มื่อหนึ่งครัวภูธรของน้องเขม มีโอกาสได้เฮ็ดกับแกล้มรับรองแขก (ขาเมา)
ของเฒ่าพ่อค่ะ เมนูนี้บ่สงวนลิขสิทธิ์ค่ะ แล้วกะยังบ่ได้ตั้งชื่อกับแกล้มจานนี้พร้อมค่ะ
ดุเด็ดเผ็ดมันส์ สนั่นครัวอีกแล้วค่ะ
มาเบิ่งส่วนประกอบกันเลยค่ะ
หนังงัวน้อย ขาเมาเบอร์ 1 ถือมาค่ะ จักไปได้มาแต่ใสดอกค่ะ
น้องเขมกะจัดการต้มจนอ่อน (บ่ถึงกับเปื่อย)
หั่นเป็นชิ้น น้อยใหญ่ตามใจแม่ครัว
ใบกระเพรา ใบหมากกรูด พริกไทยอ่อน กระชายหั่นฝอย พริกหยวก
หมากเขือผ่าซีกแช่น้ำเกลือไว้ค่ะ จั่งบ่ดำ
พริกแกง (มีหน่อยย่อนเหลือจากเฮ็ดน้ำยาข้าวปุ้นค่ะ) ตำกระเทียม หอม
พริกสด พริกไทย เพิ่มความเผ็ดอีกค่ะ
ส่วนผสมพร้อมลงมือ
ใส่น้ำมันในกะทะฮ้อนแล้วใส่พริกแกงลงผัดให้หอม
ใส่หนังลงไป ปรุงรสตามใจชอบใส่หมากเขือ
พอหมากเขือไกล้สุกไส่กระชาย พริกไทยอ่อนผัดให้เข้ากัน
สุดท้ายใส่ใบหมากกรูด ใบกระเพรา เสิร์ฟได้......
จักแซ่บบ่แซ่บดอกค่ะ แต่บ่เหลือ แถมบอกว่าเทื่อหน้าจะหามาให้ผัดให้กินอีก
แต่อย่าเผ็ดแนวนี้เด้อ ส่วงเหล้าเบิด...พ่ะน่ะว่า....
Bookmarks