ส้มตีน

[ฅนภูไท]

ส้มตีน

สืบเนื่องมาจากกระทู้แกงผักขี้เหล็กพุ่นหละครับ พอดีโทรไปถามสูตรจากเฒ่าแม่ฝีมื้อยังบ่แก่กล้าเด้ออ้ายเซียงยังบ่กล้าเอาไปให้กิน เดี๋ยวผมกลับบ้านช่วงเดือนกุมภาสิเอามาฝากเด้อครับ มาเบิ่งวิธีเฮ็ดกันเลยครับ




ตีนวัวหรือควาย (นำไปเผาไฟทำความสะอาดต้มจนเปื่อย) กระหล่ำ ต้นหอม ผักแป้น




ที่นี้เฮากะมาเลาะเอาเนื้อเอาเอ็น มาหั่นเป็นชิ้นบางๆ ขนาดพอคำ ส่วนผักเฮากะเอามาหั่นเป็นท่อนๆ แล้วกะเอาไปตากแดด(การนำผักไปตากแดด เวลาเฮาคั่นสิเฮ็ดให้ผักบ่มุ่น น่ากิน)



พอผักได้ที่แล้วเฮากะเอามาใส่หม้อเตรียมคั่น ใส่ เกลือ ข้าวเหนียวนึ่งลงไป แล้วกะทำการคั่นส้ม



เอาเนื้อกับเอ็นที่หั่นไว้ มาคั่นใส่กัน ใส่ผงชูรสลงไปเพื่อความแซบ คั่นให้เข้ากัน



ใช้ลิ้นแตะเบิ่งว่าเค็มได้ที่หรือยัง ( เฒ่าแม่เพิ่นบอกว่าให้เค็มปะแล่มส่ำกับเหงื่อเจ้าของถือว่าใช้ได้) พอได้ทีแล่วเฮากะปิดฝาให้มิดชิดทิ้มไว้จัก1-2 มื้อกะเอามากินได้



พอเป็นแล้วเฮากะตักใส่จานเสริฟพร้อมบักพริกสด สิกินกับข้าวเหนียวหรือสิแกล้มเหล้ากะสุดยอด 8)8)8)




ปล.อันนี้เป็นสูตรทางสกลเด้อครับ

ขออภัยหากใช้คำไม่สุภาพ แต่ไทบ้านผมเขาเอิ้นกันจั่งซี้ครับ

[lukhin_inter]

::)เห็นแล้วหิว....เมื่อช่วงเมษาไปสกล...วานรฯนี่หละ ก็ได้กินส้มตีนนี้หละจ๊ะ...ติดใจ๊ ติดใจ กรุงเตบ...หาไม่เห็นมีเลยคะ อ้ายภู...ช่วยส่งไปให้ลูกหินด้วยนะ...เอาฝีมือ อ้ายภู...เฮ็ดเด้อ..คือจะแซ่บบบบบบ แซ่บ

[ตรี ศรีเมืองใหม่]

โห//เกิดมาจนอายุ สามสิบกว่าปีแล้ว พึ่งได้ยิน และพึ่งเคยเห็น เว้าแล้วก็อยากเปิบพิสดาร //เอาจั่งสี้คนภูไท เจ้าไปบ้านซื้อมาให้อ้ายลองเปิบเบิ่งเด้อ อ้ายชอบของแปลกๆครับ โทรมาบอกโลดสิไปรับเอาก็ได้

[ฅนภูไท]

ถ้าผมกลับบ้านผมสิซื้อมาฝากเด้อครับ รับรองติดใจ อ้ายเซียง น้องลูกหิน ถ้ากินเด้อครับ

[ศรีสะท้าน]

โอ่ เป็นแนวนี้ดอกว่าติ้ ข้อยกะบ่อเห็นจักเทื่อคือกันอาวเซียง อันส้มบาทานี้กะดาย อิ อิ เคยกินแต่ส้มหัวงัว หัวควาย หัวหมู ทางใต้ เขาเจ้าเอิ้น หนาง มีหนางวัว หนางควาย หนางหมู เอามาแกงกระทิใส่หยวกแมะ

[สาวเมืองกะสิน]

:) หะหะ โอ๊ยเน๊าะ เวบบ้านมหานิ มีแต่เมนูเด็ดๆ :g ตบมือให้ก่อนจ้า เกิดมากะเพิ่งเคยได่ยิน ได่เห็นคือกัน นึกว่าอ้ายบ่าวเซียงน้อยเป็นสุดยอดหมึกแดงแห่งอาหารอิสานแล้ว อ้ายคนภูไทผั่นแหงคักกว่าอีกจ้า :g

ขอบคุณเด้อที่นำมาเสนอ เคยไปเที่ยวบ้านทางภูไท เห็นแต่เผิ่นแกงยอดอ้อยใส่ไข่มดแดงให้กินกะว่าแปลกแล้ว อันนี่ผั่นแหงแปลกกว่าน้อจ้า

[สาวเมืองกะสิน]

อีกจักเทื่อก่อน มันสิคืออาหารเวียดนามที่เคยกินบ่น่อ แต่อาหารเวียดนามเผิ่นห่อใส่ใบตองคือจังหมูยอนี่หล่ะ จักเผิ่นเอิ้นว่าหยังกะจำบ่ได่แล้ว แต่ว่ามันกะแซ่บดีคือกัน
เสียดายน้ออ้าย อยากซิมนำกะซิมบ่ได่ เพราะว่าบ่กินเนื้อนั่นนา เสียดายๆๆๆ

[ฅนภูไท]

ถ้าบ่กินเนื้อ กะใช้เอ็นหมูแทนกะได้เด้อครับ แต่ต้องเลือกเฉพาะเอ็น ลองเฮ็ดกินเบิ่งเด้อครับ

[หล่อร้อยเมตร]

บ่ทันเคยกินจักเทื่อ บ่ฮู้นำหว่ามีเมนูนี่ ส่งแนบไฟล์ มาทางอุบลแหน่เด้อ สิซิมเบิ่งสั่นดอกว๊า ::)

[ขอโทษที่คิดถึง...เด็กดื้อ]

ส้มตีน ถ้ามันบ่สุภาพกะเรียก ส้มเท้าละกัน
บ่เคยเห็นบ่เคยกินนำ...สรรหามาเฮ็ดเน๊าะ
เป็นตาแซบ...แม่นสิเผาและต้มแล่วกะสิ
ห่อใบตองปิ้งดอกคือสิแซบ....อิอิอิ 8)