" เจอแล้วคนที่จะมาซ่อยปิดฝาขวดเหล้า.."

[บ่าวกบินทร์]

ช่วงเวลา 3ปีที่ผ่านมาของบ่าวกบินทร์ จำบ่ได้แล้วว่าเปิดเหล้า เปิดเบียร์ไปจั๊กขวดแล้ว...
เคยโพสต์กระทู้หาคนมาซ่อยปิดฝาขวดเหล้ากะด่นเติบแล้ว มาฮอดมื้อนี้คิดว่าผมหาเจอแล้วคน ๆนั่น คนที่จะมาซ่อยปิดฝาขวดเหล้า (จั๊กสิมาปิด รึสิมาเปิดกะบ่รู้ดอก).....
ขอบคุณบ้านมหาที่เฮ็ดให้เฮา 2 คนได้มาผ้อกัน บ่แม่นแค่เธอคนนั่นรวมถึงพี่น้องทุกคนนำ
ขอบคุณสำหรับความม่วนซื่น ความอบอุ่นที่มีให้เสมอมา.....สำหรับเธอคนนั่น คิดว่าพี่น้องกะคงสิคุ้นหน้าคุ้นตากันเป็นอย่างดี สังเกตุง่ายๆ ดอกครับ...คนที่ผุฮ้ายกว่าหมู่นั่นหล่ะครับ...(เว่าหยอกซื่อๆจ้า..)...
อาจสิเป็นช่วงเวลาที่บ่ด่นป่านใด๋ที่เฮาได้รู้จัก ได้พูดคุยกัน แต่กะบ่แปลกแม่นบ่ครับที่เฮาจะฮักกัน...
คือจั่งเพลงเพิ่นว่า.... “รักไม่ต้องการเวลา” บู๋ยยยยยยยยยยยย........


พี่น้องรู้บ่ครับว่าคนๆ นั่น...คนที่ถือแฉลงมางัดประประตูหัวใจที่ถืกปิดตายมา 3ปีเต็มๆให้เปิดออกได้คนนั่นเป็นไผ๋....??

[สะใภ้อิสาน]

ดีใจด้วยนะจ้า อย่างนี้คงลาออกจากบ้านพักคนใจสลายแล้วซินะ ขอให้ไปดีนะ ต่อไปถ้าจะเปิดผาขวดเหล้าเบียร์อีกก็คงเป็นงานฉลองนะจ้า

[สาวบ้านแต้]

เอาลงซะเปียงอ้าย
รูปเครื่องดื่มแอลกอฮอล์นั่นน่ะ เวบเฮาเป็นเวบที่มีคนเบิ่งตั้งแต่อายุ 0-200 ปี อ่ะจ้า

แต่ว่าเอารูปคนที่มาทุบไหเหล่า เอามาวางหลายๆๆ อยากเบิ่งๆๆๆๆ

[ขอโทษที่คิดถึง...เด็กดื้อ]

เมื่อรักมาทักทาย ...หัวใจที่ปิดตายก็ชื่นบาน
เมื่อรักทอดสะพาน ...ก็พบทางแห่งรักเอย

ยินดีนำจ้าขอให้รักมั่นยืนยาวตลอดไปจ้า
งดเหล้าเข้าพรรษา...แต่ไม่งดรักแก้วตาของหัวใจ

[พล พระยาแล]

กรี๊ด ๆ ๆ ๆ คู่รักบ้านมหาคู่ต่อไป กรี๊ดดดดดดดดดดดดดดดดดดดดดดด

พี่ขอแสดงความยินดีกับน้องทั้งสองด้วยความจริงใจ ขอให้ความรักของน้องทั้งสองจงมั่นคงและยั่งยืน

พี่ไม่อยากให้เหมือนบางคู่ที่ออกมาประกาศแล้ว สักพักก็ออกมาบอกเลิกกัน มันเป็นเรื่องเศร้าครับ

ความรักเป็นสิ่งที่สวยงามเสมอ การที่เราได้เจอกันไม่ใช่เหตุบังเอิญครับ แต่เป็นเพราะบุพเพสันนิวาส

แต่จะคงทนถาวรแค่ไหนเพียงใดนั้น อยู่ที่น้องทั้งสองจะช่วยกันประคับประคองครับ ...

[khonsurin]

ว้าววววว ดีใจนำคุณบ่าวเด้อจ้า โอ้ย ดีใจมากเลย

ตอนนี้ทำงานดึกๆๆ จะได้อบอุ่นใจแหละน้อจ้า

สุดยอดเลยจ้า เย้.... เพื่อนเรามีแฟนแล้ว ว้าววววว

[จ่าเหลือง]

อืม ยินดี ดีใจนำ มื้อได่ป้อนไข่หน่วย อย่าลืมเอิ้นพี่ๆ น้องๆ ไท บ้านมหา เด้อ น้อง

[คนตระการ...]

ทางนี่กะดีใจนำเด้อครับ .. คืออ้ายพลว่าละ...

[เต็มใจให้เธอ]

ขอแสดงความยินดีนำครับ ความรักเป็นสิ่งสวยงามครับ
บางทีเวลากะบ่ได้ซ่อยอิหยังดอกครับ ความซื่อสัตย์ต่อกันต่างหากล่ะครับ
ที่เฮ็ดให้คนสองคนอยู่นำกันได้ ที่ผมกล้าเว้าแบบนี้กะเพราะว่า
ผมเคยบ่ซื่อสัตย์ต่อครอบครัวผมมาก่อน จนเฮ็ดให้ครอบครัวที่อยู่กันมาสิบกว่าปีต้องพังลง
เพราะความบ่ซื่อสัตย์ของผม คิดว่าสิ่งใหม่สิดีกว่า แต่พอคบๆกันไปแล้ว
กะเฮ็ดให้รู้ว่าเสียเวลาไปซื่อๆ ได้แต่เสียดายครอบครัวที่เคยอบอุ่นต้องเสียไป

เพราะฉะนั้นเฮ็ดมื้อนี้ให้ดีที่สุด เฮ็ดทุกมื้อที่อยู่นำกันกับคนที่เฮาฮักให้เป็นทุกมื้อที่มีแต่ความสุข
ดูและกันและกัน ถึงมื้อหนึ่งสิมีเหตุให้ต้องเลิกรากันไป อาจเพราะพรหมลิขิต หรืออิหยังกะตาม
กะขอให้เก็บมิตรภาพ และความรู้สึกดีๆที่เคยมีต่อกันไว้เนาะครับ

สำคัญที่สุดอีกอย่างหนึ่งกะคือ เชื่อมั่นในคนของเฮาครับ อดีตของเพิ่นลบทิ้งไปได้เลย
เพราะทุกคนมีอดีตกันทั้งนั้นครับ ปัจจุบันสำคัญที่สุด

[esannot]

ขอแสดงความดีใจนำเด๋อครับ บ่าวกบินทร์ มื้อดียามใดกะส่งข่าวพี่น้องบ้านมหาแน่
สิไปซ่อยผักลาบงัว ครับ