...มื่อวานแวะไปยามหมอลำคนคุยน้อย ( บ่าวเอ๋ คนตระการ...) ไปทวงของฝากทางอุบล ได้มาหลายแนวทั้งแนวกินได้ทันที ทั้งแนวอื่นๆทีต้องเอามาเฮ็ดกะมี..
....หมูยออุบล บักแตง บักโม หอม กระเทียม และแนวแปลกบ่เคยกินเคยผ้อคือ..เค็มบักนัด...เพิ่นซื้อมาฝาก 1 ขวด ให้ลองชิม...
...เกิดได้ใหญ่มากะบ่เคยผ้อจักเทื่อพี่น้อง..เค็มบักนัด..นี่กะดาย ได้มาแล้วจักสิเฮ็ดกินแนวได๋..หมอลำคนคุยน้อยเพิ่นว่า พ่อใหญ่เพิ่นมักขนาด ถ้าหมักได้ที่แล้วปรุงกินเลยบ่ต้องผ่านไฟ แบบส้มปลาจ่อม..แต่ทางนี่บ่กล้ากะเลยลองหาข้อมูลในเนตเบิ่ง ไปผ้อเมนู..หลนเค็มบักนัด...เบิ่งแล้วซงบ่ยากปานได๋กะเลยสิลองเฮ็ดกินเบิ่ง..
...นี่หละหน้าตา..เค็มบักนัด..เพิ่นหมักใส่ขวดโซดา..ยามเปิดต้องระวังให้ดี
ค่อยๆเปิด กะซั่นอาจสิพุ่งใส่จะของหรือฝนัง-เพดานครัวได้..
คล้ายๆพวกน้ำอัดลม ก่อนเปิดห้ามแกว่ง-เขย่า...เปิดแล้วกะเทบ่ออก ต้องเอาหางซ้อนหรือตะเกียบเขี่ยออก..จั่งแม่นยากยังว่า..
..เครื่องปรุง..ตามนี้ครับ...ข่า/ตะไคร้/ใบมะกรูด/พริกสด/หอมแดง/กระเทียมกลีบใหญ่/หน่อไม้ต้มหั่นสี่เหลี่ยมลูกเต๋า/ไข่ไก่2 ฟอง/หมูสับ/นำตาลทราย/ผงชูรส...
ขั้นตอนการเฮ็ด..หลนเค็มบักนัด..
..เอาเค็มบักนัดใส่หม้อ (เอาน้ำออกหลายเติบเน้นต่อนจั่งบ่เค็มแฮง) ใส่ข่า ตะไคร้ ใบมะกรูด พริกสด หอมแดง นำขึ้นตั้งไฟ พอเค็มบักนัดละลาย และเดือดดีแล้ว ใส่หมูสับคนๆให้เข้ากัน แล้วกะใส่หัวกะทิหรือกะทิกล่องกะได้.. พอกะทิเดือดกะใส่ไข่ลงไปปรุงรสด้วยผงชูรสและน้ำตาลทรายนิดเดียวแค่นั้น...น้ำปลาและน้ำมะขามไม่ต้องใส่เพราะเค็มบักนัด เค็มและเปรี้ยวอยู่แล้ว
.เรียบร้อยแล้วพี่น้อง ตักใส่ถ้วย เตรียมผักกินกับ+ข้าวสวย..รสชาติแซบพอสมควรยุ..55...ขอบใจบ่าวเอ๋ คนตระการผุเอามาฝาก..เอิ้นมากินนำเพิ่นกะบ่ว่าง..มื่ออื่นว่าสิเอาไปสู่กินอยู่ปั้มฮ่างยุ..เอิ้นจ่าเหลืองมาชิมกะได้ยินแต่ว่าน็อคๆ..สงสัยเพิ่นซ้อมมวย..มื่ออื่นจ่งไว้ให้ต้อยแข่วแนเด้ออ้าย มื่อนี่ลงนวมยุพะนะ..55
Bookmarks