วาเลนไทน์ ขอเกี้ยวสาวจักหน่อย

[ทิดมี]

เกี้ยวสาวเบิ่งจักหน่อย

อ้ายหากคิดต่อน้อง....แก้วกองกรองศรี
นวลมณีวัลย์ใส อ้ายห่วงใยยากยามเยี่ยม
แต่หากอดเจียมจ้อน บ่หารจรไปจ้วงจาบ
ขอเพียงทราบข่าวข่อ กะพอแล้วพี่อุ่นใจ
ได้แต่คิดฮอดเจ้า อยากฟ่าวด่วนไปหา
แต่ว่าหนทางเทียว เพิ่นใส่หนามคาไว้
มันหากจนใจอ้าย หนทางไกลมาบ่ฮอด
บ่แมนออดปากเว้า ลมเล่นให้ปล่าวดาย
คันมีขัวกายขว่ำ อ้ายสิท่องเทียวหา
สายธารากับทางหลวง หากกว่างเกินไกลฮ้าย
คันสิพายเฮือขว่ำ กะย่านคาน้อ..เกาะแก่ง
ย่านแต่เฮือป่นปิ้น สิพาล่มเคิ่งวัง
ทะเลหลวงขวางกั้น บ่อได้หวั่นทางใจ
แมนสิไกลแสนไกล ห่วงคะนิงนำน้อง
อันความหมองความเศร้า บ่อบางเบาคิดฮอด
อยากไปกอดเอ่ยเว้า นำเจ้าอยู่สุคืน
เจ้าผู้ฟืมซาวห้า พี่ได้มาจาต่อ
ย่อนว่าความฮักน้อ อ้ายจังขอกล่าวถ้อย ออยเว่าเล่ารม
บ่อได้ตี๋แถลงหล่ม เอาคารมมาโปรยหว่าน
บ่ได้หวานหยอกเล่น พอให้เต้นใส่ขี้ตม.........

[sompoi]

มะเว่าม่วนแท้ อยากตอบเพิ่นเด้เนาะ
กลับไปหาอ่านวิธีแต่งที่อ้ายศรีเล้าสอนไว้ก่อนเด้อจ้า อิอิอิ

[suny]

ซวดๆๆๆๆให้ครับทิดมี สุดยอดเนาะอั่นเกี้ยวสาว เอามาอีกแห่เด้อครับสิไดหัดนำ

[suny]

ซวดๆๆๆ ให้ครับทิดมี ม่วนอีหลีเนาะครับเว้าผญาเกี้ยวสาว เอามาอีกแหน่เด้อครับม่วนๆ

[แมงปอบ้านนนา]

แมนละเมอเพ้อหาสาวใด๋น้ออ้ายทิดมี
สาวผู้ดีคนใด๋จ้าเฮ็ดให้อ้ายดอกคึดนำ
จั่งได้หวานล้ำสำนวนกลอนมาอ้อนใส่
เผิ่นเป็นไผ๋ละอ้ายน้องหล่าอยากฮู้จัก
บัดเทือเคยทักฮู้จักกันสิได้ทันทางสื่อ
แมนบ่คือเด้ออ้ายละเมอไปบ่ได้หยัง
เว้าสู่นางฟังกะได้เผื่อได้ส่อยสัมพันธ์
อย่าอัดอั้นไว้ผู้เดียวสิเปลี่ยวดายหัวใจถิ่มเด้อ้ายทิดมี..อิอิ
:l-:l-

[ทิดมี]

สาวผู้นั่นเพิ่นกะเป็นสาวงามขึ้นใหม่ อายุ25ได้ เป็นสาวก้ำกาฬสินธุ์.......บอกใบ้แค่นี้

[pcalibration]

เทียวมาเขียนเวียนเกี้ยว
ระวังเสียวเด้อหง่อนต่อ
แม่ย่านางเผิ่นมาพ้อ หูเจ้าสิหย่อนยาน
ให่เจ้าหวานมาต้อย มาออยให้มดไต่
ย้านแต่แมงขี่ไฮ้ มาตอมเจ้าบาดเถื่อนอน
ขนตางอนซอนแลนใส่..สมใจเด้อ..555555

[แมงปอบ้านนนา]

หั่งว่าละตั๊วอ้ายทิดมีสิหลอยลี่มาเว่าแซว
ระวังแ๋ป๋วบ่มีซ้นฮูสิอ้นทางหนีบ่มีเด้ออ้ายจ๋า
หูสิซากะปานนั้นแม่ตาหวานเจ้าเผิ่นสิมาจ่ม
หวานคารมณ์จ้อยๆผัดสิได้กินดอกก้อยฟาน
หูบ่ยานบ่หลาบหัวบ่โหน่บ่ย่านแมนบ่อ้าย
ระวังโดนทางในทำโทษสิโดดหน้าต่างหนีบ่ทันเด้อ้ายย....ทิดมี
:l-:l-:l-:l-

[ทิดมี]

ตอบ pcalibration
55555 จังได๋กะมาเบิ่งกันแนเด้อ คันมาบ่ได้สิเหมาสามล้อบั่น ไปฮับ.. คันบ่ย่านเขาวา สมรู้ร่วมคิด

[ทิดมี]

แมงปอ
อิอิ......มาซางเว่าเป็นแท้...คำนางของอ้าย (ไม่ใช่ธรรมดานะเรา)