กำลังแสดงผล 1 ถึง 2 จากทั้งหมด 2

หัวข้อ: วันแม่นั้น...สำคัญไฉน..?

  1. #1

    วันแม่นั้น...สำคัญไฉน..?

    สาธุ สาธุ สิทธิพรบวรดิเรก เอนกพหุละเดชา


    อภิวาทนะมัตถุ์น้อม จอมใจมาตุเรศ
    ผู้ปกเกศคุ้มเกล้า กวมกุ้มแผ่ผาย
    คุณโณหลายลื่นล้ำ เกินคำนำกล่าว
    ขอเทิดทูนพระคุณเจ้า ผู้แฝงเฝ้าแต่อ่อนวัย
    จวบจนใหญ่หลายปีพ้น จนวันวารผ่านแปรเปลี่ยน
    อดสาเพียรทนรับจ้าง หวังให้ลูกอยู่สบาย
    ทนเหงื่อไคลไหลตางน้ำ ทำงานสู้บู๋งานหนัก
    ให้ลูกรักผ่านศึกษา คว้าใบปริญญาเป็นตราเอ้
    จนว่าเพ-ลาผ่าน ลูกแต่งงานเป็นฝาฝั่ง
    แม่กะย่างเยื้องเข้า เป็นผุเฒ่าแก่ชรา
    วันแม่..มาใกล้อีกครั้ง ลูกจ๋า..ยังสบายบ่
    แม่ยังรออยากพ้อเจ้า แม่หุงข้าวถ่าอยู่เด้อ
    สายตาเบลอเหม่อมองฟ้า มือซาวหาภาพเก่าๆ
    พอคลายเหงาในใจบ้าง กับไอ้ด่างที่ข้างกาย
    ขอฝากสายลมฝนผ่าน วอนกล่าวขานบอกลูกแน่
    ว่าผู้หญิงแก่ๆ..เฒ่าๆ อยากพ้อเจ้าก่อนสิ้นลม....หล่าเอ้ย คำเอ้ย..


    ...วันแม่ปีนี้ กลับบ้านกราบแม่เถอะครับ กราบแม่วันนี้ ก่อนที่คุณ..จะไม่มีแม่ให้กราบ...

    :welcome3ธุจ้า:welcome3
    แก้ไขครั้งสุดท้ายโดย พลายแก้ว; 07-08-2011 at 21:37.


  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    สองมือลูกเทิ้งสิบนิ้ว ได้ยอนพเอาจบเจีย
    ยกขึ้นเหนือเกษา ต่อพระมารดาไท้
    สิ่งแนวได๋ได้เคยเว้า กล่าวคำจ๋าบอดีต่อ
    ลูกมาขอขมาไหว้ อภัยให้ลูกแนเด้อ
    ลางเทือเผลอเว้าฮ้าย บอจงใจว่าให้แม่
    แต่มารับผิดแล้ว มาขอโทษโปรดอภัย
    ลูกทำผิดมาคิดได้ ขอไห้วแม่ชนรณี
    คำบอดีที่เคยเถียง แม่อย่าเคืองอภัยบ้าง
    ลูกนี่ยังบูชาเจ้าเอาคุณแม่ขึ้นเทิ้งหัว
    ถือดอกบัว พวงมาลัย มาไหว้บุญแทนคุณเข้า
    คำหนักเบาที่เคยล่วง เฮ็ดให้แม่นั่นเสียใจ
    บอได้หมายซังเลย ลูกบอเคยสิลืมได้
    ฮักแม่หลายในโลกนี่ แมนบอมีอีหยังท่อ
    บุญคุณขอยกเอาไว้ ลูกขอไหว้ตอบพระคุณ
    เป็นอย่างบุญของลูกแท้ ที่มีแม่เป็นโพธิ์ศรี
    คุณความดีใหญ่มหัน เกินประมาณจนเหลืออ้าง
    แม่มีหยังยอให้ลูก ปลูกแต่สิ่งที่ดีงาม
    นามพระคุณเกินศรัพ สินับหยังบอเทียมแท้
    ขอให้แม่อายุหมั่น เป็นพันปีอย่ามีเสื่อม
    ให้อยู่เทียมโลกนี่ ไปเรื่อยตลอดกาล
    ภัยอย่าพาลมารอย่าต้อง ผองอายุให้ยืนยงค์
    ขอให้องค์พระคุณศรี คุ้มครองอย่ามีฮ้อน เด้อจ้า สาธุ


    หลานพลายแก้วจ๋า ป้ามาขอแจมนำเด้อจ้า
    แก้ไขครั้งสุดท้ายโดย chudhancock; 08-08-2011 at 00:17.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •