กำลังแสดงผล 1 ถึง 6 จากทั้งหมด 6

หัวข้อ: ทุกข์ใจหยัง...หลายบ่หล่า

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    ทุกข์ใจหยัง...หลายบ่หล่า

    น้องสาวเอย...อ้ายได้เห็นเจ้านั่งเศร้า คางเกยเข่านั่งเจ่าดิน

    น้ำตานางนั้นรินไหล อยู่ทุกวันบ่เคยเว้น

    เป็นหยังหลายบ่น้อหล่า คนไกลตาอยากถามไถ่

    เห็นน้ำตาไหลอาบแก้ม แล้วใจอ้ายแฮ่งคึดนำ

    ทุกข์ระกำหยังน้อเจ้า หรือมีเงาหัวใจหม่น

    ไผเป็นคนเฮ็ดให้เจ้า มานั่งเศร้าได้ทุกข์หลาย...แท้น้อ

    หากทุกข์หลายหรือใจท้อ อ้ายยังรอโอบซบไหล่

    รักษาแผลใจฮักฮ่าง สิค่อยสร้างต่างฮ่วมฝัน

    เซาคึดนำเขาผุนั้น ความสัมพันธ์เริ่มกันใหม่

    ขอดูแลหัวใจเจ้า บ่ป๋าถิ่มให้เปล่าดาย...ชั่นแหล่วน้องสาวเอย
    แก้ไขครั้งสุดท้ายโดย วัฒนชัย หาริโร; 25-07-2011 at 11:19.

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ทุกข์หลายอ้ายเอ๊ย ใจคึดฮอดบ่ส่างเซา
    ย่อนความเหงา ควมฮัก คิดฮอดอ้าย
    น้ำตาไหลตามสาย ใจระส่ำอยู่ปริ่มๆ
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  3. #3
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    ทุกข์ย้อคิดนำอ้าย
    คิดนำชายจนบ้าป่วง
    ใจบ่ส่วงใจหม่องเศร้า
    ย้อนคิดนำเจ้าฮุ้บ่น้อ.....

    แจมนำแหน่....ป่วง.....

  4. #4
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    กะ ย้อน ว่า คึด ฮอด พุ ลาง คนนี่ล่ะ...........อิอิ

  5. #5
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    ถึงคราวเศร้า นั่งกอดเข่ามือเขี่ยดิน
    ปล่อยน้ำตาให้ไหลริน ฮอดบ่อายดอกไทบ้าน
    ความสงสารจากปากอ้าย ทุกข์ใจหลายบ่น้องหล่า
    ใหเซาคึดนำเพิ่นสา แล้วอ่วยมาเบิ่งทางอ้าย คนใกล้ผุคึดนำ
    ชายเอ้ย..ขั่นอาสาคลำคีงใจ อย่าถามไถ่เด้อความหลัง
    ถึงความฮักสิเพพัง กะยังฝังน้อฮอยแป้ว
    ความสัมพันธ์จบลงแล้ว แต่หัวใจยังคึดต่อ
    คางเกยเข่ากอซอฮ้อง นั่งไห้อยู่ผุเดียว
    อยากมีคนส่อยเช็ดหน้า ปาดน้ำตาให้อยู่พี่
    พอให้ใจดวงนี้ได้ฟื้นตื่นจากความเหงา
    มีบ่คนอาสาเอาความเศร้าไปถิ่มปล่อย
    ให้หัวใจดวงน้อยๆ พอได้เต้นอีกจั่กเทือ ซั่นเด้ มีบ่น้อ? 5555 เข้าท่าเรือไปแล้ว
    มาเว้าต่อผญานำเด้อจ้า เป็นบ่คล้องจองกะตึ่มให้เด้อจ้า
    แก้ไขครั้งสุดท้ายโดย กะแยงนา; 26-07-2011 at 09:52.

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายซายเอ๋ย ทุกหัวใจจนกายวุ่น ฉุนเจ้าของที่ใจง่าย
    เกือบแมนตายมอดม้วย อยากอายบ้านเพินประจาน
    เซื่คำซายเพินผู้นั่น มาเว้าปั่นใส่สมอง
    น้ำตานองจังคึดเห็น ว่าคือเป็นดอกแนวนี่
    หลอกกันดีปานผีฮ้าย ปากผู้ซายที่น้องเซื่อ
    สิ่งที่เหลือคือความช้ำ ได้ตำต้องจ่องใส่ใจ
    คำเอ่ยถามจากปากอ้าย ทิ่มแทงใจน้องแท้พี่
    ใจบอดีมีแต่เศร้า หาคำเว้ากะบอมี อ้ายเอ้ยยยยยยยย


    มาม่วนนำหลานวัฒจ้า ผญาของหลานสุดยอดเลยจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •