และกะมาฮอดมื้อที่พี่น้องเพิ่นสิเมือหนีจากแล้วจ้าพี่น้อง
มื้อคืนแยกย้ายกันประมาณหกทุ่ม กว่าจิอาบน้ำแล้วเบิดซู่คน
กว่าจิได้นอนกะเกือบๆ ตีสอง ก่อนนอนกะตั้งนาฬิกาปลุกไว้ตีห้า
กะไว้ว่าหกโมงเช้าล้อรถต้องหมุนเพื่อไปให้ฮอดทันขึ้นรถเวลา เจ็ดโมงเคิ่ง
และกะเป็นไปตามแพลนที่วางกันไว้จ้า
ณ เวลาหกโมงเช้าฟ้ายังบ่แจ้งปานได๋ ณ หน้าที่ทำการคุ้มฯ
มาฮอดเลาะ บขส.เวลาหกโมงครึ่งจ้า เหลือเวลาอีกเกือบๆ หนึ่งชั่วโมง
เลยมาจอดป้ายนี้จ้ากับแนวกินงายก่อนเดินทางไกล
พี่แม็กกี้กับซอสแม็กกี้ค่ะ อิอิ
อิ่มแล้วกะเคลื่อนพลไปยัง บขส.เพื่อเตรียมขึ้นรถกลับกรุงเทพฯจ้า
เห็นพากันหน้าตาสดใสแบบนี้ ตอนท้ายมีการเบ๋เกิดขึ้นจ้าพี่น้อง แล้วกะมีคนแอบน้ำตาโห่งหน่วยนำจ้า อิอิ
สองพรีเซนเตอร์สาวสวยแห่งบริษัทขนส่งจำกัด อิอิ
พร้อมกับรูปพาหนะที่จิพาพี่น้องเฮากลับกรุงเทพฯ
ขอบคุณสำหรับการมาเยือนพร้อมมิตรภาพ ความรู้สึกดีๆ และความคิดฮอดคิดถึงกัน
ระยะเวลา สองมื้อสองคืนที่ได้เฮ็ดกิจกรรมร่วมกัน กินข้าวกินน้ำฮ่วมกัน
ต่อคิวอาบน้ำกัน พอฮอดเวลาต้องจากกันกะเฮ็ดให้รู้สึกใจหายจ้า
คือจั่งเฮาไปเข้าค่ายลูกเสือบ่มีผิดเลยจ้า
หวังเป็นอย่างยิ่งว่า คงสิมีโอกาสได้ต้อนรับพี่น้องอีกจ้า
***************************************************************
หลังจากที่ส่งพี่น้องเมือแล้ว กะกลับมานอนต่อจ้า
รู้เมื่อคีงขึ้นมาย้อนว่าเสียงโทรศัพท์ปลุกตอนเกือบๆสี่โมงแลง
ปลายสายบอกว่า กำลังจิยกพลไปบุกเด้อพานะ
โอ้ววว ลืมไปว่ายังมีพี่น้องตกหล่นอีกคนหนึ่ง "คิมซองจู!!!!!!!"
คิมบอกว่า นอนเพลินไป ลืมตื่น ตื่นบ่ทันรถขออยู่ต่ออีกจักมื้อได้บ่
Bookmarks