กำลังแสดงผล 1 ถึง 5 จากทั้งหมด 5

หัวข้อ: อย่าลืม.....บ้านเกิด

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    อย่าลืม.....บ้านเกิด

    อนิจจังปลาข่อน ลืมวังบ่เป็นท่า

    มาอยู่ศิวิไลย์เมืองฟ้า ย่านลืมป่าแดนดง

    ลืมโสล่งผ้าถุง ถืกจูงไปใส่ซ่งน้อง

    ลืมฮอดคองฮีตเค้า อีสานเก่าแสนงดงาม

    ตามจารีตประเพณี เปลี่ยนวิถีในทุกด้าน

    คันอานิจสงค์บุญสร้าง ท่านมั่งมีศรีสุข

    อย่าสิไลลืมทุกข์ ก่อนหลังครั้งแต่กี้

    ให้เจาลี่กลับมาบ้าน สร้างเวียงวังใหม่

    คันแม่นตาย คนยังสิได้ย่อง อยู่สถานก่ำถิ่นเดิน นั้นแหล่ว
    แก้ไขครั้งสุดท้ายโดย ข้าวต้มมัด; 01-08-2011 at 02:47.

  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ลาจากนาไกลบ้าน หาเฮ็ดงานไปต่างถิ่น
    ลาแผ่นดินที่อยู่ยั้ง หารับจ้างดอกต่างแดน
    ลาความจนที่แล้นแค้น หาเงินแสนในแดนต่าง
    ลาความหลังที่ทุกยาก หาเลี้ยงปากให้อยู่ดี
    ลาไกลหนีไปจนได้ หาอาศัยเฮ็ดงานก่อ
    ลาแม่พ่อยังคิดฮอด หาไผกอดกะบอคือพ่อแม่เอ๋ย

    แม่มาซ่อยเว้า แต่บอเข้ากันปานได๋เนาะจ้า ลูกข้าวต้มมัดจ๋า

  3. #3
    แบ่งปันความรู้และประสบการณ์ สัญลักษณ์ของ หนุ่ม101
    วันที่สมัคร
    Dec 2009
    ที่อยู่
    ร้อยเอ็ด แต่ใน กทมพระราม2
    กระทู้
    79
    บ้านเกิด บางครั้งก็น่าลืม น่ะ เพราะจะได้ลืมอดีตที่มันฝังรากลึกให้แก่เราไว้ จำจนวันตาย
    เดินหน้าเพื่อวันข้างหน้า เพื่อสิ่งที่ดีกว่า (จากคนลืมบ้านเกิด)

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ตอบ คุณแม่ ป้าลำซิ่งจ้า


    โลกก้วงๆ บ่วงกรรมนำทุกข์ แม่เอ้ย
    แม่นอยู่ไกลบ่ไลลืม ถิ่นเดิมอีสานเค้า
    ยังคนมีผู้เค้า เฒ่าแก่ให้แลเหลี่ยว
    แม่นไปเทียวทางไกล ยุหม่องได๋ยังคิดพ้อ
    บุญนี้น้อสินำยู้ ชูขึ้นให้เจ้าฮูง
    รุ่งเรืองไปในมื่อหน้า ไผ๋อยากท้าให้เฮ็ดตาม นั้นแหล่ว



    คุณแม่ป้าลำซิ่ง แต่งบทได๋กะม่วนยุแล้วจ้า

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ตอบ หนุ่ม101 ค่ะ

    หนุ่มน้อยเมือง101เอ้ย แม่นไผ๋น้อเฮ็ดเจ้า เว้าใจดำแท้น้อพ่อ
    ให้ตรึกตรองก่อนน้อ ทุกคนน้อมีเค้า เก่าเชื้อเผ่าตระกูล
    มีบุญคุณหนุนเลี้ยง อาวอาหน้าย่ายาย
    มีคนฝายฟูมฟัก จั่งใหญ่โตขึ้นมาได้
    คั้นมีคนเฮ็ดให้ ซ้ำใจแค่คนหนึ่ง
    อย่าสุเคียงโกรธแค้น แน่นเจ้าสิเน่าใน
    ให้เจ้าป๋าวางไว้ เฮ็ดใจให้แซ่มชื่น
    วันแลคืนที่ซ่อยเจ้า ลืมความเศร้าที่ตรอมตรม นั้นแหล่ว


    อย่าสิว่าเสือกอีกหล่ะ ว่าไปสื่อๆดอกค่ะชีวิตไผ๋มันเนาะ
    [/COLOR]

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •