กำลังแสดงผล 1 ถึง 10 จากทั้งหมด 10

หัวข้อ: ฝนตกริน ถวินน้อง

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    ฝนตกริน ถวินน้อง

    ฝนตกรินฮ่ำย้อย เป็นขอยฟอยดอกสมั่ง
    อ้ายมานั่งโศกล้น อยู่ฮาวต้น ป่ากะเดา...........เฮ่ย
    ล่ะ แนมเมฆาตั้งเค้า ขี่ฝ่าเง่าขึ้นมากวม
    พวมกำลังสิมิดแสง แบ่งขยาย นอ....ยายก้อน
    มาออนซอนเจ้าของเด่ อกสิเพ บาดคิดฮอดแม่เนื้ออุ่น
    ขาดแม่คุณคือดั่งบ้า แนมเบิ่งฟ้า แฮ่งสะออน.........เฮอะเฮย
    หมู่เมฆาตั้งก้อน ขี่ฝ่าหย่อนลงมาหา
    ดอกมันปามันบานหอม ดอกกะยอมมันบาน..........แล้ง
    แนมเบิ่งฟ้ามันบ่อแจ้ง น้องนิแหน่งฝนมันโปรย
    โอ่ยเด่นอหัวใจเอย คิดฮอดเอ๋ย พอแฮงแล้ว
    อยู่ทางได๋เด้นอแก้ว แม่ทองแปว แก้มม่ายล่าย
    ได้ยินซาย...........นอเฮียกเอิ้น...............ให่คืนถิ่น...........ต่าวอิสาน.......สายพองาม...........เอยๆๆๆๆๆๆๆๆๆๆล่ะน่า
    ...............ทำนองฟ้าสีคามเด้อ.................



  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ฝนตกริน ถวินน้อง

    โอยยว่าแม่น ผญา หมอลำตั่วนิ...555+

  3. #3

    Re: ฝนตกริน ถวินน้อง

    อ้ายซายเอ้ย จากอีสานมานี่ ย่อนบ่อมีจังจากถิ่น
    ฝนบ่อรินดินแห้ง เมืองผัดแล้งจังลาไกล ซั่นเด้ซาย
    เขียดจานาปลาซิวน้อย ผู้คอยฝนหล่นมายาม
    สามสี่ปีบ่อมีเค้า ข้าวเบิดเหล้าบ่อมีกิน เด้น้อ
    จังจากบ้านท่งบักหว่า มาเฮ็ดงานนานดนอยู่
    คิดฮอดซู้อยู่บ้าน เคยจาต้านกลอนผญา
    เห็นขี้ฝ่าเมฆาเลื่อน เสมือนเตือนน้องบ่อค่อย
    เหมือนคำออยจ้อยจั้น ให้คืนบ้านท่งสะเดา แน่หนา
    บัดได้ต่าวเมือบ้าน ชายสิหาญแต่งนางบ่อ
    ย่านแตคือขี้ฝ่าตั้งเค้า ไห้นั่งเฝ้าแล้วแล่นหนี ฝนบ่อมีเด้ซายเอ้ย.........

  4. #4
    atirat
    Guest

    Re: ฝนตกริน ถวินน้อง

    แม่นยังน้อบาดที่นี่...อารมณ์ได๋ของเจ้าบ่าวกะเทิน...คิดฮอดผู้ยู่ทางบ้านซั่นตี้..

    หลูโตนเด้..อกซิเพแตกม่าย..ข่อยมาหลูโตนหลาย คนที่ไกลจากเหย้า มานั่งเฝ้าเบิ่งฝนริน
    หอมขี้ดินแน่บ้อ อยูเมืองไกลคือบ้านบ่อ ยามฟ้าตั้งเค้าก่อ ได้ยินเสียงฟ้าฮ้องคืออยู่พี้บ่อน้อ อ้ายบ่าวเอ้ย...

  5. #5

    Re: ฝนตกริน ถวินน้อง

    โอ้ย ตอบแทนสาวๆๆซือๆๆ บ่อมีคนมาตอบ

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ฝนตกริน ถวินน้อง


    สายฝนรินฮำย้อย ตรงปากซอยหม่องนางผ่าน
    คิดหลายเด๊..คิดฮอดบ้าน คิดฮอดนำแต่อ้าย...ผู้เพิ่นถ่าอยู่ทางหลัง
    จักแม่นบุญหือกรรมสร้าง เฮ็ดให้นางห่างกับพี่
    สายฝนพรำในคืนนี้ คือจั่งฟ้าสิสั่งลา
    ฝนเอ๊ยฝน...ฟ้าเอ๊ยฟ้า นางขอฝากความจา....ฝากความเว่าถึงเขาแหน่....
    มาคิดฮอดหลายแท้..แท้ ขอฝากฟ้าให้ส่งความ
    ฝากความคิดฮอดข้วม ข้ามเมฆาไปหาเพิ่น
    บ่ให้ขาดให้เกิน ส่งไปกับน้ำฟ้า....บอกอ้ายว่าอย่าคิดหลาย
    ให้ถ่านางแหน่เด้อชาย เก็บเงินได้สิหวนต่าว.....
    อย่าไปเล่นเด้อผู้สาว ซุมผู้บ่าวนางบ่ใกล้...ย้อนมีอ้ายอยู่ในใจ
    แม่นเพิ่นบอกว่าฮักหลาย บ่ซ่ำอ้ายบอกนางก่อน
    สิกลับไปร่วมเฮียงหมอน เป็นคู่เคียงอยู่กับอ้าย..พี่ชายนี่..แต่ผู้เดียว...เด้อชายเอ้ยยยยยย.....



    ...........แต่งไปนำก้นเพิ่นเด้อ...จักม่วนบ่ม่วนดอก..พิจารณาแหน่เด้อค่ะ........

  7. #7
    ร่วมถ่ายทอดความรู้สู่สังคม สัญลักษณ์ของ หนูป่าน
    วันที่สมัคร
    Apr 2007
    ที่อยู่
    Srisaket
    กระทู้
    366

    Re: ฝนตกริน ถวินน้อง

    ม่วนดี ให้ 1 คะแนน

  8. #8
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ฝนตกริน ถวินน้อง


    ....ม่วนกะซวดๆ ให้หลายๆ แหน่เด้อพี่น้องเอ๊ยยยย... Re: ฝนตกริน  ถวินน้อง

  9. #9

    Re: ฝนตกริน ถวินน้อง

    ซวดๆๆๆๆๆๆๆๆๆๆๆๆๆๆๆๆๆๆ ๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ 8) 8) 8) 8)

    ม่วนหลายครับ

  10. #10
    atirat
    Guest

    Re: ฝนตกริน ถวินน้อง

    ตบมือ จนมือพงเมิดแล้ว

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •