บุญผลาสิสมเจ้า ผู้เลาคีงแก้มแป่นแว่น
วงอ้อมแขนกางก่ายไว้ บุญสิได้เกยแก้มนาง บ่น้อ..
คนที่รอคลอเคลียข้าง ตางหมอนแนบเขนยหนุน
คนลงทุนทนหนัก ให้นั่งตักยามรถแหน่น
คนจูงแขนพาแล่นข้าม ยามไฟแดงหม่องสี่แยก
คนยอมแลกทุกอย่างได้ ถวายน้อมหม่อมพะนาง
ย่านแต่บุญบ่สมสร้าง แสนสะแดดิ้นดั่น
แนวว่าแขนศอกสั้น บายฟ้าบ่ห่อนเถิง
คันแม่นบุญเลิงพ้อ สิขอขอดพะไมติ์มิตร
สลักจิดสนิทนำ ฮ่ำคนิงนำน้อง
ด้วยใจปองสนนน้อม จอมใจนวนารถ
เป็นข้าบาทซ่วงใช้ สนองซ้วนต่างตีน...
อ้ายเอ้ย บุญผลาชตาต้อง สองคนเฮาคงได้ฮ่วม
อ้อมแขนขวมสวมซ้น บอดนแท้แด่อย่างได
ผลามีขอแค่อ้าย แมนจริงใจต้องสอบผ่าน
ได้แต่งงานพุ้นหล่ะเจ้า ขอเพียงเว้านั่นอีหลี อ้ายเอ้ย
มาแจมนำหลานพลายแก้วจ้า ผญาหลานม่วนสุอย่างเลยจ้า เก่งมากๆเลย
อยากมีเด้คนคอยเว่า คอยปลอบใจมื่อล้าหล่อย
คนที่คอยเป็นห่วงเค้า คอยมาเฝ้ามื่อทุกข์ทน
มีบ่น้อจักคนนั่น มาเติมฝันให้ใจซุ่ม
เอาหัวใจคอยมาตุ้ม คอยมาหุ้มมื่อใจหนาว
สาวคนได๋ใจยังว่าง โปรดแนมมา ทางอ้ายแน
แหว่มาทางอ้ายบ้าง หว่างใจอ้ายถ่าสักคน ยุเด้อ (คึดบ่อออกหล่ายอ้ายเอ้ย) มาคอยติดตามผลงานอ้ายคับ
สักคนน้อรอท่า อ้ายมาต้านผญ๋าคือก่อนเก่า
ไปไสน้อคนเคยเว้า หรือไปเจ้าผู้ใหม่แทน
ยังเป็นแฟนกันเหนียวแน่น ติดตามแกนผญ๋าหย่อย
อ่านแล้วเรียกน้ำย่อย จั่งแม่นข่อยดีใจหลาย
หรือว่าชายบ่สบาย เป็นจั่งได๋น้อคุณพี่
เป็นได๋น้อทุกมื่อนี้ มีเมียละตี้จั่งลืมนาง อ้ายเอย
เหอๆ มาแจมนำจ้าเพื่อน เงียบแทะ
กฎการส่งข้อความ
อ้างข้อความนี้
Bookmarks