ผัดผักหวานป่า

[หนุ่มน้อยศรีสะเกษ]

เมนูที่สินำเสนอมื่อนี้เป็นเมนูง่ายๆครับแต่มีโภชนาการสูง เป็นอาหารเพื่อสุขภาพ
โดยเฉพาะผู้ที่ต้องการควบคุมน้ำหนัก...คือกระผม..ผัดผักหวานปลาเค็มครับ


เด็ดผักหวานแล้วกะปรุงเครื่องเลยครับ เครื่องปรุงกะบ่อมีหยังหลายครับเพราะปลาเค็มกะเค็มยุแล้วใส่น้ำตาลกับน้ำมันหอยกะพอแล้ว ตำพริกกับกระเทียมใส่จักหน่อยเพื่อเพิ่มรสชาด


กระทะฮ้อนกะผัดเลยครับ ผัดแป็ปเดียวกะพอครับผักหวานสุกง่าย(ใช้น้ำมันบักกอกผัดยิ่งอร่อยและหอมครับ)


กินกับเข่าต้มครับสิได้ย่อยง่ายๆ มาเด้อครับกินนำกัน





ขอบคุณเวปบ้านมหาครับที่ให้พื้นที่ท่ายทอดเรื่องราวต่างๆ

[ขอบฟ้า]

:b-b ชิมนำแนจ้า เคยกินแต่แกงผักหวานใส่ไข่มดแดงจ้า ผัดหยังบ่เคยเลยจ้า :b-b

[ข้าวปาด]

มักนำอยุ่อ้ายเมนูแบบนี้ บ่หนักท้องดี

[kung สาวขอนแก่น]

เห็นแล้วกะอยากกินจ้า
เป็นตาแซ่บน๊อจ้า กินกับไข่เค็มนำ

[lungyai1123]

อาหารธรรมดาแบบนี่หละเน๊าะขึ่นเหลามาดนแล่วพี่น้องเอ้ยเปนตาแซบนำแท่ๆ

[บ่าวอิง]

ผัด แกง กะแซบเนาะผักหวาน เฮ็ดยามใดบ่เหลือจักเทื่อ

[isdy]

นี่ละเผิ่นว่าเทพธิดาขุนเขาละครับเฮ็ดกินยามใด๋แซบตลอด

[หมูหวาน]

บ่เคยกินแบบผัดจักเทือจ้า เคยกินแต่แกง เป็นตาแซ่บๆแท้:l-

[มะเหมี่ยว]

แกงเลียงกบใส่ผักหวานอีกเมนูนึงลองเฮ็ดเบิ่งเด้อจ้า....เคยไปกินยุร้านอาหารจ้า
กะเลยกลับมาลองเฮ็ดเอง...........(ผลลับแซบกั่วร้านอาหารจร้า )