-
ดีเจ นักจัดรายการ
เมือยามบ้าน กราบแม่เติมแฮงใจ
สวัสดีจ้า ธุจ้า พ่อแม่ พี่น้อง บ้านมหาที่ฮัก และคิดฮอดคิดถึง ทุกๆท่านจ้า มื้อนี้มื้อดีมื้อแดดออก อิอิ เนื่องจากอาทิตย์ก่อนเป็นวันหยุดยาว วันแม่ นู๋น้อยกะเลยถืกโอกาสเมือยามบ้าน หาแม่ ซะเลย ลาหยุดต่อเนื่องอีก เพื่อความม่วนชื่อโฮแซว อิอิ กะเลยเก็บเอาภาพบรรยากาศท้องทุ่ง ท้องนา มาฝากจ้า
เริ่มต้นการเดินทางที่บ่ายสามโมงวันที่ 11 ออกจากชลบุรี ถึง ศรีสะเกษ 9 โมง วันที่ 12 นั่งรถเมื่อยคัก เพราะคนเดินทางเมือยามบ้านกันหลายรถไปแน่นยุ ทางขึ้นโคกหม่อง อำเภอสีคิ้ว จ้า แต่กะโชคดีที่ไปทันเห็นฟ้าแจ้งยุบ้าน ได้เห็นบรรยากาศยามเช้าๆ เพราะสุเทื่อเมือฮอดบ้านกะประมาณ ตี 4-5 ยังมืดๆยุบ่เห็นวิวทิวทัศน์หยัง ฟ้าแจ้งที่ อำเภอขุขันถ์ เบิ่งตลาดยามเช้าๆ จ้า
นั่งรถลัดท่งนามาทาง อำเภอขุญหาญ เห็นภาพท้องทุ่งนาเขียวขจี แสดงว่าแถวนี้ฝนตกดี น้ำถ่าอุดมสมบูรณ์
เข้าสู่เขต อำเภอกันทรลักษณ์ แล้วจ้า ใกล้ฮอดบ้านแล้ว ไหว้ศาลหลักเมือง ก่อน เพื่อความเป็นศิริมงคล
นั่งรถจากตลาดกันทรลักษณ์ ออกไปทางอำเภอเดชอุดม ประมาณ 20 กิโลเมตร กะฮอดบ้านแล้วจ้า ระหว่างทางกะชมวิวทิวทัศน์ไปเรื่อยๆ พอฮอดบ้าน แม่กะคั่วจิหรีดไว้ถ่า กับป่นกุ้ง ฝีมืออ้าย กับ แกงหน่อไม้ อาเอามาซุมกิน ซามจะกินอิ่ม ถามไถ่พี่น้องแล้ว กะเวลาเลยเที่ยงไปแล้วจ้า เมื่อยรถหลายกะเลยนอนเวน ตื่นมากะค่ำพอดี แล้วข้าวแลงกับปุ่นจิหรีด นึ่งเห็ด จ้า ตื่นมามื้อใหม่ ไปเลาะท่งนา เบิ่งป่ายาง กับเจ้าของไฮ่เผิ่นเป็นผู้นำทาง
เลาะป่ายางเมื่อยแล้วกะแวะหาหน่อไหล่ ไปแกงกินเที่ยงจักหน่อย
หากินบ่หมาน เพราะมาฮอยหักไปใหม่ๆกะเลย เหลี่ยวเบิ่งกอไผ่ข้างๆกัน มีแนวกินเที่ยงแล้ว จ้า อิอิ
-
แบ่งปันความรู้และประสบการณ์
บ้านเราแสนสุขใจ จะอยู่ที่ใหนๆก้อไม่เหมือนที่บ้านเรา....
-
ดีเจ นักจัดรายการ
-
ผู้ช่วยผู้ใหญ่บ้านมหา
Mr.Reception
ปลุกทั้งข้าว มัน ยาง งามคักเนาะ บ่อรวยสิไปไส ...555
-
ร่วมถ่ายทอดความรู้สู่สังคม
อ้ายเอ๋เฮ็ดได๋สิไปมีสวนยางมีนาข้าวแถวนั่นอ้าย มาคืออุดมสมบูรณ์แท้
-
ดีเจ นักจัดรายการ
-
ดีเจ นักจัดรายการ
ขอบคุณภาพบรรยากาศจ้ามู๋น้อย
เบิ่งแล้วมีความสุข ซุ่มซื่นหัวใจอิหลีกับภาพข้าวเขียวงามๆ
คึดฮอดเจ้าของไฮ่ผู้เพิ่นย่างออกก่อนอาเพิ่นเนาะ
-
ร่วมถ่ายทอดความรู้สู่สังคม
อยากไปเป็นลูกเขยเด้ คือสิมีท่างนอนกิน อิอิอิ
-
Membership renewed
อุดมสมบูรณ์เนาะแจ๋ว เป็นตาไปอยู่นำแท้หว่า มีหม่องให้เอื้อยอยู่บ่จ้าแจ๋วแถวๆป่ายางพารา :l-
-
แบ่งปันความรู้และประสบการณ์
สุดยอดอีสานบ้านเฮาคราบจังได๋ให้ไปเบิ่งคราบ
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks