอย...


  2. #2

    แม่นดาวหยั่งเจ้าว่า อิอิ

    มองเบิ่งดางบนฟ้า ดวงดาราคือจันทร์ฉาย
    เคยเคียงกายได้นับดาว กับท้าวหนึ่งผุลาร้าง
    ลมเย็นพรางกะทบแก้ม อ้ายบอกแนมเบิ่งดาว แล้วท้าวแอบหอมแก้มอุ่น
    ดาวหยังคุณอ้ายเคยเว้า ดาวเพ็กเค้าตั๊วะอ้ายชาย
    ขี้โกงหลายแอบหอมแก้ม แนมเบิ่งไปเห็นดาวลูกไก่
    เป็นกลุ่มใหญ่ยุเทิงฟ้า อ้ายกับหล่าเบิ่งนำกัน
    อยากหวลวันคืนก่อนกี้ น้องกับพี่ได้พ้อกัน
    เฮาฝากความสัมพันธ์ ทุกคืนวันแสนหวานชื่น
    หลับหรือตื่นยังเห็นหน้า ในอุราเป็นบ้าป่วง
    ดวงเอ้ยดวงดอกท้อ ยังรออ้ายผู้เก่าเดิม นั้นแหล่ว


    แต่งได้ม่วนทุกบทค่ะ หนุ่มน้ำโขง1 ซวดๆๆ หย่าวต่อจ้า
    แก้ไขครั้งสุดท้ายโดย พล พระยาแล; 17-07-2011 at 16:37. เหตุผล: แก้คำผิด

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •