..โอ้ว...ของขึ้น..

[เขมราฐ]

อ่ะแน่ะ...เห็นชื่อเรื่องฟ้าวเข้ามาเบิ่งเด๊นั่น

สงสัยแม่นบ่ค่ะว่าน้องเขมฯมาแบบได๋มื่อนี่

แถวบ้านน้องเขมฯ เอิ้นแม่น้ำโขง ว่า "ของ" ค่ะ ยามน้ำโขงขึ้นหลาย ๆ

เพิ่นจะเอิ้นว่า "ของขึ้น" ซึ่งบ่แม่นคำหยาบแต่อย่างใด

ยามน้ำโขงลดเอิ้น "ของลด" ไปกินปลาโขง เอิ้น "ไปกินปลาของ" :l-:l-

เอิ้นพี่น้องฝั่งนั่นว่า"ไทฝากของ"



มื่อนี่น้องเขมไปกินข้าวเที่ยงก๋วยเตี๋ยวเรือเจ้าแซ่บของอ.เขมราฐ

ร้านตั้งอยู่ตะฝั่งของ กินไปเบิ่ง "ของขึ้น" ตาย่านแฮงค่ะ



ระเบียงมุมโปรดมื่อนี่บ่กล้านั่งเลยค่ะ



เบิ่งก้อนเมฆตั้งเค้ามาอีกแล้วค่ะ ท่วมเขมราฐคัก ๆ เลยค่ะ



กินข้าวเที่ยงแล้วเข้ามาซื้อของในตลาด เหลือบไปเห็นแล้วอดขำบ่ได้เลยเอามาให้เบิ่งค่ะ

คลายเครียดยามน้ำจะท่วมแหล่มิท่วมแหล่ค่ะ

[หนึ่ง]

ฮ่าๆๆ อ่านใจออกอีกเน๊าะน้องเขมวาเห็นซื่อเรื่องแล้วฟ้าวมา...เอื้อยกะเข้ามาเบิ่งวา ของขึ้นสูงปานได๋ อิอิ แถวนี่หม่องได๋มีตะพานมีน้ำผ่านน้ำกะขึ้นสูงคือกันจ้า...

[เซียงสีผีเป้า]

จั่งแม่นเพิ่นคัก จั่งแหม่นจั๊งแมนเพินคัก
จั่งแมนเพินคัก จังแม๊น จังแมนเพินคัก

ซังคนเด้ เคยโตนของบ่ คนตั้งกระทู้น่ะ หือ ?

[ชัย หมอแคน]

ยามนี้บ่ว่าน้องหลิน หรือว่า ยาย กะได้แต่เบิ่ง ของขึ๊น ของขึ่น แม่นบ่ จั่งซี่ละยามน้ำท่วมของ...แอ่ๆๆ

[sa_ngamk9]

บ่ได้มาเบิ่งของขึ้น แต่แวะมาเบิ่งของใหญ่ ลอยบ่ข้ามดอก

[esannot]

55 น้องเขมคือเอิ่นแปลกแท้หละ ของขึ้นพะนะ เพิ่งได้ยินนี้หละครับ55555

[lungyai1123]

ลุงใหญ่กะฟ้าวสะยานเข่ามาอย่างแฮงแหล่ว บ่แหม่นแอวเดี้ยงแล่วบุ..ลืมไปว่าทางพี่เอิ้นน้ำโขงว่าน้ำของ เดี้ยงๆๆๆๆ เอิ๊กๆๆๆๆ

[สาวเมืองยศ]

555ขำหม่อง"ยายนอนไม่ต้องเรียกจ่ายเองทอนเอง"นี่ล่ะ บาดเทือของท่วมยายสิเฮ็ดจังได๋ล่ะยายสิไห่เรีกบ่อ555

[khonsurin]

ชอบบรรยากาศภาพริมแม่น้ำโขง มากจังเลยค่ะ

[จ่าเหลือง]

ฮ่าๆๆ ของขึ้น บ่ ต้อง เจอกัน เด้อ ไว้ ของลง จั่งมาสุมหัว ฮ่าๆๆๆ