กำลังแสดงผล 1 ถึง 5 จากทั้งหมด 5

หัวข้อ: ..............ขออภัยทานนำแน่เด้อ เจ้ากรรมนายเวรเอ๊ย..................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ..............ขออภัยทานนำแน่เด้อ เจ้ากรรมนายเวรเอ๊ย..................


    สาธุเด้อ คันต้นไม้อาศัยดิน ปลาถวิลอาศัยน้ำ ท้องฟ้าครามมีเมฆหม่น
    ฝากนำบุญกุศล ให้ซ่อยซูซ่อยค้ำ อย่าทำให้ข้าทุกข์ใจ
    สาธุเด้อ เทพเทวาทั่วไท้ กรรมอันได๋ที่ลูกก่อ เจตตนาหรีอบ่ ท่านสิยอยกไว้ อภัยลูกได้บ่นอ
    ไปหม่องได๋กะพบพ้อ คนที่บ่มาจริงใจ จักเวรกรรมปางได๋ ไล่นำกระทำฮ้าย
    ผ้อแต่ความแพ้ผ่าย พบแต่ความปราชัย บัดไปเทียบกับผู้อื่น
    ทุกมื่อนี้ทนฝืน คาวมทุกข์บืนรุมเร้า มาโฮมเข้า อยู่บ่อนเดียว
    หลงมักไผใจกะเลี้ยว ทางคดหมดประตู ได้แต่ความอดสู คู่วิวาห์บ่มีได้
    สังฆทานถวายให้ อภัยกรรมให้ลูกแน่ รับศีลพรจงซ่อยแก้ กรรมเวรฮ้าย ให้ม่ายไป....สาธุ

    ................................... เขียนให้อ่านม่วน ๆ ไปจั่งซั้นหล่ะพี่น้องเอ๊ย...................................


  2. #2
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ..............ขออภัยทานนำแน่เด้อ เจ้ากรรมนายเวรเอ๊ย..................



    ...คันแม่นบุญเคยฮ่วมสร้าง เคยเทียวทางนำอ้ายพี่
    ชาตินี้คงได้พบพ้อ ก่อทางให้ฮ่วมนำกัน
    คันแม่นบุญมีท่อนั้น เพียงได้พบแล้วจรกลาย
    อย่าให้เศร้าเด้อพี่ชาย ให้เซาหายความทุกข์ช้ำ

    จักแม่นเวรหรือกรรม เอาความช้ำมาก้ำก่าย
    ขอพรเทพทั่วไท้ บันดาลให้อ้ายสุขสม
    ขอพนมต่อนางฟ้า เทวดาที่สูงส่ง
    ขอเพิ่นจงอวยพรให้ อ้ายชายนี้...จงมีสุขเด้อ.....


    ..................เขียนนำก้นเพิ่นคือกันเด้อบัดนี่.........................


  3. #3

    Re: ..............ขออภัยทานนำแน่เด้อ เจ้ากรรมนายเวรเอ๊ย..................

    สาธุเด้อเทพยดา เทวาโลกาใหญ่ นำปรกคุ้มอ้ายซาย กระหม่อมจอมขวัญน้อง
    เฮ้ดหยังกะซอยซู ซอยยู้นำส่ง สมดังใจประสงค์ ชนะลุล่วงทุกการงาน
    กำลังใจเข้มแข็ง กำลังกายแข็งแกร่ง

    ...........สาธุเอาเด้อครับอ้ายผม เทวดาเพิ่นเอาพรไปให้ฮอดเฮือนแล้ว............

  4. #4
    ศึกษาหาความรู้ สัญลักษณ์ของ japan
    วันที่สมัคร
    May 2007
    กระทู้
    18

    Re: ..............ขออภัยทานนำแน่เด้อ เจ้ากรรมนายเวรเอ๊ย..................

    เขายากน้อ

  5. #5
    xiangloi
    Guest

    Re: ..............ขออภัยทานนำแน่เด้อ เจ้ากรรมนายเวรเอ๊ย..................

    อันว่ากรรมเวรนี้เป็นเงานำ สุบาดหย่าง สิอยู่เหนือและใต้ ก็นำต้อนอยู่บ่วาง
    อันว่าโตของข้อยนี้ กรรมเก่า คงหลวงหลาย แสนสิทำความดี บ่ห่อนมี คนฮู้
    สาธุเด้อ อันผลาบุญสร้าง ศีลทาน ได้เพียรก่อ คือดั่งน้ำแอ่งน้อย ตักเข้า ค่อยค่อยเต็ม
    ขอให้ได้ซ่วงใซ้บาปใหญ่แต่ปางหลัง พบพระโพธิญาณ อยู่เย็น เหมิดเวรต้อง
    ลูกขอเนาว์นำเนื้อนาบุญให้หนุนส่ง พระพุทธ พระธรรม พระสงฆ์ เป็นกำลังส่งยู้ ตนข้าสู่นิพพาน
    ลูกขอปักใจมั่นใต้ฮ่มพระโพธิ์ศรี ถึงสิมีความทุกข์สำใดสิทนไว้
    ใจประสงค์ป้ำยูงยางสูงใหญ่ ไม้บ่ล้ม มีดบ่บ่าน ขวานบ่เบ้ สาแหล่ว บ่เซา
    ตายก็ขอตาย Re: ..............ขออภัยทานนำแน่เด้อ เจ้ากรรมนายเวรเอ๊ย..................

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •