4 พอ.พาสุข (ง่ายๆค่ะ)

[ข้าวต้มมัด]

คนเฮานี้ดีชั่วเป็นตัวตัด ได้สัมผัสคนมีศิล เย็นกายส่ำบายต้าน
ทานามัยใสรอยยิ้ม พิมพ์ใจได้ต้านกล่าว
ลองมาเอาวจีต้าน ตริตรองอ่านให้ถ้วนถี่
อาจสิได้คติดี พอมีป่องเอี่ยม เที่ยมหม่องส่องไป นั้นแหล่ว

ขอแจกแจงแบ่งเสี่ยง 4 พอ.ท่อฮู้จัก
๑) พอกินที่เป็นหลัก หาผักปลามาเลี้ยง
กินพอเพียงบ่ขอมาก ประทังปากกายา
หมั่นรักษาจากโภยภัย โรคภัยพยาธิฮ้าย

๒) พอใช้พอจ่าย มีอันใดใช้ให้คุ้ม หุ้มห่อพอเก็บหอม
จักถนอมออมพรัพย์ ให้รู้หลักตั้งแต่น้อย

๓) พอใจ วาสนาอย่าคอย คนแข่งบุญกันบ่ได้
ให้พอใจการเป็นอยู่ ถึงบ่หรูฟู่ฟ่า ให้ว่าไปตามกระเยิม นั้นแหล่ว

๔) พอเพียง สามสี่เสี่ยง ทุกกระบวนต้านต่อ
ให้ฮวบน้อมาต้อม ฮอมเข้าเป็นหนึ่งเดียว

บ่ฮ่อนเที่ยวฮ้อนฮุ่ม อ้อนวอนรอวาสนา
บุญกุศลผลผลา ให้ทานหนาถ้ามาฮอด
มีสองมือสองขาตาบ่บอด อย่าฟ่าวจอดเพิ่นหากว่า
ให้ขนขวายตามธรรมา มากหนักหนาหยายพี่น้อง
เครือข่องก่องน้ำใจ นั้นแหล่วพีน้องเอ้ย



ผญ๋าบทนี้ตรงกับพระราชดำรัสของพระบาทสมเด็จพระเจ้าอยูหัวฯ