คำถามคนถืกถิ่ม

[หนุ่มน้ำโขง1]

...น้องหล่าเอ้ย ตั้งแต่มื่อได๋ที่ใจน้อง มีเขาครองฮ่วมพี่ชาย
ตั้งแต่มื่อได๋ ที่คึดหน่าย บ่าวพี่ชายผู้เคียงเจ้า
หรือว่าเงาความฮักอ้าย เบิดความหมายต่อใจอุ่น
ถืกเขาซูนซ่ำปลายก้อย นางน้องกะเปลี่ยนไป
ตั้งแต่มื่อได๋ที่ใจเจ้า หลอยมีเขาเข้ามาฮ่วม
อ้ายคือพวมแต่ฮู้ สำคัญอ้ายบ่ท่อเขา
หากแม่นดาวบอกได้ อ้ายกะคงสิบ่ถาม
ย่านคนงามเจ้าทุกข์ใจ ย้อนฮักหลายจั่งถามย้ำ
หรือทุกคำอ้ายพร่ำเว่า เป็นคำเก่าบ่ตรึงจิต
น้องเลยคิดปันใจ แบ่งให้เขาเข้ามาซ่น
คนที่เคยบอกฮักอ้าย ว่าเบิดใจมีแต่พี่
สาวผู้ดีคนนั้น ยังฮักอ้าย อยู่บ่น้อ...

[กะทิสด]

.....ท่านพี - เจ ...ขอลำกลอน...บอกลาโทรมากะได่....ให่แน่นา.....อิอิอิ

[ข้าวต้มมัด]

อ้ายเอ้ย สามาม่วนเอาฮ้าย โตพี่ชายมาที่หนึ่ง
ยังคงตรึงใจน้อง บ๊อเคยท่องเทียวทางได๋
หรือว่าแม่นโตอ้าย มีคนหมายใจตั้งต่อ
บอกแน่เด้ออย่าให้ง้อ แต่เจ้าหลายเด้อคุณ อิอิ


เอื้อยมาแจมนำจ้า ม่วนแทะ

[หนุ่มน้ำโขง1]

ขอบคุณที่มาแจมเด้อคับเอื้อย