...ไปเยี่ยมครัวดาบนพ..ชิมแจ่มฮ้อนเนื้อน่องลาย...

[กำพร้าผีน้อย]

...แจ่วฮ้อนเนื้อน่องลาย เป็นเมนูโปรดที่ผมมัก แต่กะดนเติบแล้วที่บ่ได้กินไปปั้มฮ่างกะบ่มีขาย..พอดีสมาชิกบ้านมหา..หนุ่มน้อยศรีสะเกษ หรือดาบนพ.ผู้เพิ่นเฮ็ดป่นกบ/แจ่วแมงจิซอน/ป่นแมงแคง..มาลงให้พี่น้องเบิ่งนั่นหละ..เพิ่นชวนไปยามบ้านกะเลยได้โอกาส..ขอเฉพาะเมนูนี้เด็ดๆอย่างเดียว อันอื่นตามใจเจ้าภาพ..55..บ่าย 2 จั่งเดินทางไปฮอดเป้าหมาย..บ้านดาบนพ..หมู่บ้านศุภาลัย..ซึ่งบ่ไกลจากบ้านอ้ายต่วงและพี่เอก หนุ่มนนท์ปานได๋..

..ฮอดหน้าบ้าน เบิ่งคักแล้วบ่ผิดบ้านแน่นอน ส่งอ้ายต่วงเข้าไปเบิ่งลาดเลาก่อน...อิอิ.. เข้าไปหละมิดซีลี กะเลยต้องนำเข้าไปเบิ่งเทื่อเกิดหยังขึ้นสิได้หลบหลีกได้ทัน..55.. ผ้อเจ้าของบ้านกำลังเตรียมแนวอยากแนวกินพอดี..












..แนวกินพร้อมแล้ว..ทางนี่กะลุยก่อนเลย..เอิ้นกินแล่นใส่ตั๊วเพิ่นว่า...











..มีพี่น้องมาสมทบอีกเรื่อยๆ กะเลยย้ายไปนั่งหลังบ้าน ลมเย็นดีขนาด..เป็นตะนอนเว็นคัก..




...จ่าเหลืองแข่วงาม..ให้ค่าหนมหลานน้อย..




...พอแนมเห็นหน้าคนให้หละคือจั่งเฮ็ดหน้าเบ๋ๆ..




..ตามหลังมาฮอดช่วงแลงๆ..บ่าวจัยมาพร้อมกับปลานิล เลยได้กินปลาเผาอีกส่งท้าย. คุยกันอีกดนเติบกะแยกย้ายกันกลับเคหะสถาน..ทิ้งไว้แต่ความรู้สึกดีๆและมิตรภาพที่ดีต่อกัน..







..ฮู้จักบ้านจักช่องแล้ว..ขอบคุณหลายๆที่เปิดบ้านต้อนรับสมาชิกพี่น้องบ้านมหาที่มาเยี่ยมยาม.เทื่อหน้าสิมายามใหม่เด้อดาบนพ..ขอให้น้องอยู่ดีมีสุขทั้งครอบครัวครับ

[กำพร้าผีน้อย]

...ผักตำนินข้างฮั้วเพิ่นเอามานึ่งใส่ปลากดเบิดแล้ว..เหลือแต่ใบเฒ่าๆ..55



..อ้ายต่วงคนหล่อ..มักขนาดถ่ายรูป..แต่ถ้าให้เลือกเพิ่นว่าเลือกคุยทอสับดีกว่าพะนะ...




..คุยหยังกันน้อนี่พี่เอกกับอ้ายต่วง..เบิ่งซงคือสิใหญ่คัก..อิอิ





..ป้านวลมาจากปราจีน..มีหน่อไม้มาแกงนำ..แต่สมาชิกท้องสิแตกแล้วกะเลยต้มไว้ซือๆ ให้ดาบนพไว้กินกับป่นกบ..

[ดีเจป้านวลม่วนโสตาย]

ขอบคุณอ้ายดาบนพ หลายๆเด้อผม สำหรับการต้อนรับพี่น้องบ้านมหา แล้วกะป้านวล ม่วนโสตายพร้อมครับ มื้อน่าสิไปใหม่เด้ออ้าย555555555555

[pui.lab]

มีแต่แนวแซบๆแท้อ้ายดุลย์ อ้ายหนุ่มศรีสะเกษ คราวหน้าพาไปกินนำแน๊เด้อ
:b-b

[หนุ่มน้อยศรีสะเกษ]

ขอบคุณพี่น้องบ้านมหาที่แวะมายามกันเด้อครับ
ขั้นจ่าเหลืองบ่อเจ็บท้องคือสิอยู่เดิกกั่วนี่ยุดอก(สิได้คืนพร้อม5555)
จ่าเหลืองเฮ็ดน้ำจิ้มขมแปะตายแซบๆครับ


:*-:*-

[จ่าเหลือง]

ขอบคุณ เจ้าบ้าน พี่นพ พี่นาง แล่วหลานน้อย นพ จุเนี้ย ม่วนครับ อิ่ม อบอุ่น ไผมักกิน กิน ไผมักเล่น เล่น ฮ่าๆๆ:b-b:b-b:b-b



ฮ่าๆๆ ตามสโลแกน "จ่าเหลือง ผุชายคนนี้มีแต่ให้"

[ดีเจป้านวลม่วนโสตาย]

บ่มีแนวสิเว้าแล้วละพี่น้องขอ

[หนึ่ง]

โอ่...กะซ่ำพ้อเพิ่นพ้อกันดู๋ล่ะเน๊าะ..บัดได่แท้เพิ่นมีกิจกรรมได้เสียกัน ฮ่าๆๆ แววเล่นซื่อๆเด้อจ้า

[ต่วง]

ม่วนๆ ครับกินหอยผุเดียวเป็นกิโล มื้อหน้าไปถล่มใหม่อีก อิอิ ขอบคุณดาบนพครับ

[บ่าวห้วยละโอง]

เป็นตาแซ่บน้อครับ โอกาสหน้าสิบ่ให้หลุดลอยดอกครับ