กำลังแสดงผล 1 ถึง 4 จากทั้งหมด 4

หัวข้อ: นานแค่ไหน...ใจก็รอ..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    นานแค่ไหน...ใจก็รอ..

    ตกวสันต์เดือนเก้า เข้าพรรษาพวมสิเคิ่ง
    ฝนรินเลิงหลั่งย้อย ไหลลงค้อยคุ่มสถาน
    ธัญญาหารเขียวอ้ม ยามลมไกวใบวีแกว่ง
    หน่อไม้แทงยอดพ้น แทรงหม่นซ้นหว่างกอ
    ปลาเข็งค่อสะเดิดเต้น สะยานโตนขึ้นวางไข่
    บ้างพ่องไหย่เหยื่อซ้น วนเกี้ยวกล่อมกัน
    ปทุมวันบานบ้าง ก้านกางเกยต่อ
    ตางชูช่อออกดอกดั้ว สีสิ่วพ่องขาว
    ผักบุ้งทาวยอดปิ้น ไกว่ขีนแกมผักแว่น
    ประดุจแขนนารถน้อง ที่เคยคล้องแขนพี่ชาย
    คิดฮอดหลายเด้อหล่า มื้อห่างตายิ่งเป็นห่วง
    มีผู้ควงน้องหล่าแก้ว จนลืมอ้ายแล้วล่ะไป่น้อ
    อ้ายยังรอด้วยใจหวั่น มื้อห่างกันย่านใจเปลี่ยน
    มีคนเวียนแวะเข้าใกล้ ย่านใจน้องนั้นเปลี่ยนนำ
    คำเอ้ยคำ...คำแพงอ้าย ดูแลใจอย่าให้หม่น
    คนหนึ่งคน...ที่ยังคิดฮอดแต่นาง คนหนึ่งคน...ที่บ่บางทางฮักเจ้า
    ยังคงเว้า...เฝ้าแต่รอ...อยู่เด้อ คนงามเอ้ย...



    :l-:l-:l-

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    บ่อได่หนีไกลข้าง ระยะทางยังท่อเก่า
    ใจที่เคยมีเจ้า ยังอยากเว่าอยู่สู่วัน

    หนทางเทียวของเฮานั่น ยังมีกันแต่เก่าก่อน
    บ่อแม่นพ้อเครือใหม่แล้ว สิลืมพื้นแต่เก่าหลัง..ดอกเด้อ

    ลองแจมเกิ่นหนา..:l-
    มองต่าง..อย่างปลง

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ม่วนดีหลายจ้าหลานพลายแก้วจ๋า แต่ง ผญามวนแฮง

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ตอบ...mikaze ครับ..



    ดนปานได๋ใจยังหมั่น นานปานได๋ยังคือเก่า
    บ่เคยเซาความคิดฮอด บ่เคยมอดความคิดถึง
    ยังตราตรึงเสถียรตั้ง ฐาปะนังมะโนแจ่ม
    มีแต่แหล่มเหลื่อมโอ้ คันโสเว้าเรื่องฮักนาง
    บ่มีทางเบาบางได้ ไอระเหยบางเบยกลิ่น
    ยังถวิลนำแต่เจ้า กะยังเฝ้าฮักแต่เธอ
    บาดยามเผลอไปไกลหน้า สัญญาใจสิคือเก่า บ่น้อ
    มีคนขอมานั่งข้าง ย่านทางเจ้าสิเล่าลืม อ้ายนา..อิอิ


    ขอบคุณที่มาแจมครับ ผญาเพิ่นกะยังตะฮักคือคนแต่งเนาะ ฮ่าๆๆๆ เยี่ยมครับ มิก..



    ป้าชุด...ขอบคุณมากขอรับ ที่ติดตามผลงานมาตลอด กำลังใจที่ดีครับ ป้าก็เก่งสุดยอดนะครับ ผมติดตามทุกบทที่ป้าแต่งเหมือนกันนะครับ...อิอิ

    :l-:l-:l-
    แก้ไขครั้งสุดท้ายโดย พลายแก้ว; 04-08-2011 at 07:57.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •